قصة ولادتي من دون سابق انذار

مرحبا 0000

اليوم جايبه لكم قصة ولادتي
طبعا ولادتي صارت في تاريخ 27/2/2008
والمستشفى معطيني موعد ولادتي في تاريخ 4/3
في 27 كان عندي موعد في العيادة المهم رحت ودخلت على الطبيبه وكان كل شي اوكي وقالت لي الطبيبه انها بتسمعني نبض الجنين المهم قلت لها دكتورة ابغي اعرف كم وزن الجنين لانه اخر مره عرفت وزنه وانا في بداية الشهر الثامن ، عاد الطبيبه قالت لي مولازم اسوي لك بس انا طلبت منها ومن بعدها وافقت ، وسوت لي التصوير وطولت حيل وهي تحوس في بطني وبعدين قالت لي ان وزنه 1600 جرام عاد انا انصدمت لانه في الشهر الثامن قالت لي ان وزنه 1600 يعني شلون مازاد ولا جرام وخاصة ان انا احس في حركته كل يوم والحركه صايره عندي طبيعية :rolleyes:
قلت لها دكتورة شلون كذا مازاد ولا شي لايكون الجنين فيه شي لا سمح الله :confused:
عاد الدكتورة ماقصرت وحولتني على اخصائية التصوير لانه جهازها مطور اكثر من جهازها وكلمتها الطبيبه ورحت عيادتها وجلست انتظر دوري يمكن اكثر من ساعه ونص وطول هالفترة وانا جالسه على اعصابي وشوي وبصيح :confused: وقلت اكيد الطبيبه غلطانه اكيد جهازها في غلط بس على كذا منت خائفة حيل وبعدين كلمت زوجي لانه كان ينتظرني بره المستشفى وانصدم زوجي من الوزن بعدها طلبت من زوجي انه يروح البيت لانه جايئ من الشغل وتعبان حييل 00
جاء دوري وقلبي طايح في الارض ولا قادره حتى امشي من الخوف
المهم دخلت وسوت لي التصوير وانا جالسه على اعصابي الا قالت لي الاخصائية ان وزنه 2500 جرام والحمدلله على كل حال وصحيح ان الوزن قليل بس يعتبر طبيعي ولا يخوف وبعدها رحت للطبيبتي عشان تشوف التقرير
وبعدها انصدمت من كلام الدكتورة قالت لي ان في مشكلة في الحبل السري ان الدم يدفق بشوي شوي للجنين وخايفين يصير عندي تسمم في الحمل فطلبت مني كشف داخلي عاد انا انصدمت شلون تسوين كشف وانا ماعندي اي بوادر للولادة ولا فاتح عندي الرحم المهم استسلمت لها وسوت لي واااااه يالم حيل وبعدها قالت لازم ندخلك الحين تنويم ونعطيك طلق صناعي لمدة يومين ان ولدتي طبيعي اوكي او نولدك قيصيري :(
عاد انا صرت كذا :ss: دكتورة شلون انتيم وزوجي ماعنده خبر ولا اهلي ممكن اكلم زوجي اول وقالت خذي راحتك وكلميه بسرعه طلعت بره عيادتها وكلمت زوجي عاد زوجي انصدم من الموضوع وخاف علي وعلى الجنين وقالي خليني اكلم الطبيبه وكلمها وبعد الحوار طويل طلب زوجي من الطبيبه اني اروح البيت اجهز اغراضي ورجع لهم مرة ثانية وافقت بس لازم ارجع قبل الساعه 4 العصر ، زمنها كلمت امي وانا اكلمها كنت ابكي بس حاولت ان مابين حق امي عشان ماتخاف علي كثير 000
ورحت البيت بسرعه اخذت الشنطة وكان زين اني مجهزتها بس حطيت اغراضي بسرعه واستحميت ورحت بسرعه لهم
المهم صعدت فوق تقريبا الساعه 3:20 ودخلت الغرفة وكنت في ذيك اللحظة ميته جوع
المهم حطو علي تخطيط القلب وكان كل شي اوكي
وقالت لي النيرس الساعه 6:15 راح نحط لك طلق صناعي ، اول مااذن المغرب دخلت الحمام الله يكرمكم وتؤضيت وقمت اصلي الا النيرس جات ومعاها الطبيبه وشفاني وانا اصلي وراحوا ويوم خلصت انسدحت على السرير وجات الطبيبه وقالت راح نحط لك تحاميل عاد انا انصدمت لانه بيصير من تحت وقلت لها دكتورة ليش ماتحطوني في المغذي قالت لي في البداية راح نحط لك تحاميل وكشفت علي من تحت وللمرة الثانية :confused:
طبعا جاتني الآلم فظيعه وقمت اتوجع الا زوجي جاء لي وجاب لي اكل بس ماقدرت اكل وحطوه علي تخطيط مره ثانية الا دقات القلب بدات تضعف وخافوا علي قالوا راح نحطك في غرفة الملاحظة
بس زوجي طلب من النيرس 5 دقائق اني اكل وكلت بسرعه وبعدها راح زوجي وجات النيرس بسرعه غيرت ملابسي وجلست على الكرسي وخذوني الغرفه وحطوه علي تخطيط وبدأ الحال يصير سئ ودقات القلب تضعف وجات الطبيبه وقالت احتمال كبير قيصري :ss:
بس الشي الكريه سوا لي كشف للمرة الثالثة وكان يألم حيييييييييييييييييييييييييييييل لانه دخلت يدها كلها وقامت توسع وجلست اصرخ واصيح وفي الاخير تقولي موفاتح الرحم عندك
وبسرعه بسرعه قاموا يغيرون ملابسي ويحطوون لي قسطره وانا في حالة ذهول من الموقف وطلبوا مني جوالي قلت لهم صبروا اكلم زوجي اول وامي
بسرعه كلمت زوجي وبسرعه اتصلت وكلمت اختي وقلت لها
وخذوا مني الجوال وخذوني لغرفة العمليات وانا طول الطريق وانا ابكي :confused:
ودخلوني الغرفة واشوف اطاقم جالس يستعد وانا في هي اللحظة كرهت روحي حييل وكانت طبيبه التخدير فوق راسي تسئلني وانا مالي خلق ابد
حدي شفت الكمام الاسود الا واشوف روحي في غرفة الافاقه وولدت وخلصت اول ماصحيت من التخدير اصارخ واصيح واترجى النيرس اني انام على جنبي مادري ليش طلبت منهم هالطلب :D
وسئلتهم وش جبت فالوا لي ولد وقمت اتحسس بطني ولا شفت دبتي :D

صحيح ان الوجع يذبح بس شوفة النونه نستني كل الآلم

وهذا كل شي

وسامحوني ان طولت عليكم قصة ولادتي