خوات زوجي وعمتي يغارون مني

السلام عليكم
والله يابنات مادري من وين ابدا
ابي ابدا من اول حياتي عشان تعرفون القصه وتحكمون
انا عمري 18 يوم اتزوج وزواجي صارله سنه ونص يعني عمري تقريبا داخله العشرين وعندي بنت
مرت ابوزوجي عمتي اخت ابوي اما امه مطلقه ومتزجه بمدينه ثانيه يعني انا عايشه عند عمتي وبناتها قبل لااتزوج كانو يجونا كل عطله وكنا نستانس مع بعض هم ست بنات وخمس عيال عايله كبيره وحده اكبر مني بسنتين وحده اصغر مني بشهور والباقي اصغار ومرت الايام وتزوجت اخوهم اللي من ابوهم طبعا الوحيد اللي من ابوهم المهم المشاكل بدت من تزوجت كانت البنت اللي اكبر مني نذله ماكنت اتوقعها كذا كانت تجي عندي بشقتي طبعا انا عايشه معهم بنفس البيت وتسالني كل صغيره وكبيره عن حياتي مع اخوها وعن كل غرض بيتي يعني تشوف عطر جديد تسالني من ويلك وشلون عطاكياه حتى الفصاصيل الدقيقه تسالني عنها واذا شريت شي من السوق كانت تجي عشان تشوف شنو شريت وانا والله كان عادي عندي ماكنت منتبهه لتصرفاتها كنت اقولها كل شي واوريها كل شي يجيبه زوجي لين تولدت الغيره فيها كانت تقولي انتي مسكينه متزوجه مدري حرام راح عمرك ماستانستي كان يضايقني هشي بس اسكت وقولها خليني اتمتع بحياتي وعيشها وانا صغيره وخلصت ايام عرسي يعني مر شهر على اني عروس ولازم ادخل المطبخ معهم واخذ دور واول يوم لي بالمطبخ كانت اخت زوجي الاكبر مني تعلمني مكان الشغلات وجتني الخدامه ونادتني مدام عاد قلتلها لاتناديني مدام ناديني باسمي مثل اخت زوجي لاني ماني كبيره انا اصغر منها بسنتين والله ماكان قصدي شي ومن يومها والمشاكل طايحه على راسي وحركاتهم ونغزاتهم وانا مدري ليه تغيرو كذا حتى الصغار اذا جو يفرشون السفره عشان الاكل يبعدونها عني وانا منصدمه اشفيهم جذيه واخت زوجي الاكبر مني ماعاد تكلمني ولا حتى وحده من البنات يعني انزل تحت عندهم واسولف مع عمتي بس اما بناتها مابينا شي ابد تخيلو كني ماعرفهم ولا هم يعرفوني ومرت تسع شهور على كذا ورحت لهلي برياض علشان اولد بنتي لاني حملت باخر شهر زواجي ويوم خلصت النفاس ورجعت عندهم نفس الحكايه وذاد انهم حتى بنتي كنهم مايعرفونه ولا يشيلونها ولاكنهم عماتها مع ان ضايقني هشي مايحبون بنتي بس سكت وانا مستغربه وش سر هالتغير مع والله ماشافو مني شي ويوم كان دوري وقاعده اسوي العشاء بالمطبخ وبنتي تبجي ودخلت الغرفه لقيت البنات موجودين كلهم ولا وحده شالتها تخيلو ولا كنهم يسمعونها سكت ورحت للمطبخ وكملت شغلي بس والله ماقدرت صياح بنتي قطع قلبي عمرها اربع شهور ولا احد رق قلبه وشالها رحت ودخلت قلتلهم انتم ماتسمعونها مانتم عماتها حرام عليكم شيلوها ويوم رجعت المطبخ قامو وراحو الغرفهم وخلو بنتي بالغرفه انا انصدمت من حركتهم ويوم جت عمتي اللي كانت بغرفتها قلتلها عمتي بنتي كانت تبجي ولا وحده من بناتج شالتها قالتلي عن الخبال بناتي مايسونها تخيلو عمتي اخت ابوي تكذبني قالتلي بناتي مايسون كذا واخذت انا بوقتها ماستحملت اخذت بنتي وصعدت لشقتي ابجي وجا زوجي وطلبت مطبخ وقلت خلاص مالي شغل فيهم وزوجي وافق وقالي لج