ملتقى العراقيات

شنو انتوا قلبتوا المواجع شنو أحلى منطقه ببغداد كلها حلوة وكل منطقه الهه حلاوتها يعني الكرادة والعرصات الله واكبر كل حياتي هناك شارع ابو نؤاس لو التمشي على جسر الجادريه لو سمج(السمك) ابو نؤاس لو مثلجات الفقمه لو المنصور ومطعم فلس والساعه والكريعات كلهه كلهه بغداد ولو رحت لبغداد قبل سنتين ونص بس مو بغداد ابد والله عبالك مكان اول مرة اشوفه قهر وبجي

آه و ألف آه على عراقنا الحلوو
والله هالموضوع يبجي .. خصوصا الصور و كل الذكريات ..
اني من المنصور .. و اكو احد ميعرف المنصور؟؟؟ :(
يارب ترجع بغدادنا و عراقنا الحلويين بألف خير

هلا (حبيبي علي)
لا طبعا بنات بغداد اكيد يعرفون المنصور
بس مو مثل الي ساكني
اني كنت طالبه
بمعهد المعلمات(المنصور)
الي موجود بشارع الاميرات
وما ادراك ما شارع الاميرات 00شارع روعه
مليء باشجار الصفصاف على طوله والناحيه الثانيه
بيوت حديثه 000
ودائما نطلع نوكف الخط يم مثلجات الرواد
ونشتري ايس كريم
وعزايمنه نسويهه بمطعم الساير

vora_81
حبيبيتي شو بعد مبينتي
ان شاء الله انتي بخير
وسجى هم ظل بالنه عليهه
شو ماكو بنات

بنات شوفو بغداد على الحقيقه
مو بس بالكلامhttp://go.3roos.com/WJ7jkDkmyQs
وهنا بموقع
googl erth
يالله كل وحده تروح تشوف بيتهم

والله قلبتو علينه المواجع اني بعدني بالعراق بس هم احس بروحي مغتربه لان اتزوجت بالشمال وعايشه هسه بدهوك واني جنت عايشه بغداد من انولدت وجنه بمنطقه المهندسين الي بشارع فلسطين الله على بغداد

والي يسال على حره هي شويه تعبانه من الحمل وان شاء الله ترجع عن قريب

شكرا بنات على سوألكم علية بس والله مشاكل الحمل والمشاكل العائلية
بس اشكركم وحبيبتي بفر على تواصل وياكم وتنقللكم اخباري

شكرا بنات على سوألكم علية بس والله مشاكل الحمل والمشاكل العائلية
بس اشكركم وحبيبتي بفر على تواصل وياكم وتنقللكم اخباري

مساء الخير خواتي احب اوصفلكم بغداد في الوقت الحالي

ياخواتي بغداد في الوقت الحالي والله اتبجي لان من واحد يطلع مانعرف يرجع لولا لان انتم تعرفون الانفجارات والاختطاف وغيرها على كلن ماريد اطول بالحجي راح اوصف الكم بغداد

اكثر الشوارع مغلقه بسبب تواجد الاميركان او شوارع فيها بنايات الاحزاب وغيرها فالازم ننحرم من المرور بهذه الشوارع بالاضافه الى المحلات المغلقه والاضواء المنطفئه والبنايات المهدمه بسبب الانفجارات والطالبه والموظفين يوم دوام او يوم كاعدين بسبب حظر التجوال يعني لازم نكعد بالبيت وغيرها من الامور الموجوده في بغداد فابغداد ياخواتي حزينه والله واحنا مانملك الا الدعاء

يارب احفظ بغداد ورجعها مثل الاول و رجع اهلها بحضنها امين يارب العالمين

حبيبتي شيماء ماكو داعي لكل هذا التشائم خطية الي ميشوفون بغداد هذه الامور تخوفهم وبالاخص الي عندة اهل بالعراق بعدين خلي نكول الامور الزينة ونتمنى ترجع ذيج الايام الحلوة وترجع بغداد ويرجع العراق بخير
صحيح الوضع مو مثل الاول بس ترة احسن من ذيج الايام الي مرت والقتل والتهجير الحمد لله الامور بدأت تتحسن والناس ترجع لبيوتها
واني من النوع الي اتفائل مو اذكر الايام المرة والحمد لله على كلشي

