إن شاء الله تكونون بخير أخواتي العرايس...
رجعنا للشوربات... و شوربة اليوم هي شوربة خضار بالكريمة...
هذي الشوربة أحب أسميها "الشوربة اللي ما تقول لا" :D
سبب التسمية طبعاً لأنكم تقدرون تحطون فيها أي نوع خضار أو بقول... و في النهاية الطعم رااائع...
و تصلح تكون وجبة لحالها، لأنها شوربة غنية و ثقيلة خصوصاً إذا قدمت مع الخبز مثل اللي سويته هنا...
نبدأ بسم الله...
4 ملاعق كبيرة زبدة
فصين ثوم
ملعقة صغيرة زنجبيل مبشور
ربع ملعقة صغيرة يانسون حب
نذوب الزبدة و نضيف لها الثوم و الزنجبيل و نحركهم دقيقتين، بعدين نضيف اليانسون و نحرك لحد ما تطلع ريحته بدون ما يتحمر لأنه يحترق بسرعة و يصير طعمه مر...
نجيب تشكيلة من الخضار مقطعة قطع صغيرة... أنا استخدمت (بطاطس-جزر-كوسا-زهرة-بروكلي-بصل أخضر-فلفل بارد-فاصوليا خضراء) و عادةً أضيف كرفس و ملفوف و سبانخ بس ما كان متوفر عندي...
و معاهم فاصوليا حمرا و فاصوليا بيضا، إذا كانت الفاصوليا معلبة يفضل نحطها في الأخير... بس أنا كنت سالقتها نص سلق، فحطيتها مع الخضار...
نص ملعقة صغير كركم
نص ملعقة صغيرة كزبرة ناشفة
نص ملعقة صغيرة كمون
ملح-فلفل أسود-فلفل أحمر
ربع كوب طحين
4 اكواب ماء
مكعب ماجي
ربع كوب كريمة
هذي الخضار
نضيف الخضار و البهارات للقدر و نقلب دقيقتين، بعدين نضيف الطحين و نحرك لحد ما تتغطى الخضار بالكامل...
الحين نرفع القدر عن النار و نضيف الماء بالتدريج مع التحريك بعد كل إضافة عشان ما يتكتل الطحين...
هنا بعد ما أضفت نص كمية الماء...
بعدين نرجع القدر للنار و نضيف مكعب الماجي و نغطيه ونخليه يغلي على نار هادية تقريباً ربع ساعة لحد ما تثقل الشوربة...
في هالوقت نجهز الخبز...
نجيب خبز صامولي و نقطعه شرايح و نصفه في صينية فرن مدهونة بزيت زيتون... و ندهن الوجه بعد بزيت زيتون و نرش عليه بودرة ملح الثوم و الأوريغانو... بعدين نحمر الخبز بالفرن...
بعد ما تستوي الشوربة، وقبل التقديم، نضيف لها الكريمة و إذا كنا استخدمنا السبانخ نضيفه، و إذا ما استخدمناه نقدر نضيف مكانه بقدونس مفروم... و إذا كانت الشوربة ثقيلة، ممكن تخفيفها بالماء...
نقدم الشوربة مع الخبز و طبعاً شرايح الليمون...
(f)و ألف صحة و عافية (f)
