تذكرون لمافرحت بالخطبة هههه تعالو اقولكم شنو صار

مدري اضحك مدري ابكي:confused:

اذا تذكرون مشروع الخطبة لما قلت لكم اني انخطبت وابي شوركم من حوالي اسبوعين

المهم الجماعة امس اتصلو على ابوي وقالو له ان شاءالله العصر نبي نجي نكتب الكتاب

انا فرحت فرح موطبيعي (w)

تخيلو يابنات انا الوحيدة من خواتي مو متزوجة والاصغر في العائلة المهم قمت اشيل واحط وارتب المجلس واطلب الحلويات واجهز العصير وابخر واعطر المجلس واسوي الشاي والقهوه :ss:

المهم يوم جا العصر الا يتصل ابو المعرس يقول: ترى المعرس مو موافق علىالشرط اللي هو تسكن بيت لحالها، الولد يبي يسكن معانا في نفس البيت

المهم ابوي قال: مو مشكلة خلاص تسكن عندكم انتو تعالو ومايصير الا كل خير ، بعدها قال ابو المعرس الحين مادري وينه الولد زعل وطلع من البيت :rolleyes:

طبعا فرحانين انا وامي وابوي ان الملكة مابقى الا دقائق ونتملك

بعد ماسكر ابوي سماعة التلفون (t)

قسما بالله يابنات تغير وجه ابوي مئة درجة:eek:

تصدقون والله والله مادمعت عيني يابنات مادري من الصدمة ولا شنو بالضبط:ss:

الحين المشكلة اهلي وخواتي على بالهم اني ضايق خلقي كل دقيقه يسألوني شفيج لايكون زعلتي لايكون تضايقتي ترى هذا شر وانزاح عنك وغيره كثير ماوقفت عليه هو وبس

يابنات قسما بالله بديت احس اني عانس بجد تخيلو عمري 27 وللحين ماتزوجت ، بعض المرات ببكي بعض المرات اقول احسن انا شنو ابي في عوار الراس من اسمع كلام خواتي عن ازواجهم ومشاكلهم انا الحمدلله حره اطلع واجي على كيفي اهلي الحمدلله سامحين لي بكل شي ، بس مرات افكر امي وابوي كبار بالسن بعد عمر طويل وين اروح عند اخواني:confused:

بجد كله وساوس الشيطان

والله يكتب اللي فيه خير

دعواتكم لي يابنات