عسليه بغداديه;5600960:
الرومانسيه
حبيبتي
الخيره فيما اختاره الله
وبلدنه وتقاليدنه كلش حلوه
بس الوضع هناك متغير مو مثل قبل 00
بغداد هسه مو مثل
بغداد 00قبل
بس نندعي ان شاء الله ترجع من يرجعلهه الامان
ويرجعون اهلهه الطيبين
ونرجع التقاليدنه
ولو زياره

هلو عسليه حبيبتي اكيد الخيره فيما اختاره الله
الحمد الله على كل حاال وما النا غير الدعاااء لبلدنا الغالي
وان شاء الله يرجع الامان والاستقرار لبلدنا الحبيب
سلامي لكل اخوااااتي العراااقيات وكلنا قلب واحد وصوت واحد
في الدعاااء و ان شااء الله يتقبل منا ومنكم الدعاااء

هلو بنات شايفتكم متشائمين
لالالالا ان شاء الله مظل شي على بغدادنه
بس اصبرولهه شويه هالسنه
وان شاء الله نرجع ونرجعهه مثل الاول واحله
هيه حلوه باهلهه غير
واذا اهلهه عافوهه طبعا متصير حلوه
لاكن نندعي خروج الامريكان منهه
ونستلم ملفهه الامني
وان شاء الله يصير خير
احنه مزرعنه غير الخير والطيبه وان شاء الله نحصد خير
كولو امين
ونسبه القتل والخطف كلش قلت ابغداد
واكو مناطق امنه متسجل اي حوادث نهائيا
وهذا الكلام من ضباط شرطه نفسهم
ويتفائلون ان هذي السنه تكون حاسمه بأذن الله

كلام عسل يا عسليه

وكله تفائل وامل

والله كلامك يجيب الفرح للقلب

وان شاء الله هالسنه حاسمه ونستلم الملف الامني ببغداد

ان شاء الله يابنات
وأدعوا من ربنا تصفى
وهذي صور من بغداد
ليالي بغداد

الغروب في بغداد




الامام الكاظم (ع)

الله الله بنت بغداد
الصور روعه شكرا
خاصه اخر صوره

اخواتي 00العراقيات:15: 00العربيات:15::15:
المغتربــــــــــــــــــات(f)
السلام عليكم ورحمه الله وبركاته00
واما بعد00:)

تحضرني تسائلات كثيره عن بلدي العزيز العراق
مثلا00لماذا العراق؟؟؟؟؟؟:(
الى متـــــــــــــى؟؟؟؟:(
ومن المسؤل؟؟؟؟:(
ولماذا يقتل العراقيون؟؟؟؟ وبدون سبب؟؟؟؟:confused:

بعضا من الاسئله 00 اجد لها الاجوبه
ولكــــــــــــــــــــن اكثرها لا
توجد اصلا اي اجوبه لها000

لكن استنتجت اخيرا000
ان الخيره فيما اختاره الله00:)
والمؤمن مبتلا00:)
وبعد ان كنت في داخل بلدي 00 00وحياتي مليئه بحنان الاهل
والاصدقاء00 والمعارف00والاقرباء
اليوم انا مغتربه00نعم بعيده عن اهلي وكل من سبق ذكرهم
لكن؟؟؟السؤال هو
هل اجعل الياس ملاذا لي؟؟؟؟
هل اجعل الاحباط بسبب وضع العراق ينهي عزيمتي؟؟؟؟؟؟؟:ss:
بالطبع لا والف لا!!!!
لاني اليوم اشعر اني اقوى اجل000 لاني اقرب الى الله00بهذا البلاء والاحتلال
الذي خص به بلدي وشعبي0000
لاني فخوره جدااااااا تسالوني لماذا ؟؟؟
وكيف لا واهلي في العراق هم الابطال على هذه الارض:D
ابطال ابطال ابطال
بكل ما تملكه الكلمه من معنى ماذا نسمي الذي يصر على مواصله عمله والذهاب الى وظيفته
في ظل تلك الظروف القاهره 0000000بالتاكيد بطل:D
وماذا اسمي00تلك التي برغم قساوه الايام 00 تشعر بالامل لتجعل في رحمها جنين تنتظر ولادته
لتربيه00 وتعلمه00 اكيد بطله
وماذا اسمي هذا الشاب الذي يتابط ذراع عروسه00 ليبني عش الزواج وكله امل00 بملئه بالسعاده
انهما بطلان لانهما يختاران الحياة والامل0000برغم حلاكه السواد في ليالي العراق
وبالتاكيد لا انسا
مقاومه العراق
هل فكرتم عندما تستمعون يوميا الى الاخبار فتسمعون0000
(لقي 4من الجنود الامريكان حتفهم في مناطق متفرقه من العراق)
ماذا يواجهون هؤلاء ابطال المقاومه000ليتموا عملهم هذا0000؟؟؟بالتاكيد الموت
وكم ارادوووووو المغرضون ان يشوهوا صوره العراق والعراقيين في العــــــــــــــالم
تاره (بالقتل) وتاره (بالارهاب) وتاره(بالطائفيه اللعينه)
لكن في النهايه انكشف خداعهم00وعرفنا من هو الارهـــــــــــــــــــــــــــــــــاب
شهداء العراق مليون حسب القنوات الفضائيه
والقتلا الامريكان قارب النصف مليون ايضا حسب تللك القنوات

