مشروعي الصغير .. Step By Step

أم سلمان وعائشة 13-03-2008 20 رد 830 مشاهدة
أ
بسم الله الرحمن الرحيم

على كثر ما تكلمنا – نحن بنات البحرين – في هـ القسم
وناقشنا رغبتنا في إن يكون لنا موقع لتجارتنا الصغيرة
كبداية لبزبنسنا المتواضع،
تظل لدي رغبة في أن يكون لدي محل خاص بي
مع علمي بصعوبة الأمر في الوقت الحالي من حيث توفير دراسة جدوى
تحطني أمام الأمر الواقع بكافة العوامل التالية:
1. رأس مال معقول (لو حتى صغير)
2. إيجار لعدة أشهر مقدما
3. سجل تجاري
4. بضاعة متجددة
5. شخص يشرف على المحل (حيث أني مرتبطة بعمل طوال النهار) وطبعا أكيد بيشتغل عندي براتب
6. ديكور حتى لو كان بسيط
7. إدارة فعالة ونظام تسعير .. وربط البيع ببرنامج على الكمبيوتر بالأوراكل أو الأكسس (هاي سهل يسوونه وايد)
8. تأمين المحل
ويعني .. من هـ الأمور والحركات الأرعه :tongue:

انزين ..
اللي أبي أبتدي فيه ..
هو اني حابة نتناول كل يوم نقطة نتناقش فيها
ولين اكتفينا منها .. ننتقل لي نقطة ثانية إن شاء الله(i)
فـ إحنا بنطبق الوضع علينا احنا في البحرين
واذا ماقدرت انا اطبقه لنفسي، فأكيد وحدة من البنات اللي بيقرون ويمرون بتستفيد
وبنفرح لها والله من قلبنا إذا كتب لها التوفيق:cool:(a)(f)

عموما ..
أول شي ..
وقضية اليوم هي (رأس المال الصغير)
أنا باطبق الكلام على :
بوتيك يبيع عطورات واكسسوارات نسائية وشنط وملابس خفيفة للبيت
وجلابيات

- كم أحتاج رأس مال لتوفير بضاعة جيدة وسعرها معقول؟!

وحياكنّ الله من وين ماكنتو ..
وبنات مملكتي الحبيبة على وجه الخصوص (f)

وجزاكنّ الله خير الدنيا والآخرة
وأستغفر الله العظيم(a)

م
يعني انا اتوقع مو اقل من 1500 دينار
ن
هلا خيوووووووووو قصايد
بصراحة أني أتوقع لو تبغي تعبئ المحل كله
يبغي لها في حدود 3000 دينار

تحياتي لج قصايد
م
3000 وايد ..

حرام يعني تبتدي ببدايه هلون قويه

المفروض البداية تكون مجرد عينات ورتوش

وبعدين اذا مشى الشغل

تكبر راس المال
أ
يزاكم الله خير .. وماقصرتو والله :cool:

انا أفكر آبتدي بمحل صغير .. فـ مابيستحل بضايع وايد
خنقول مابين 1500 و 1700 بيكون معقول وعلى شورتكم (i)

انزين ..
اذا يينا للإيجار

مزمز مرة قالت لي ان فيه محلات يوصل إيجارها 80 دينار فقط!!
أنا ماقط مرّ علي فاستغربت وايد

يمكن على حسب المنطقة والحجم :eek:

انزين ..
اليوم بنتكلم عن أسعار الإيجارات للمحلات الصغيرة
عندكم فكر ة .. في أي منطقة بالاقي محلات إيجارها معقول ؟
والا حتى لو عندكم فكرة عن متوسط الإيجارات في البحرين حسب المناطق!!


وبارك الله فيكم (a)
م
الايجار مو اقل من 150 ويوصل ليما 250 دينار
أ
مزاج البحرين;5426029:
الايجار مو اقل من 150 ويوصل ليما 250 دينار


كثيرن جدن جدن :confused:



(f)
ن
خيووووو الأجارات في المناطق السكنية أقل
وخصوصا القرى
بس الأجارات مووو أقل من 80 دينار
بس لو كان المحل قديم وشتر واحد أكيد أرخص

الله يوفقك وتحصلين محل عيوني
أ
همس الثلج;5427018:
خيووووو الأجارات في المناطق السكنية أقل
وخصوصا القرى
بس الأجارات مووو أقل من 80 دينار
بس لو كان المحل قديم وشتر واحد أكيد أرخص

الله يوفقك وتحصلين محل عيوني


أنا أفضل يكون في مدينة يعني ,,
بحكم وفرة الزباين .. وسهولة المواصلات لها

وبالنسبة لقيمة الإجار ..
أحس 100 دينار لمحل في بدايته معقولة ..
بس يعني مو أزيد من 150 دينار :cool:

بس عندكم فكرة عن منطقة محددة يعني ..
حتى لو كان المحل مثل ماقلت صغيرون



r
مرحبا ..

حبيبتي قصايد اولا اقولك ان شاء الله مشروعج يلاقي النور وتتخطين جميع الصعاب وتتيسر لك الامور يارب ..

بالنسبة للبضاعه قيمتها مو اقل من 150 دينار مثل ما قالوا البنات

والايجارات طبعا صايره نار كل واحد يقول الزود عندي وتبدي من 150 وطالع ..

