تدرون .. شنو صار لها ؟؟ الجزء الثالث

السلام عليكم ورحمه الله وبركاته ..

بنات .. انا بقولكم .. تكلمه الي صار مع البنت الي كانت تجي حق اهل زوجي ... الصراحه الموضوع مضحك ,, ويمكن يكون صج ويمكن يكون جذب .. مع اني اظنه ان جذب .. بس ليش لا كل شي جايز.

المهم اول امس رحت بيت ام زوجي اسلم عليهم .. ألا ام زوجي تقولي .. لالالالالالا يفوتج مريوم شنو صار لها .. قلت لها خير شنو ...

تقول تقدم لها واحد ..غني وايد ومن عيله ..... سلسله مطاعم يم يم تري .. مالتهم .. وهو نقيب في الجيش ... طووووووووووووووووووخ طاخ ....

المهم قلت لها من قالج هالكلام تقول هي بنفسها ... وهي متردده وتفكر ,, محتاره ما تدري توافق او لا .... وتقول .. أنه هو ملك جمال .. وهو ميت عليها .... ويلاحقها من مكان لي مكان وهي مب معبرته .. ووالصاروخ الثاني .. ان جاب امه المحل ... وقال لها هذي الي ابي اتزوجها ...

وان يوم خطبتها ال يوم .. الي هو الاحد ... وقبل لا يروحون بيطرشون لها ... بوفيه .. وطقم ذهب .. وهدايا....

وان هو اصلا يدور وحده سمره غامقه ... وبمواصفاتها .. ( يعني مواصفتها مع احترامي .. لا هي مثال للبنت الخلوقه ,, ولا المحتشمه ,, ,لا الي مقطعه الصلاه ... ولا الي صاينه نفسها .. وهي قاطه نفسها على اخو زوجي .. ويهها كل اصباغ ) اي مواصفات بالضبط مادري..

المهم .. أنا قلت حق ام زوجي .. عن نفسي الله يوفقها .. والله يهنيها لان الصراحه انا ما حبها ولا ادانيها .. وابركها من ساعه اذا بتتزوج..... وانا ما بصدق انها تزوجت الا لين اشوف بطاقه عرسها او اشوفها حامل .. يمكن اصدق ....

والصراحه احسها تمثليه على ام زوجي .. وام زوجي طايحه حسد من يومها وهي تغني بالموضوع .. شوفي حظها وشوفي شنو حصلت .. الحمدالله والشكر .. عموما

حبيت بس اقولكم اخر اخبارها

تحياتي
ام جنى :)