تصدقوفي ريال يقول حق حرمتة ما اوثق فيج

اهم شي في العلاقة الزوجية الثقه المتبادلة بين الطرفين

أختي أيش مشكلتك بالضبط ؟!!

علاقة زوجك بأخته ؟!! و ما المانع أن تكون علاقته فيها قوية خصوصا لو مالها أحد غيره .. طبيعي يوديها لأي مكان .. على العكس طالما انو يحبها لازم تدخلي له من هذا المدخل .. وتنافسيه على حبها .. ولما تحبي تروحي السوق مثلا قولي له نمر على اختك نتسوق مع بعض .. حتى التسوق بوجود وحدة مثلك أحسن من حنة الرجال على راسك ..

وحب الرجال لأخته طبيعي اللي مو طبيعي لو كان ما يحبها هذا يخليك تشكي .. لأنو اللي ما فيه خير لأمه اللي ربته سنين او اخته ما بيكون فيه خير لك .. في خوات تكون زي الام لأخوها أو صديقة ما يخبي عليها شي .. كيف تتوقعي بعد الزواج ينسى كل هذا ويقطعها وهو عاش معاها عمر بحاله .. ومش أي عمر .. انما بدايات عمره .. الأساس

و غالبا الزوجة ما تجي من أول ولا عاشر سنة بحنان الأم أو الأخت وتفهمهم وصبرهم .. لانهم عاشوا معاه وفهموه أكثر ..

لا تقارني نفسك فيها .. لانها مقارنة ظالمة لنفسك قبل أي أحد .. لانك ما بتقدري تكوني مثلها .. و جربي تسوي مثلها و تطبعي بطباعها اللي يحبها زوجك وخاويها ..

أما على المقالب او المزحات الثقيلة فهذا أصلا خطأ ارتكبتيه .. وأرجو من كل واحدة ما تكرره .. لان المزاح أساس كل قطيعة .. خصوصا الرجال لأنهم ما يحبوا أحد يستهين فيهم ولا يظهرهم مغفلين أو غافلين .. فضلا عن أحد يقول له ضحكت عليك مفااااجأة !!

تحتاجي روية في التعامل وصبر .. وادعي الله يهدي سركم ويوفقكم

يمكن لأنك تهتمين فيه زيادة عن اللزوم أو أنه يريد إهتمامك له؟
المهم لا تخلين الأمور توصل للطلاق بتندمين آخرتها سمعيني يوم بتشوفينة هادي و مب مشغول كلميه صارحية لكن خلية هو أول يتكلم اسألية عن سبب تضايقة و حبيبتي هذا الشي مش رح ينزل من مستواج بالعكس بتكون لك هيبة و لا تنسين بعد الأعتذار و التسامح احضنيه و لا تستحين و إن شاء الله بتصفى الأمور و بيصير هو ياخذج على السوق بس لا تبكي كوني رقيقة المشاعر لكن لا للدموع

هي اتعرف اتسوق سيارة وتقدر تقول حق امها بس هو يوم اقولة تعال اترجاة اني عازمتنة واطبخ واسوي اخرشي ما اي عندي هذي الحركة مب اول مرة اكثر من مرة

نوووسه;5463836:
اهم شي في العلاقة الزوجية الثقه المتبادلة بين الطرفين

مثل ماقالت:) ولا هانو الجميع

هلا حبوبة

انا بصراحة ما فهمت هل بسبب اخته ولا بسبب الثقة الي بينكم !!

اذا بسبب الثقة لا تكلميه هو يعرف انتي من وبنت من ومتربية بعد
وما خطبك الا من اهلك ويعرف انك سويتي مقلب بس طبعا هذا يعتمد على شخصيته
ونوعيه المقلب الي سويته فاحتذري كوويس من المقالب الي ممكن يشك فيها الرجال
والرجال ممكن شي تافه يقلب الدنيا عليه

لذا هدي شوي وابتعدي وهو بيحس انه كان مقلب ومب قاصدة ابدا الا الترفيه معه

وبالنسبة لموضوع اخته يمكن سبحان الله كانت ملزمة تروح معه لسبب ما حب يذكره
قدامك وهذا شي طبيعي ولا تتحسي حاولي تفهميه انك ما ضد انه يودي اهله بس بعدين
يعمل حساب لان بيكون معك وببيت واحد

واهم شي ما يقصر لا معاج ولا مع اهله واهلج بعد يكون متساوي

واعذريني على الاطاله

حبيبتي طنشي الشين و خلي الزيننننننننننننننننن
كل إنسان له محاسنة و سيئاته سامحي المسامح كريم و لا تنسين الهدوءءءءءءءءءءءءءءءءءءءءءءءءءءءء

اهم شي ثقة
بس مو غلط انه يحب اخته و يهتم فيها..اعرف انه لو زاد عند حده راح تحسين بالإهمال و جي..
بس انه يهتم باخته احسن ما يهتم ببنات غير..!!!
انتي اللي عليك تخلي زوجك يحبك اكثر و اهتمي فيه و لا تعاتبيه وايد و بتشوفي هو بروحه راح يحس انه مقصر معاج

[B]شو هو السبب الي قالج انا مب واثق فيج .. وانتي مضايقه منه لانه طنشج و راح مع اخته ورفض عزيمتج ،، لا تهمتين وخليج اكبر منه عقلاً ...

مرده بيحس .. لا انهاا مذله ولا شئ ..

من ناحيتي اذا تكرر هالشئ حسسي انه غلط [/B]..

يمكن ماحبك لوحبك
كان على الاقل احترمك اتاكدي من صدق مشااااااااااعرة
ويمكن انتي ماعرفيلة

اختي تدرين هو على حسب المقلب اللي سويته له .. يمكن كان مقلب كبير وبالغتي فيه يمكن وعشان جي تضايق

وبالأخير ماعليج ان شاء الله يتغير بعد الزواج .. والحرمه هي بنفسها تقدر تكتسب ثقة رييلها