ربي لك الحمد والشكر .... أزف لكم هذا الخبر ... (حامل)

السلام عليكم ورحمه الله وبركاته


بنات ما اعرف أوصف شعوري

ياااااااااااااااااااااااه كنت اتريا هذي اللحظه من زمااااااااااااان والحمدالله من طلب ربه ماخاب

ربي لك الحمد والشكر حمداً كثيراً مباركاً

والله يابنات عاجزه عن شكر رب العالمين على هذي المنه


الحمدالله تأخرت الدوره حللت في البيت طلع حمل ورحت المستشفى وحللت دم والحمد الله طلع حمل

تدرون اني من الصدمه لاصت ولا ضحكت ياني شعور غريب

ربي لك الحمد والشكر

بنات انا من شهرين رحت للعمره وبكيت تحت بيت ربي وطلبته ودموعي على خدي انه يرزقني ويرزق خواتي المتأخرات في الحمل حمل قريب عاجل

ورجعت من العمره وانا اقوم الليل واصلي ركعتين وادعي ربي فيهم ان الله يرزقني القريب العاجل وبعد كل اذان ادعي ربي بتضرع وبالحاح

انا ما دعيت بادعيه مكتوبه انا دعيت من قلبي كلمت ربي بلهجتي وطلبته وانا كلي ثقه انه بيرزقني والحمدالله دعواتي استجابت يابنات

اما بالنسبه للعلاج الي استخدمه كان الكلوميد صح اني استخدمه السنه الماضيه مرتين مع ابر تفجيريه بس ما صار نصيب

وهالمره خذته بدون اي ابر خذته عادي على وصفه الدكتوره


وربي لك الحمد والشكر


انا ماحسيت باي عرض غريب ابدن كلها اعراض الدوره + زكام

وبعد ما تأخرت الدوره بيومين حللت منزلي وطلعلي خطين واضحين وبسرعه بعد في البدايه ماصدقت احس اني احلم رحت حللت مره ثانيه بختبار ثاني وكان بنفس النتيجه والسرعه

وبعدها قلت عشان اريح نفسي حللت دم وربي لك الحمد والشكر سمعت كلمه مبرووووووووووووك انتي حامل


بنات بطلب منكم طلب صغير

(دعوه بظهر الغيب)

ان الله يثبت حملي ويفرحني بشوف طفلي ويسهل علي حمله وولادته

ولكم مني دعوه صادقه من قلبي سبقتها دعوه نفسها تحت بيت ربي ان الله يرزق كل من تتمنى الذريه بذريه صالحه معافاه عاجله يارب العالمين

بنات صدقوني صدقوني الدعاء في قيام الليل واوقات الاذان وبعد كل صلاه سبب حملي