والقتلا العراقيين اعدادهم في انخفاض
اما هم الامريكان ففي ارتفاع000 واعتقد في النهايه سيزيدوننا!!!!

لاكني أأكد لكم اننا عندما نرى ان هناك في ذلك الليل عصابه 00 تتلصص لتسرق الضحكه
من وجوه الابرياء
هناك ايضا ابـــــــــــــــــــــــطال تسهر لتنير ليالي العــــــــــــــــــــــــــراق بجلسات الشاي والسمر
ولا تأبه لعوي الكلاب0000000 فالكلاب تعوي 00 وقافله العراق تسير الى الخلاص
بأذنه تعالى

اذن لماذا انا اليوم لا اكون اقوى واتحدى اليأس؟؟؟؟؟ هذا لاني اولا عراقيه وثانيا عربيه
وفوق كل هذا وذاااااااك
انا مســـــــــــــــــلمه
واستمد قوتي من الله العزيز الجليل


فهنيئا لكم يا عراقيون(f)(f)(f)
البـــــــــــــــــــــــطوله000000وهنيئا للعرب:15::15: ان بينهم هكذا ابطال:D:D


(بعض من افكاري ودمتم سالمين)

اخواتي العزيزات
ارجوا منكم النقاش بدون الخوض في دهاليز السياسه
وبدون تجريح رجاااااااءا

بروكت يمناك لما خطت من افكار ذهبية


لا تحرمينه من افكارك الرائعه المليئه بالتفائل والامل


وفعلا ابناء وطننا ابطال بكل معنى الكلمة

ونحن هنا بالغربه
لم نيئس ولن نيئس

هاهم ابناء الجاليه العراقيه
يحصلون اعلا الدرجات بالمدارس والجامعات
ودائما هم المتفوقون دراسيا وعمليا

هذا ولي عودة للموضوع
ان شاء الله

zozo.h;5892171:


هاهم ابناء الجاليه العراقيه
يحصلون اعلا الدرجات بالمدارس والجامعات
ودائما هم المتفوقون دراسيا وعمليا

هذا ولي عودة للموضوع
ان شاء الله

شكرا لك يا اختي العزيزه
زوزو
للخوض في النقاش بموضوعي
واتمنى لباقي العضوات 00بالمشاركه معنا


وثانيا 00شكرالتذكيرنا بابناء الجاليه العراقيه المغتربون بكل مكان
وبالتاكيد لن ننساهم00بموضوع نقاشنا

فبرغم بعدهم عن الوطن
وربما عانو ما عانو من ضروف الغربه
مثل غلاء المعيشه في بعض الدول
وصعوبات الاقامه00 والجنسيه
والتنقل بين البلدان

فالعراقي اليوم يعاني الامرين
بعدم تساهل الكثير من البلدان بتوفير الاقامات
وعدم حصوله على الثاشيرات للدخول الى العديد من البلدان
وهذا ايضا سؤاااال يفرض نفسه لماذا؟؟؟؟

00000
ومع هذا
نجد الامل
والفرحه
والابتسامه
والتفائل
تعلوووووووو وجوه الابطال



عزيزاتي ارجوا ان لا تمرو بالموضوع مرور الكرام
والاشتراك به ولو ببعض كلمات
ولكم مني جزيل الشكر والتقدير