رووووعــــــة....الامير عبدالرحمن بن مساعد....رووووعــــة

السلام عليكم ورحمه الله وبركاته


هذي القصيده من قصايد الشاعر المبدع الامير عبد الرحمن بن مساعد ..


وعجبتني وحبيت انقلها لكم ...



, , , , , , , , , ,


فقير وعندي المال الكثير ..


فقير وملبسي غالي حرير ..


ياصاحبي الحافي الفقير


أبنشدك .. أبسألك


وشهو الحصير ؟


وابسألك وشلون أنا آمر وأنهي


وإذا حكيت قبل أنتهي.. من كلمتي


يقال لي سم ويصير ..


وابسألك وشلون أنا مع كل ذا أقول عن نفسي فقير !


ياصاحبي لاصار للضحكة ثمن


وصاروا اصحابي كثير .. بس بثمن


والوفا مابه وفا إلا بثمن


أبسألك ماني فقير !


ولاصارت اقوالي حكم.. ولاقالها غيري غدت حكي قديم ..


أبسألك ماني فقير !


ولاصرت أنا ماني بأنا


وإذا غلطت قالوا صحيح


وكل شي اعمله قالوا عظيم


أبسألك ياصاحبي ماني فقير !؟


وياصاحبي أبنشدك لامن جفتني دنيتي


وابتدا الدرب الطويل .. اللي أبد ماينتهي


وانتهى العز القديم .. وماكنت أظنه ينتهي ..


والموت بدد فرحتي وحطوني في قبر صغير ..


وحزنوا علي .. وبكوا هلي .. وناس من ربعي قليل


وارتاح من وجهي كثير ..


وبقيت وحدي في حيرتي.. مابه أحد


لاطال عمرك ولاتحت أمرك ..


ماغير أنا وخوف ولحد وحساب قدامي عسير !


ووقتها ذكرت أني زمان ..


يوم أنه أمهلني الزمان ..


هذا ظلمت .. هذا جرحت .. ياما كذبت !


وذنوبي ماتحصى .. كثير ..


وقتها إذا ندمت .. نفسي كرهت ..


عرفت إن الله كبير


وإن الهلاك أصبح أكيد


واني مالي رجا ولا هروب من الدجى .. من الجحيم


إلا بأمل عندي وحيد


إن الله غفار ورحيم ..


أبسألك ياصاحبي عني أنا في وقتها


ماني فقير !!؟


, , , , , , ,



وسلاااامتكم



لا تحرمونا من ردودكم الحلوووة



تحـــيا تـــي


جرح الغلا