ابني حبيبي والسعال

اولا سلامته ولدش وما يجوف شر ان شاء الله

نفس حالة ولدي قبل فترة والحين الحمد لله تعافى

وانا حطيت اللوم على نفسي ليش انه وصل لهالحالة

لأني مثلش قلت ما بوديه المستشفى كل يوم ادويةغير شكل

وآخر شي اضطريت أوديه لأن صدره كلا ملتهب واللوز ملتهبة وأذونه

فبدل ما كنت خايفة من الأدوية صار ياخذ جرعات مضاعفة عشان يخف

هذا غير انا شرينا له جهاز البخار لأن الضيقة وصلت عنده حدها

فنصيحة من إخت لا تخلين الجاهل ووديه لأخصائي مو اي دكتور ولا طبيب الأطفال ترا ينفع

لأني عجزت أوديه بين فترة والثانية لأخصائي أطفال بس السالفة كان يبي ليها أخصائي أمراض ربو

والحمد لله الحين خف واجد ويمكن لو وديته من اول ولا اعتمدت على الفناتق اللي سويتها له تجنبت هذا كله

ولا احتاج لهالفترة الطويلة من العلاج

وربي يعافيه من كل شر وعذراً على الإطالة

دعواتي

سلامة زهاري جربي تدهنين صدره ورجله بفيكس الاطفال وساعديه على طرد البلغم مدديه على بطنه وامسحي على ضهره وادا ماراحت السعله وديه للدكتور

هلا اختي ............شوفي اختي اولا الاحسن انك توديه المستشفى وتطماني عليه انه ما فيه التهاب في التهاب او شي وبعدين الدكتور ما راح يامر بالاكسجين الا اذا الطفل محتاجه ولا تخافي منه بالعكس يساعد الطفل على التنفس ......... اذا ابنك كبير بالسن انا اعطي عيالي زيت زيتون مع عسل علشان يخفف السعال بس انا عيالي اعمارهم 3 سنوات وسنتين

اختي العزيزه...الف سلامه على ولدج..
اولا منو قال البخار مب زين يتعود عليه الياهل؟؟؟؟؟

حبيبتي ودي ولدج المسكين المستشفى عن يزيد البلغم لا سمح الله و يسويله التهاب هو في غنى عنه...

والدكاتره عمرهم ما بيسوون شي ضد مصلحه المريض...وهم ادرى بشغلهم

فديته نفس معانات شواخي حبيبتي
انا وديته الدختر وما يابت الادويه فايده وياها
امي نصحتني احط لبان ويا ماي (البان اللي ايبونه من عمان على شكل احجار )واحط نتفت زعفران اخليه لمدت ساعتين لين ما يتخلخل زين وعقب اعطيها منه يوميا الحمد لله ساعدها على الترجيع وخروج جزء من البلغم 000 يالله انا بستمر على دوا الدختر ودوا الوالده
ان شاء الله فدتج بشي

حبيبتي هاذي معاناة كل أم فالأحسن تودينه ويطون له بخار ويرتاح ولا تخلينه ويصير عنده

مضاعفات ويحتاج تنويم وأدويه أشكال ألوان كلامي من واقع تجربتي مع أني ما أهملته

وديته المستشفى القريب من سكني وما عطوه علاج كافي وتعب ورحت مستشفى

ثاني ونوموه و تحاليل ومغذيات ومضادات وشفط بلغم وتعب لي وله فالأحسن وديه من أول

ما يتعب

وما يشوف شر

عزيزتي
سلامة وليدك وما يشوف شر
بس لاسف اصبح الربو مثل سلام عليكم
ادهني صدره بزيت (سمسم) وانتبيه من الفكس
ابعدي طفلك عن الدخان..البخور ...القلي ...العطور..الخ
اعطيه عسل مع حبه بركه سوده7حبات مطحونه
وقبل هذا كله وديه لدكتورمختص بالصدريه ويكون ثقه
علشان تغير دكتور الصدر كل فتره ما يريح
انا ولدي من كان عمره سنه ونص وهو مع دكتور واحد
وياالحبيبه استجدمي جهاز البخار بدون خوف
وانشاء الله كل ما يكبر الطفل يخف الربو مع الاهتمام به
انا مشكلتي ان طفلي يجيله شيئ يسمى الخانوق
وهذا الخانوق ما يجي الا والطفل نائم وبدون مقدمات
اخذه على الطوارئ يضروبه ابرة كرتزون ويحطوله الجهاز
وانا بعدها اتابع وكل 8 ساعات لازم احطله جهاز البخار
والله يعين ويحفظ لنا اطفالنا من كل شر

وديه الدكتور لاننا احنا ما نقدر نحدد حالة .. احسن للدكتور علشان يقدر يشخص حالة ويعطيه العلاج المناسب ..

ما يشوف شر ولدج
انا بنتي صادها سعال وبلغم وعجزت وياها ووديتها المستشفى وعطوها ادوية وقال لي الدكتور اسوي لها بخار والادوية ما فادت ورديت وديتها المستشفى وعطوها ادوية ثانية بدون فايدة

ومرة في المنتدى قريت موضوع ناسية اسم صاحبة الموضوع منزلة اسم دواء وتقول انه مفيد قلت عااد اجرب وفعلا جربت في اقل من اسبوع والحمدلله بنتي خفت كثير

والدواء اسمه اكسيلين

*ام وسام*;5472222:
وديه الدكتور لاننا احنا ما نقدر نحدد حالة .. احسن للدكتور علشان يقدر يشخص حالة ويعطيه العلاج المناسب ..

مشكووووووووورين حبيباتي

الله لا يحرمني منكم

انا اليوم وديته المستشفى وحطو له بخار
وقالوا لي اوديه يحطو له بخار كل يوم لمدة 3 ايام
وان شاء الله يجيب نتيجة
وان شاء الله اجرب طريقة ام شواخي بعد