واذا تبين تتأجرين محل بـ 150 دينار في عماره جنبنا تحت الانشاء ومسويين محلات بالطابق الارضي على الشارع العام عارضينهم للايجار من الحين وانا كلما اشوفهم انسحر ودي بس ميزانيتي ما تسمح افتح محل الحين اهئ اهئ اهئ شسوي ...

موفقه حبيبتي
أ
بنــت النــور;5428522:

مرحبا ..
حبيبتي قصايد اولا اقولك ان شاء الله مشروعج يلاقي النور وتتخطين جميع الصعاب وتتيسر لك الامور يارب ..



آمين يارب العالمين


بنــت النــور;5428522:

واذا تبين تتأجرين محل بـ 150 دينار في عماره جنبنا تحت الانشاء ومسويين محلات بالطابق الارضي على الشارع العام عارضينهم للايجار من الحين وانا كلما اشوفهم انسحر ودي بس ميزانيتي ما تسمح افتح محل الحين اهئ اهئ اهئ شسوي ...
موفقه حبيبتي


والله زين ..
بس لين أوصل لمرحلة التنفيذ في مشروعي جود أجروا المحل (o)

أنا على بداية سنة 2009 إن شاء الله بيكون عندي بإذن الله مبلغ حليو يعني .. فـ باقدر أبتدي منه

جان علي آنا .. لو ودي من أكتوبر والا نوفمبر من هـ السنة (2008م)
بس معزمة ويارب يارب يارب تتسر لي وآروح الحج (g)
لأني عاقدة العزم .. ومتوكلة على الرحمن .. ادعوا لي بنات (f)

عموما ..
وصلنا لي نقطة مهمة
وهي اذا تبين يا أم سلمان انج تأجرين .. فحطي في بالج أقل شي 150 ورايح:cool:

انزين ..
ننتقل لي مرحة السجل التجاري

أنا أحب يكون كل شي باسمي .. بس مابيصير :ss:
لأني موظفة (6) .. والموظفين مايصير ياخذون سجلات
المهم .. بافكر في أحد جريب وثقة يكون السجل باسمه

اللي أبي أعرفه ولا عليكم كلافة ..
شنهي خطوات عمل سجل تجاري في مملكة البحرين؟!
شنهي الأوراق المطلوبة ؟!
الرسوم المطلوبة ؟!
واللزي منووو؟!


ويزاكم الله خير (f):cool:

A
{ اهلييين اص اص

في محل صوب المنتزه الي في الرفاع

عارضينه للاجار

مادري عاد شسالفته

بس اهو مال بنت خالتي بسالها وبرد علييج

اما عن السجل

بسالج امي وخالتي لهم خبرهـ
أ
ShwaQy;5433842:
{ اهلييين اص اص

في محل صوب المنتزه الي في الرفاع

عارضينه للاجار

مادري عاد شسالفته

بس اهو مال بنت خالتي بسالها وبرد علييج

اما عن السجل

بسالج امي وخالتي لهم خبرهـ


من طوّل الغيبات .... :D
ا
اختي قصايد

المحلات الحين ما يتحصلوو واجد يبيعونهم قفلي مش كذا !!!

والسجل يبي لك احد مثل الوالدة اذا ما تشتغل او الوالد اذا متقاعد عن العمل
أ
محد يعرف شي عن السجلات :D

انزين ..
من عندها فكرة عن القطنيات الزينة؟ وين أقدر ألاقيها بشكل منتظم يعني؟!
قط تعاملتو مع مصانع ملابس من سوريا والا مصر ؟ (a)

r
اممم حبيبتي قصايد سؤالاتج صارت صعبه ههههههههه

ما عندي فكره ان شاء الله البنات يفيدونج

موفقه..
أ
بنــت النــور;5463286:
اممم حبيبتي قصايد سؤالاتج صارت صعبه ههههههههه

ما عندي فكره ان شاء الله البنات يفيدونج

موفقه..


سلّمج الله ..
لو كانت سهلة عليّ كنت تدبرت أموري بروحي ولا كنت حطيتها هنيه :wink:
م
سوريا احسن بس مصر اسهل انج تتعاملين معاهم
أ

خير إن شاء الله

مشكورين ..

ويتوقف الموضوع لعدم وجود إضافات ترد على تساؤلاتي :)
ج
الي في بالج في بالي وابي افتح لي محل ومتحمسه حق هي الفكره

وتمر علي نفس تسالتج


بس ارد واقول :sm229: الحين المحلات الي تجذب الزباين في المناطق راقيه ولازم يكون ديكوره حلووو
وبضاعه حلوووه وفي نفس الوقت سعرها معقول

اما محل بسيط من البدايه احس انه بيتعرض للفشل وعدم الاقبال

وطبعا هي الاشياء بتكلف واول اشهر في فتح المحل ما بتعوض الي خسرتي عشلنه

فلازم فلبدايه يكون عندج راس مال في حدود 8000 دينار مقدم لاجار المحل وديكوراته وبضايع وهذا اذا حبيتي سوين اعلانات عنه في جريدت الوسيط وغيرها وفي الانتر نت

ولازم تطلعين على البضايع الموجوده با الاسواق واسعارها وتكون عندج خلفيه با الموجود بسوق عشان انتي تجيبين شي مو مثل الموجود با الاسواق

فاذا انتي بيكون عندج مبلغ حلو في سنة 2009 حولي انج ضاعفين المبلغ وتخلين الفكره في راسج وتحولين تطورين منها وبعدها تتوكلين على الله

ولا تنسين سوين لنا حفل افتتاح للمحل عشان نهجم عليج
(r)
X