أحبائي بنات البحرين من يساعدني بالتوزيعات

حبيبتي الله يقومج بالسلامه

وان شاء الله البنات بيساااااااعدونج

وانا بعد ابي اعرف وين ان شاء الله يردون علينا قيرب ..

اني بعد ابغي محلات الي يعرف يرد علينا

ادري انكم ما تقصرون

اهلين خواتي
1chocowave
2محل بالسلمانيه اسمه اسمه للاسف مو ذاكره اسمه بس روعه بقولج هو وين يصير بالضبط((تعرفين الحذاء الجميل قبل**هناك بهذي المكان الحين فتحو محلات وايد للتوزيعات فيه بست وفيه زلاطيمو وفيه المحل اللي انه اقصده...وفي باتشي....
3محل في محرق شارع المطاعم,,,,,بعدللاسف مو ذاكره اسمه.....بس هو على اليسار
4الوها
5 هذي المحلات انه مجربتها في اماكن ثانيه بس اول ماترجع لي الذاكره راح اكتبهم لكم....
بس المحل اللي في السلمانيه واااااااااااااااايد حلو

اختي انت تبغين محل يعمل توزيعات او يبيع اغراض التوزيعات

اولا" مثلا تقدرين تشترين كل الاغراض الخاصة بالتوزيعات من الف إلى الياء وتودينها محل الحلويات ينسقها لك

وثانياً بعد ما تشترين كل الاغراض تنسقينهم انت على ذوقك وبمساعد من الاهل مثل الخوات والصديقات بتكون التكلفة اقل


محلات بيع مستلزمات التويعات وفي نفس الوقت يسون توزيعات واستاندات

روشان في الرفاع

حديقة الازهار في المنامة

محلات بيع مستلزمات التويعات فقط

مركز الانوار للتخفيضات

خمس دوائر

محل اسمة ثمان نجوم في شارع الخدمات جنب الحلي

رامز

ابو 200 فلس في الرفاع


محلات الحلويات الي تسوي توزيعات

أمور في مدينة عيسى جنب آخر فرصة شغله رووعة والشكولاتة راقي ولذيذ وسعرة زين عن تجربة

لاريسا شغله جنان وسعرة نار

نوال

جناحي

الحرز في سوق واقف مدينة حمد

ريفيرا

باتشي

بست

ألوها

ريغالوا في السلمانية جنب باتشي وبست

وهذا الي اذكرة الحين وانا انصحك بدل الخساير سوي لحالك يطلع احلى وذوق وطلبي مساعدت من اهلك



وبالسلامة حبيبتي

حبوبه شوكلاته مره انا اعرف اغلف وانسق وشغلي وايد حلو وعندي الاكسسورات والشرايط وكرستالات كل شي بس ناقصني الشي الاساسي في التوزيع وعندي الاستاند بعض المحلات اللي دكرتيهم رحتهم بس ما عندهم الشي الاساسي وتراج بعد ما قصرتي يالغاليه تسلمين

شنو الشي الاساسي يعني.....تحف تقصدين............؟؟؟؟؟؟؟؟؟؟
5دوائر مدينة حمد
المحلات اللي ذكرتهم الاخت في بو كواره + محل اسمه عصافير او شي جي
انتي اي محل بو ربيتين تدخلينه بتجوفين اعنده اشياءات حلوه.......اي سؤال انه حاضره

هلا ام الغلا شهد الشي الاساسي اقصد تحف بس تكون راقيه وكشخه اصلي هدا اول مولود لي ويعطيج العافيه

جوفي بقولج شي من تجربتي شخصيااااااااااااااااااا

يوم بنتي سويت لها في شوكو وايف والمحل الثاني في السلمانيه((بس مو ريغاللو))...ياربي مادري ليش مب ذاكره اسمه.......المهم اهم اغراضهم حدها كشخه واسعارهم بعد كشخه هههههههه...يني انتي تقدرين تاخذين الفكره من عندهم وتتنفذينها بروحج...........
التحف اللي كل المحلات يحطونها هي نفسها تنباع في بوربيتين((200فلس)) والله انه متاكده من ذي الشي مليون بالميه ...يوم بنتي سويت وبعدين مادري ليش كنت رايحه 5دوائر الا عندهم نفس الشي.....
المهم التحف يعني ماينباعون الا في هلاماكن .....وفي اغلا بوايد اللي هو في الشيف الطابق الثاني بس جد مايسوى تاخذين القطعه الوحده بدينار وشوي.......

قلت قصة حياتي ادري ............اتمنى اكون فدتج......
اي سؤال بعد حاضره........
الا بقولج وين فصلتي طقم البيبي وطقمج

اهلين يا ام الغلا شهد فصلت حق البيبي من عند ريام عند صيدليه ناصر وبرادت الجزيره حلو ناعم واسعاره حلوه وراقي واخواتي جربوه كلش زين ما يتغير بس والثاني الوالده جابته لي من مكه هديه هم حلو واما انا حق نفسي للحين ما حصلت شي بس شريت بجامه وحده للمستشفي وجلابيات للحين ما اعرف وين اسوي للنفاس وانتي قوليلي وين سويتي خلينا نستفيد من بعض

انه للحين ماجهزت اي شي تو الناس علي .........
بس افكر اروح اخذ طقم من سديم والثاني ابيه كشخه كشخه حق المستشفى...يوم كنت حامل في بنتي رحت مبروك ماعنده شي...بجرب الحين......
اصلا انه تكون في بالي فكره واططبقها والحمدلله تطلع رووووووووووووعه........

