ممكن استفسار عن ماليزيا؟؟

هلا أختي ... انا حرت ماليزيا الصيفية إلي راحت ... وكنت اموديه معاي 15 الف وحولتهم بالدولار احسن وساعدني وايد .. هاي عني انا بس يعنس كل واحد دفع 15 التذاكر خذناهم عن طريق البحرين وقعدنا اسبوع ... مادري ان شاء الله اكون فدتج في شي ... بس نصيحتي لج اتحولين الفلوس بالدولار وإذا رحتي هناك تصرفينهم على عملتهم احسن بوايد ....

الله يوفقج .........

الصراحه ماليزيا روووووووووووووعه انا شهر 12 رايحه يعني قبل 3 شهور .........

فيه أماكن حلوه لا تفوتينه روحي وأستنسي انتي والعيال ........

بنسبه لتكلفه ماعرف نحن كنا ماخذين في حدود 15 ألف غير سعر التذاكر بنتي كانت سنه ونص تذكرته 600 درهم .....وولدي 3 شهور بدون تذكره ..... بس كان عنده سرير في الطياره ......أنا وزوجي كل تذكره 2500 درهم....يعني 5000 ألف .....

الفندق كان 3000 ألف مده عشر أيام ......الصرحه فندق رهيب نضيف ومرتب وكل يوم فصور الصبح على حساب الغرفه .....

والطلعات اليوميه كانت تكلف شي من الحدايق الدخول 70 درهم لشخص ........ في أشياء 40درهم .....يعني على حسب المكان .....

وبنسبه للمواصلات كنا متعملين ويارعي تكسي كل سعه 20 درهم يعني نطلع من الصبح لين فليل في حدود 150 درهم .... بس الصراحه راعي تكسي واااااايد طيب وهوه الى كان يختار الأماكن الحلوه ويمشينا فيه أذا بتروحين بعطيج رقمه وااااااايد زين ....

وبس .........

اناشالله تروحين وتستانسين......

اي ابي اروح لو تعطيني الرقم ويش اسم المكتب وكيف اتعامل معه يعني عطيني معلومات اكثر بليز

ادري صايرة مرة بس ماعليش حنا حسبة خوات

تحياتي

حبيبتي نحن ريحين بروحنا مش عن طريق مكتب سياحي لنه يخذون واااااايد فلوس .......

حبيبتي انا سافرت انا وولدي عمره سنتين ونص بس وااايد استاانسناماليزيا روعه بس سافرنا عن طريق مكتب في بووظبي اسمه الشامل واايد حلووو وخذ 11 الف وهوو يحجز الفناادق وكل شي حتى الموااصلات من الفندق للمطاار سرناا جزيره لنكاوي ومدينة سن لا قوون والعاصمه قعدنا عشرة اياام وكل شي مأمن كاان

حبيبتي الخوافي

انا بسافر ان شاءلله السبت معي بنتي عمرها سنتين ولدي 8 شهور مدري كيف احطه والمسافه 7 ساعات
بس بسألك عن السرير كيف يعني انتي جايبته معك وكيف حطيتيه
والله يجزاك خير

هلا حبيبتي بيلسان.....

السرير حبيبتي يكون في الطياره هم يعطونج أيه بس بعد ماتطير اطياره .....

وقبل الهبوط يخذونه ويكون اليهل في حضنج .....

بس أنصحج تخذين عربانه مالت طفليل وااايد بترتاحين ....لنه فيه وااااايد مشي ....

مشكوره حبيبتي الخوافي
انا ان شاء الله باخذ معي عربه لطفلين بس انا شايله هم في الطياره المسافه طويله بنتي عادي بيكون لها كرسي بس ولدي
وشايله هم تغيير الحفاض الله يكرمكم في الطياره

زين هذا لمكتب الي في ابو ظبي يشمل التذاكر من والى ماليزيا مع التذاكر الداخليه والفنادق والله بس التذاكر الداخلية والفنادق دون التذاكر من ابو ظبي الى ماليزيا؟؟

والله حيرانه ايش اسوي

يعني ناخذ لنا فلوس تقريبا 10الف دون التذاكر ودون الفنادق والطيران الداخلي

فهموني بليييييييز

شاقولش يالغلا

من اسرة لاسرة يختلف
انتي ما قلتي شنو مستوى السكن الي تبين تقعدين فيه
وشنو اسلوب المطاعم الي حابين تاكلون فيها
وشنو برنامج الرحلات الي تبووونها وهل تبون طيران داخلي وتنقلات بجزر؟؟


لانه لو بيقتصر على العاصمة ما راح تكلفش شيئ وااايد

اي اي انا بعد ابي اعرف
يعني في حدود كم لازم يكون عندي للسفرة لماليزيا 20 يوم مع التذاكر والفنادق لشخصين؟؟؟ بس يعني غرفة وحدة؟

على حسب عدد المدن اللي بتروحين لها وبعدين تذكرة ماليزيا3000للشخص الواحد تقريبا يعني انتى وزوجك6000 من غير الاولاد بس الفنادق ارخص من السعوديه يعني مثلا لو تاخذين فندق خمس نجوم او اربع راح
يطلع لك ب300او350والاسواق اسعارها جدا حلوه ارخص من عندند خاصه الشنط والاحذيه رخيصه وكثري وهم شي لازم تروحين جزبرة لنكاوي تجنننن ورومانسيه بشكل وجوها حلو ودايم مطر
انا وزوجي سافرناماليزيا عشرين يوم ورحنا لخمس مدن فيها مع التذاكر كلفتنا الرحله تقريبا 23000مع انه سكنا فنادق خمس نجوم ومع التسوق والهدايا وكل شي بصراحه اسعارها جدا معقوله وعلى فكره روجي لجنتنق اكبر ملاهي علشان عيالك ينبسطون بس ثقليلهم اللبس في جنتنق لانها بارده اما باقي المدن جوها معتدل مع الرطوبه
اتمنى اكون افدتك واذا احتجتي اي استفسار راسليني على الخاص