ما هو افضل حليب بعد حليب الام ؟؟؟

مادري والله خيتوو

بس في حليب نيدو لعمر ولدش
بس ماادري يناسب ولدش او لا تقدرين تجربينه ..

ان شاء الله يفيدونش الامهات

هلا اختي

الحليب يعتمد على الطفل نفسه يعني يمكن حليب يناسبه وما يناسب غيره والعكس صحيح

عموما بعد السنة الاولى لا مانع من اعطاء الطفل حليب البقر الطازج

اذا ما شفتيه يعاني مشاكل ويه حليب البقر واصلي عليه عشان تعودينه عليه لين ما يكبر

سلام

حليب البقر فقير بعنصر الحديد

أحسن حل تشوفين دكتور مبين من كلامك أن الطفل معتمد على الرضاعه الطبيعيه

هلا اختي

الحليب يعتمد على الطفل نفسه يعني يمكن حليب يناسبه وما يناسب غيره والعكس صحيح
لكن الافضل تعرضيه على دكتور وهو يكتب اللي يناسبه

آنه من بعد السنة أستخدم لعيالي الحليب العادي سواء سائل أو بودرة لأن عيالي ضعاف وكنت أحب يمتنون لكن بيني وبينكم مامتنو الظاهر بنيتهم جذي لكن الحمد لله ماصار لهم فقر دم منه.

والميزة الثانية الي بالحليب العادي انه متوفر بكل مكان يعني بالسفر ما أحتار أدور نوع حليب معين وفي بلدان الماركات عندهم غير عندنا لكن بالأخير مالج الا كلام الطبيب .......

هلا حبيبتي
استخدمي له حليب الرضع عندج مثلا نان 2 استعمليه اذا ناسبه خلج عليه لان يمكن حليب البقر ما يناسبه في هالفترة نفس ولد صديقتي استخدمت ليه امه حليب بقر وصار ليه حساسية منه وبعدين قطعته عنه واستخدمت ليه نان2 والحين امشية عليه

اتمنى اني افدتج

مرحبا انا استخدم بيبيلاك 3....الدكتور نصحني فيه ... بس اذا عطيتيه حليب البقر وتقبله خلاص واصلي عليه
الله يحفظه ويخليه لج