شو أسوي

مرحبا،، الله يخليهم لج

خيتو كل ما كبروا تزيدين لهم كميه الحليب طبعا بتلقين مكتوب على قوطي الحليب الكميه وخلي بين كل رضعه والثانيه 3 ساعات مب اكثر ولا اقل،، لاتعطينهم اكل الحين صبري مثل ما قالت لج اختج بس تقدرين تحطين لهم في الحليب قطعه بسكويت من ميلوبا ابدي بنص قطعه وبعدين قطعه كامله وجي يعني ولازم تكون فتحه الحلمه شوي كبيره لانه الحليب يغلظ ويا البسكوت

الغالية ماروم امشي عاللي مكتوب عالقوطي وان شاء الله بحطلهم بسكوت في الحليب بس بتريا شويه...

بغيت اعرف كم رضعه اعطيهم في اليوم وكم يكون مقدار الحليب

عادي تعطينهم نص بسكوت فارليز او ميلوبا
خليها سائل شوي

حبيتي انا نفسج بالضبط عندي توم ولدتهم خدج وانا ولدت بلندن وتمو بالحضانه 18 يوم هناك كان يرضعونهم اول اسبوع كل ساعتين عقب صارو كال ثلاث ساعات وبعدين عودوهم على كل اربع ساعات ووكانو يعطونهم 100 ملي والصراحه هم كانو مسوين لهم جدول لما رجعت الدوحه خبرج مع زيارات الاهل والناس اللي يجوني اخترب نضامهم وصارو يرضعون على كيفهم كل ما صاحو عطيناهم حليب وتغربلت فليل مستحيل ينامون ...


المهم يوم رجعت بيتي قلت مالي الا ارجعهم للنظام قمت جبت جدول المستشفى وعدلت عليه شوي وقلت لخدامتي تمشي عليه واذا ما سجلت اهاوشها هي تستلمهم الصبح وانا فليل لين الصبح صج هم لين الحين يقومون فليل بس على الاقل اعرف كل واحد متى وقت رضعته واقعده على الوقت يكون معاي وقت اجهز حليبه اول عقب اخذه وابدل حفاضته تكرمين وبعدين ارضعه ويرجع ينام ...


ونصيحتي انا قريت في كذا كتاب وكذا دكتور قلي لا تغطينهم اكل الحين خليهم لين ما يكملون الرابع بعدين ابدي اشوي شوي او في السادس

واختي بعد خلي فرق بينهم في الرضاعه ساعه عشان يكون معاج وقت ترضعينه وتجدينه وما يقعدون يصيحون اثنينهم بنفس الوقت

قطرية موووت مشكوورة ومااتقصرييييين :) :)

الحين هم في الرابع كل كم ساعه تنصحيني اعطيهم وكم مل؟؟

شوفي هو على حسب حاجتهم يعني انا عندي واحد يرضع 180 ملي والثاني 160 ومرات اذا واجد يجوعانين ياخذون 200 فانتي حاولي تجوعنيه لين اربع ساعات كل ما يصيحون عطيهم مصاصه عقب عطيهم 160 واذا ما شبع زيدي عشان ينام فتره اطول المهم رضعيه 100 ملي وجديه وخليه يرتاح 5 او 10 دقايق وكملي وفرص اذنه وحككي ريوله عشان يشبع وينام اكثر

مشكوووره الغالية واايد تعبتج وياايه :) وانا اليوم بديت اعطيهم كل 4 ساعات احس أريح بواايد... واعطيهم 120 مل... وان شاء الله بحاول اني ازييد اذا ماشبعوا

غلا أخوها .......... الله يحفضهم لش يالغاليه و يحميهم من كل عين

انا اعطيهم حليب يوم كانوا في الشهر الرابع كل اربع ساعات 120 ملي ولاني اعطيهم طبيعي بعد يعني تتفاوت الرضاعات يعني ساعات من ارد من الدوام مااعطيهم غير من صدري ورضعة وحدة حليب صناعي وفي الليل من الثنين صناعي وطبيعي واليهال يحب انه يمص وقت النومة واذا شبعان خليه

انصحك تبدي اكل معاهم لانه وجود الاكل في النظام مال الطفل يخليه ينام اكثر بالليل لانه تثقل المعدة ويحس بالشبع وبتقل بعد عدد الرضعات لانه يتخلل الرضعات الاكل في البداية عطيهم وجبة وحدة العصر على الساعة اربع لين يوصولن الشهر الخامس خليها وجبتين مرة الصبح بس في الحليب بسكوتة في المرضعة مالتهم وبعدين العصر تسوي لهم اي شي خفيف مثل الارز مثلا وفي الليل بس الحليب لين الصبح لين وصلوا الشهر السادس خليها ثلاث وجبات وبجذي انك حافظتي على معدة الطفل لانك بالتدريج قاعدة تزيدي الوجبات