50 يوم وما جتني الدوره(اكرمكم الله)ارجوكم ساعدوني..

السلام عليكم اختي ملاين الفرح
انا مثلك ماجاتني الدورة لي شهرين واسبوعين وحللت بالتحليل المنزلي وماطلع شي ولسه مارحت المستشفى وكل ماسئلت احد قالولي طبيعي من الحالة النفسية من كثر مافكر في الاطفال لاتخافي انشاء الله نسمع خبر حملك قريب وانا كمان وكل الاخوات اميييييييييييييين

حبيبتي اخت زوجي حللت بول وطلع خفيف والدم ما فيه شي وبعد شهرين حللت دم وطلعت حامل وسوت اشعه قالو مو باين شي والحمد لله ولدها له سنه الحين ان شاء الله تطلعين حامل توكلي على الله

والله اول مرره اسمع هاذي الحاله بس ان شاء الله حامل يارب

في ناس مايبان معاهم الحمل الى بعد الشهرين سبحان الله


وعراض الحمل في البدايه الام مثل الام الدوره الله يعزك

وانا من حملت بشهوده ماحسيت بعراض الحمل الى بعد ماحللت يعني في بدايت الشهر الثاني


والمعروف من اعراض الحمل الغثيان والدوخه ونغزات اسفل البطن

الله يرزقج ماتتمني يارب

[GLOW="FFCC33"]
اختي زوري الدكتوره احسن خليها تعملك فحص بالالترا ساوند .. لانه تقريبا رح يصير لك شهرين وعيدي فحص الدم وبأذن الله بيكون حمل .. موفقه عزيزتي..
[/GLOW]

هلا اختى حتى انا ما جت الدوره من تاريخ 21-1 وهيه مش منتظمه يمكن من الحاله النفسيه والحمد الله من كثر ما نفكر فى العيال ....الله كريم يرزقج ويرزقنا يارب العالمين .

حبيبتي اهم شي حالتج النفسيه وراجعي الدكتورة

انشالله تكونين حامل بس مثل ماقالو البنات راجعي الدكتوره وشوفي شيقولون لج

Toom2008
الله يسمع منك يااااااااااااارب ويرزقنا والجميع..
قلب خالد
مشكوره ياعيوني..رغم الحيره إللي اعيشها عطيتيني أمل كبير..ومن توكل على الله ما راح يضيعه....
أم شهد
الله يخليلك شهوده يارب..ومشكورررره على الرد يالغاليه
ريحانة القدس
مشكورررره ياعمري على النصيحه..
والله يسعدكم دنيا وآخره..

ياحبيباتي مشكورات على الردود والدعاوي ويارب تتحقق..
كنت اتمنى أحمل في بدايه الزواج.. ولكن تقريباً من بعد عيد الأضحى ما صرت أفكر..في هذا الموضوع كثيرا صحيح اني اتمنى بس موووو لدرجة أن نفسيتي تتعب عشان ودي أحمل..وتوكلت على الله ..
رحت للدكتوره اليوم وحكيت لها وش صار معي..وقالت:بما أن تحليل الدم سلبي يعني مافيه حمل والدوره غير منتظمة (وإللي قاهرني أكثر إني طلبت منها تسوي لي تحليل دم وقالت ما يحتاج)ووصفتلي حبوب تقول انها تنزل الدورة..ونصحتني أمي ما أخذها تخاف تضرني..بأصبر هاأسبوعين وأروح عند دكتورة ثانيه والله يكتب الخير انشاء الله..
وودي أعرف في أحد صار له مثلي..اقصد تحليل البيت طلع فيه خط خفيف وتحليل الدم سلبي..

والله قصتج يالغالية قصة الله يصبرج ويارب يكون حمل

بس خيته اذا عطتج حبوب دوفاتسون خذيه لانه اذا حمل يثبته واذا دورة تنزل

وربي يكتب لج اللي فيه الخير وتبشرينا بحملج

الله يعينك ... تأخر الدورة تخلي الوحده على اعصابها

ان شاء الله حامل

السلام عليكم ورحمة الله وبركاته
كيفكم يالغايات ..
حبيت اقولكم إني حللت في البيت ونفس الشي طلع خط خفيف والله اني محتااااااره كثييييير ....اتمنى أني اطلع حامل يااارب..
اليوم حاسه أن كل جسمي مورم وجهي و أصابع يديني ورجلين(وأنتو بكرامه) وبطني منفوخ وثقيل..ولاحظت أن جلدي متغير..
وألم في نهاية ظهري..وإذا نمت ماودي أقوم..ومش عارفه هالأعراض حقت تأخر الدوره أو بدايات الحمل..
احتاج لخبرتكم يالللي تأخرت دورتها شهرين..أو إللي مرت بأعراض الحمل..ارجوكم..علموني عشان استفيد ويستفيد غيري..ولكم الأجر..
عسى الله يسعدكم ويوفقكم ويريح بالكم دنيا وآخره..

حبيبتي انشالله تكونين حامل يارب
بس نصيحتي راجعي دكتورة استشارية امراض نساء وولادة واهي راح تفيدك انشالله

اخباركم يالغاليات ..وشاكره جداً لكم أخواتي..

حبيت اقولكم اليوم رحت لدكتوره ثانيه وسويت تحليل الحمل وطلع ما فيه شي و الحمد لله على كل حال..أعطتني علاج اسمه(ديفاستون)وقالت استخدميه مرتين في اليوم لمدة عشر أيام إذا نزلت الدورة نزلت..وإذا ما نزلت انتظر أسبوع ثم أراجع الدكتورة..وفي هاليومين اجتني إفرازات بنيه كثيرة مررررره..انتفخ بطني بشكل ملحوظ..وصار جسمي مصفر..ونغزات برجولي وأسفل بطني وألم بأسفل ظهري..وقالت الدكتورة ..كل هذا من فقر الدم..
وبصراحه موووو مقتنعه بهذي الحبوب خبرووووني يا بنات..استخدم هالحبوب وإلا اشرب القرفه(الدارسين) أفضل..و إللي جربتها ونزلت معاها الدورة بسرعه أو تأخرت..وإللي جربتها تعلمنا بنتائج هذا العلاج..فادها أو لأأأأأ..وتنصحوني استخدمها أو لأااا..وإللي صار معها مثل ماصارلي تخبرني وش سوت..
الله يعافيكم مالي إلا الله ثم أنتم اخبركم بهذي الأمور إللي تصيير وياي..وتوني متزوجه وماعندي خلفيه عن هالأشياء..
جاوبوني عشان بالي يرتاح واقتنع بالحبوب الله يريح بالكم دنيا وآخره و يجزيكم الجنة ..والذرية الصالحة..

الله يفرحكم ..تكفووووووون ردو على ملاييين الفرح..

يااارب يرزقنا جميييعا الحمل عاجلا غير اااجل الهم ااامين

مشكوره هانيه على الدعوة..وآميييين ياااااارب..
الله يسامحكم حطمتوني ما أحد رد علي..

السلام خيوووووووو

آنا أنصحج لا تاخذين الدواء أحتمال يكووون حمل

تأخري شوي وانشاء الله بعد هذا الصبر فرج

كل لعراض ألي قلتينها أحتمااال حمل وأحتمال ثاني يكون آلام الدورة

أنتظري كم أسبوع أدا ما جت عملي التحليل
واعلمي أن مب كل وحدة تنضبط عندها التحليل المنزلي لأن أختي هم صار لها كدا كانت حامل والتست طلع ليها خط واحد

الله يرزقج وتبشرينا أنشاء الله