شنو قالو لج فيج بنوته كتكوته والا صبي.........؟؟؟؟
اي دكتوره تراجعين

هلا بالغلا ام شهد سديم ما سمعت وايد يمدوحون فيه وايد بعد ما ادري ما شفت شغله وانتي يا حبوبه شنوا فيج بنت ولا ولد

اختي عيون النجلاء
آنه يوم ببنتي البكر رحت الوها وسويت عندهم القطعة الوحدة طلعت لي ب1.700 وبصراحة مولذاك الزود
أما هالمره قلت باسوي الستاند عند لاريسا او نوال وباشتري التوزيع من محل اسمه ميري في بوكوارة خاص بالكيك، يسون قطع كيك على اشكال روعة ويحطونها في علب ويصير شكل الهدية وااايد راقي وبسعر بصراحة معقول جدا يعني يمكن كلش كلش سعر القطعة 600 فلس بس شي راقي والله، اما عن ملابس النفاس رحت حق محل في بوري ما تصدقون شنو فيه شغلات روووعة أسمة الطفل الجميل يصير بعد مستشفى الأمل صاحبته تييب الخام من برا وذوقها راقي وانجليزي من بيت العريض بس ما ادري ليش محلها في هالمكان آنه مستغربة وايد، آنه اراجع عند دكتورة فرح في التخصصي، وهذه كل قصة حياتي ههههههههه

هلا خيو
وين يصير محل لاريسا او نوال
وشكرا

هلا منوي حبوبه نوال صاير ورا النادي الاهلي عارفه دونت كواكب ع يمينج امشي بس اشوي سيده تلاقينه ع يسارج مككتوب فلا نوال فلاور والكاكوا عجيب حده والكيلو 12 دينار ولاريسيا نفس شارع النادي الاهلي ع الضفه الثانيه من مقابله صيدليه ناصر واي شي حبوبه حاضره

تحفة الأبرار;5463023:
اختي عيون النجلاء
آنه يوم ببنتي البكر رحت الوها وسويت عندهم القطعة الوحدة طلعت لي ب1.700 وبصراحة مولذاك الزود
أما هالمره قلت باسوي الستاند عند لاريسا او نوال وباشتري التوزيع من محل اسمه ميري في بوكوارة خاص بالكيك، يسون قطع كيك على اشكال روعة ويحطونها في علب ويصير شكل الهدية وااايد راقي وبسعر بصراحة معقول جدا يعني يمكن كلش كلش سعر القطعة 600 فلس بس شي راقي والله، اما عن ملابس النفاس رحت حق محل في بوري ما تصدقون شنو فيه شغلات روووعة أسمة الطفل الجميل يصير بعد مستشفى الأمل صاحبته تييب الخام من برا وذوقها راقي وانجليزي من بيت العريض بس ما ادري ليش محلها في هالمكان آنه مستغربة وايد، آنه اراجع عند دكتورة فرح في التخصصي، وهذه كل قصة حياتي ههههههههه

عزيزتي الغالية...... تحفة الابرار اي منطقة هذه بوري ؟؟؟ وين صاير محل الطفل الجميل يريت بالتفصيل :) ولج كل شكري عزيزتي.

سلام عليكم بنوتات أني بعدسويت في النجم الجميل في بوري بس بصراحة شغلهم وااااايد حلو ونظيف حتى عندهم جلابيات للنفاس وايد كشخة تطلعين كأنش عروس بس للحين ما سويت الحلاوة لكن يقولون في الأنوار وايد في أشياء حليوة ورخيصة وحتى في خمس دوائر يمكن أسويهم بداية 5 لأن موعدي نهاية 5

اهلين خواتي شخباركم

انا اعرف وحده تسوي اشياء كلش حلوه حق المواليد وتجهيزات الغرف من A - z بس والله اشيائهم حلوه والي تبي لازم تروح لها قبل فتره عشان تصمم لها الديزاين والتوزيعات وكل شي بس بصراحة ما تتفوت وتسوي لج على البجت الي عندج بس بعد تصميمات حلوه وتوصلها لج المستشفى بعد يعني تتطمنين......... انا من عرست انا اسوي عندها سوت لي في زواجي اشياء روووعه كل شي طبعاً ومن بعدها وانا كل المناسبات اسوي عندها ولا ديزاين يتكرر...

الي تبي رقمها تكلمني على الخاص واحاول اجيب لها صور على الايميل لان للاسف ما اعرف اضيف صور هووون اذا يعني قدرت احص منها... لاني زبونه قديمة مع انها ما تطلع تصميماتها

عيون النجلاء أنا اشتريت تحف واشياء من السعودية .. مثلهم بالضبط موجودين بمجمع السيف بالكشك الصغير اللي مقابل بنك البحرين الوطني بس طبعاً أضعاااف السعر :)

عليج بألف عافيه يا ورده ولنزين بتنسقيينهم بروحج لان انا اخيرا حصلت وسويتهم بروحي بس باقي انسق السله اللي بحطهم يها لاني احب افكار غريبه وما يعجبني شغل المحلت وايد