اللي تبينه الحمدلله ان زوجي طيب ولا والله مااقعد عندهم دقيقه وقالي روحي اعتذري من عمتج مع اني ماسويت شي ومع انها مو امه بس قالي عمتج وكبيره ترى عمرها 42يعني مو حيل كبيره بس عشان خاطر زوجي وافقت ورحتلها وقلتلها عن كل شي وليه بناتها يعاملوني كذا قالت اني قبل قلتي للخدامه ترى انا اصغر من هاذي تقصد بنتها اللي اكبر مني وقالت اني قلت انا اصغر منها وتزوجت قبلها وهاذي ماتزوجت انا انصدمت وقلتلها ياعمتي والله ماقلتله قل اللي قلته الموقف اللي قلته لكم بس ماصدقتني وقلتلها نادي بنتج وانا اواجهها قالت انا مابي مشاكل وان ناديتها تمشكلتو ومن يومها وعمتي نحيسه معي وبناتها بزياده يسون كل ماتتخيلونه تسويه حماه تغار من حماتها وصرت ماانزل الى بالاسبوع مره ولاحتى اسولف معهم ولا شي وكل مانزلت لازم تصير مشكله والله ماعاد اتحمل مع اني توني صغيره عمري عشرين بس عنتي تحط راسها براسي ومره قالتلي تمدح نفسها انها مو مثل الحريم نحسه تقول لوني مثلهم كان ناديت زوجج اللي كل يوم يجيبلج من المطعم وقلتله موبس تجيبلها مايصير بعدين تقوي راسها والله يابنات بغيت اتكلم واقول انتي مالج دخل فيه انتي مو امه وادري لو انج لج سلطه عليه كان سويتيها بس والله مسكت نفسي وسكت ويوم علمت امي بكل اللي تسويه مع انها عمتي قالتلي طنشيهاهي من اول تغار مني والله مانصدمت يوم قالتها لان امي كبرها واضن انها اصغر منها بس هي تقول انها اصغر من امي بست شهور والمسكينه تقول كذا لان امي اكشخ منها ومبين انها اصغر منها بواجد والله يوم قالتلي انها اصغر من امي والله يابنات ماصدقت عبالي امي اصغر منها بواجد وهذا مو بشهادتي بس بشهاده كل الحريم وكل ماقعدت عند مره قالتلها انها اصغر من امي تخيلو الغيره الين وين توصل
واللي اكدلي اهم يغارون مني بعد يوم صبت بنتهم الصغيره القهوه صبت لامها وعدتني وصبت لاختها الكبيره قالتلها عمتي صبيلها اول تقصدني قالت البنت اختي اكبر على بالها تمدحها عاد عمتي عدلت الموقف وقالت لا بكره هاذي تجيب اعيال واجد وتو بنتها تزوج ويبين علي اني اكبر منها انا ضحكت بقلبي على كلامها بينت انها تغار مني لاني تزوجت قبل بنتها وانا اصغر وبينت بعد انها تغار من امي لان امي ماعندها اعيال واجدوتبين انها اصغر منها لانها عندها اعيال واجد وتلبس الربرقع عند الحريم مع اها توها صغيره بس هي المكبره بنفسها
ادري اني طولت عليكم بس كنت ابي اقولكم قصتي والله ان الهموم كبيره علي وكل يوم ابجي من نغزاتهم وتكذيبهم لي يابنات ابي حل وانا غلطانه ولا لا مع اضن اني ماغلطت بشي لاتقولولي اطلع من بيتهم لان هاذا مستحيل لان زوجي اكبر واحد من اخوانه مستحيل يطلع عن ابوه الا اذا انتقلنا للبيت الجديد يبي يبنيلي بجنبهم وهاذا بعد كم سنه قدام بس شنو الحين اسوي بالفترحه الحاليه والله ان صار فيني نفسيه والله يابنات ماكذب عليكم اذا جيت انزل احس جسمي يرجف وقلبي يدق بسرعه واحس جسمي كله يعورني مادري شنو سببه ويستمر لين اصعد لشقتي وبعدين احس الوضع يهدا واحس ارجع لطبيعتي شتضنون فيني ساعدونييييييييي :confused:والله تعبت ارجوكم