طفلي والخووووووووف

يمكن أسلوبك معه أثر على شخصيته

تخليينه يعتمد على نفسه؟؟؟ ،تاركه له الحريه بالأختلاط مع الآخرين؟ ،أثناء الخروج هل

هو دائما معك ؟؟؟

اخليه يعتمد على نفسه
وكمان يختلط با الناس
وما يخرج معي في كل شي

نفسي مشكلتي مع ولدي بالضبط بس انا للاسف معتمد علي في كل شي وما يحتك مع احد وكل مكان اروح اكون معاه وانا متاكدة ان هذا هو السبب ويخاف من ناس ما يعرفهم وما يعرف يتصرف وانا مو قادرة اغير اسلوبي معاه وحاط امل على روحته الروضة السنة الجاية وان شاء الله بيتغيررر وولدي الحين عمره 3 سنوات و7 شهوور

هديل العصافير;5428192:
السلم عليكم ورحمه الله وبركاته
عندي سوال بسيط وابغي مساعدتكن
ولدي الكبير عمره3سنوات
متعبني لما احد ياخذ العابه اواي شي له مايعرف يروح يجيبه يجي ليه ويقول ماما ابغى حقي مع اني اقول له انت روح جيبه بس يخاف مايعرف ياخذ حقه
تعبت معاه ابغيه قوي مايخاف من الاطفال
شورو علي ايش اسوي

والله ياختي أقرأ مشكلتش مع ولدش و أحس أني الليي أتكلم بس مع بتي..
للأسف بتي تنضرب و ما تضرب
تنهب أغراضها و ما تنهب

حاولت أشجعها و أقول اليها انتين قوية و تقدرين تاخذين أغراضش بيدش ومافي فايده...حتى أبوها يقول الحمد لله بتي طلعت من هالشكل علشان محد يهدر عليها(n)


تخيلي أقول اليها الليي يضربش ضربيه و أذا ما قدرتين عليه ضربيه وعلى وجه بعد....لأنه في طفل ما شاء الله عليه أصغر منها بسنه و شوي و مع ذلك ينهبها أكلها و اي شي في يدها وأي شي يخصها و ما تقدر تاخذه من عنده و تجي اليي و تصرخ..و أني أنقهر وما أقدر أقول الى أمه شي و هي تطالع ولدها و ساكته و في بالها خلهم يتصرفون بروحهم ... و قالتها مرة....و أني ما أحب أتدخل بين أطفال ....

و اني في خاطري يا أم يا فالحه أدبي وولدش... و لا القهر الأزيد من جديها ...تقول ولدي الين أحد أخذ من عنده حاجه يروح برووحه ياخذها ...و تحمد ربها على أن ولدها هالجديها و تقول أسد ....و ما تدري عن ولدها صاطي....و ياخذ الليي اليه و الليي الى غيره....

الين بهدر ما بسكت ...و ما أقدر أغير من طبع بتي........:eek:

نجمة الرضا انا بصراحة ولدي جذي مثل زنوب بس انا صج ولدي كل معاي وما يطلع مكان ولا يحتك في احد الا وانا معاه من جذي صار ما يعرف يتصرف ولا يعتمد على روحه ولا يدافع عن روحه وانا مضايقة واحتاي روحته الروضة اشلون بيكون وضعه واتمنى انه يتغير لانة انا للاسف مو قادرة اغير من طبعي ومافي مكان يروحه بروحه لانة بيت ابوي انا معاه واذا انزل بيت اهل زوجي يكون معاي واركب شقتي واخذ ولدي معاي يعني ما اخليه تحت بروحه ومو قادرة اغير طبعي واخليه يروح مكان بروحه وبصراحة يناكل حقه ويكسر خاطري عشان جذي لازم اتكلم مع الاطفال الي معاه حتى قدام امهاتهم ما اقدر اكسر بخاطري ولدي

انا كان عندي نفس المشكله مع ابني... يوم دخل الروضه في البدايه مدرسة قالت ان هو ما يندمج مع اطفال لان تعود في البيت كان لحاله ما كان عندنا جيران اشان يلعب مع اولادهم ... بس هي قالت هم يحاولون اشان يساعدون ... بس الحمدالله الحين صار وايد احسن ... حتي مدرسة كانت وايد فرحانه .. نحن بعد لاحظنا وايد فرق ..
انشالله اول ما دخل علي الروضه و اندمج مع اطفال بسيرون اوكي

شكرا

هلااااااااااااااه ومرحبااااااااااااه حبيبة جيمي...............

عجل طلع صدووقي مثلات زنوب.........هههههههههههه الله يساعدنه عليهم

ياربي متى يجي اليوم الليي أشوف زنوب معتمده على نفسها بنفسها في كلللللللللل شي(y)

هلا هلا الا رابطه امهات 3سنوات اهني منورينه .........وانا بعد والله حال ولدي من حال اعيالكم بس الفرق ان ولدي في البيت يقدر ياخذ حقه من اخته لكن اذا في مكان غريب مثل الروضه او بيت زوجي اوبيت ابوي مايقدر ايسوي شي وكل ادرس في اقوله اي احد يطقك طقه لاتيي تتشكى ..ولا في فايده ايقولي انتي هاوشي مادري ليش ...وكل اتحايل ويا اقول شوف اسبايدرمان مايخلي احد يضربه ويدافع عن نفسه ...بس علشان ابي ياخذ حقه من نفسه...

هنوفه الحلوه;5438223:
هلا هلا الا رابطه امهات 3سنوات اهني منورينه .........وانا بعد والله حال ولدي من حال اعيالكم بس الفرق ان ولدي في البيت يقدر ياخذ حقه من اخته لكن اذا في مكان غريب مثل الروضه او بيت زوجي اوبيت ابوي مايقدر ايسوي شي وكل ادرس في اقوله اي احد يطقك طقه لاتيي تتشكى ..ولا في فايده ايقولي انتي هاوشي مادري ليش ...وكل اتحايل ويا اقول شوف اسبايدرمان مايخلي احد يضربه ويدافع عن نفسه ...بس علشان ابي ياخذ حقه من نفسه...

هههههههههههههههههههههههههههههههههههههه

هنوفه ضحكتيني وية طروووقي
أني هالجديها وية زنوب و أحاول أنفخ جبدي في قربة مكضوضه......
و مسكينه بتي تحاول تتغلب على هالجبن و ما تقدر (n)...و لما تسوي روحها تضرب الطفل الليي يصطي عليها (n) أحسها مو جاده و شكلها يضحكككككككك :D ما تعرف تضرب...... :D