تساؤلات هامـة لـ أول حمل .،!

الف مبروك على الحمل يالغالية
استخدمي لاب توب بس مش دايما يعني خفيفي منه ولاتزعلين لانه ما شيء اهم في الدينا غير ببيي لاتصعدين الدرج وايد ونوم على الظهر عادي في الاشهر الاولى
الله يثبت حملج ان شاء الله

هلا حبيبتي اول شي الف مبروك الحمل والله يتمم لج على خير يارب وتفرحين بالبيبي :)


1) هل ان استخدام اللاب توب يأثر على البيبي ؟
لا،، بشرط ان اللاب توب مايكون في حضنج دايركت يعني خليه ع الاقل على مخده وتكون المخده في حضنج :)


2) و هل اذا ساءت الحالة النفسية بسبب الامتحانات و غيره يأثر على البيبي في الشهور الاولى ؟
همم مادري بالضبط بس حاولي بقدر الامكان انج ماتتضايقين لاي سبب من الاسباب،، لان البعض يقول تطلع نفسية البيبي على نفسية الآم!


3) شنو الاشياء اللي تنصح فيها الحامل لأول مرة ؟
اكلي كل شي مفيد،، وحاولي تغصبين حالج،.. شربي ماي وايد،،
اكلي فواكه وخضار عشان ماييج امساك،، استخدمي الفوليك اسيد،،
لا تكثرين من الشاي والقهوه،، يعني معقول تشربين كوبين باليوم،،
حاولي لاتكثرين من الاشياء الحاليه ولا المالحه،،
واهم اهم شي،، حاولي قد ماتقدرين مايمر اسبوع الا وانتي قاريه فيه سورة البقره والشي الثاني،، حاولي ع الاقل كل ليله تحطين تحت راسج صدقه،، ولو ربع دينار!

همم واذا ذكرت شي ثاني باقولج

4) كثرة صعود الدري ( الدرج ) و النزول عل يأثر ايضا ؟
مابي اخوفج واقولج يآثر ،، قد ما ابي اقولج حاولي انج تنزلين خطوه خطوه على اقل من مهلج ونفس الشي طلعه الدرج
ولا تحاولين تنزلين وتطلعين وايد اذا ماكنتي محتاجه،،


5) بالنسبة لـ طريقة النوم لازم تكون على الظهر في الشهور الاولى يعني و لا عادي ؟
لاااا تجنبي النومه ع الظهر،، نفس الشي ماتنامين على بطنج الدكاتره ينصحون بالنوم ع الجهه اليسار بس عادي اذا تبين تنامين ع الجهه اليمين،، وحاولي انج تحطين مخده صغيره بين افخاذج ،، صج انج مراح تعرفين تنامين جيه بالبدايه بس بتتعودين!

اي استفسار،،، حاضرين ياقمر،،

-

ماقصرا

البناااات

وسلاامتك


-الكروشات كل اللي ابي اقووله قاللوه

بس اعتقد النوم على الظهر عادي في الشهور الاولى

بعد الشهور الاولى نامي على الجنبيين


-

ماشاءالله كفت ووفت أخت Hala ..

بس بزيد نقطتين اللي هي أولاً ( الدرج ) .. حاولي قد ماتقدرين تخففين من الروحه والجيه فيه .. لأن وحده من صديقاتي ولدت بالسابع وجاها ألم في رحمها بسبب درج الجامعه لأن كان الكلاس حقنا بالدور الثاني وكانت يوميا تصعد وتنزل فيه وسبحان الله جتها ولاده مبكره .. ماودي تتشاءمين بس الإحتياط ضروري .. والله يسهل عليك ياااارب ..

النقطه الثانيه .. هي نومة الظهر .. مافيها خطر يذكر على الجنين في الشهور الأولى .. أما بالشهور الاخيره إرتاحي على ظهرك إذا ودك بس لاتزيد عن (( نص ساعه )) لأن بأذن الله مافيه خطر .. لو كان يأثر على الجنين كان مارضوا يسون سونار بالاشهر الاخيره وأنتي نايمه على ظهرك أكثر من ربع ساعه !!!! والله أعلم ..

الله يثبت لك حملك يارب .. ويسهل عليك إن شاءالله والجميييييييييع ..

مرحبا
انا اول مرة اسمع ان الاب توب ياثر اعرف بس المكروويف مو زين بعدين لا تخافين انا كنت ادرس في اول حمل لي وكنت في كلية جدة العلمية مرة معروفة بدرجها العالي والحمد لله ما صارلي شي وبنتي عمرها سنتين احلى واهدء طفلة شفتها خليكي ريلاكس والا تفكري كثير