حامل ولا

السلام عليكم ورحمة الله وبركاته ..
انا متابعة قديمة جدا للمنتدى واليوم اولى مشاركاتي:wink:

خواتي ابغى استفسر من حاجة وهي :

انا لي متزوجة قريب ال8 شهور .. وماصار حمل لان الدورة كانت متلخبطة والهرمونات متدمرة من السفر وتغييرات الجو انتو عارفين .. المهم
رحت عند دكتورة قالتلي الرحم مشالله ممتاز والمبايض اوكي ومافي مشكلة الا الدورة وموعدها.. وعطتني دوا حق تنظيم الدورة لمدة 3 شهور
بديت فيه وكل شي تمام وصارت الدورة تشرف على موعدها بالضبط 27 يوم لاتقدم ولا تاخر ..
والحين المفروض تجيني من يومين ..
يعني هي متأخرة يومين واليوم هو الثالث 12-3-2008م

وقبل اربع ايام جاتني دوخة مو طبيعية استمرت قريب الساعتين .. واحس صدري من فترة شوية اكبر ويابس مدري ايش .اللي صاير بالضبط :eek:.. ؟؟؟ودخلتي على الحمام - الله يكرمكم - كثيرة وصلت 8 مرات امس بمعدل كل ساعة .. تقريبا ... اما اليوم لا عادي ..
المشكلة انا لما تجيني الدورة احس وزني زاد وانتفخت مدري شلون ... اما هالمرة ماحس بذيك الاشياء..

المهم انا سويت فحص منزلي ماطلع شي كثير قالولي بدري وانا خلقة متشائمة من هالجهاز ..
فقمت نطيت على المنتدى اشوف هالطرق ولقيت وصفة الكلوركس ادري مهي مضمونة(n) بس قلت اجرب ماني خسرانة شي ..
والنتيجة اني حامل:D>>>> ياريت:cool:

ما اكتفيت قمت سويت طريقة ثانية بعد قريتها وانك تحطين البول بكاس شفاف وتتركينه بمكان امن 8 ساعات اذا كان صافي مو حامل واذا كان متعكر وكانه فيه قطن يعني حامل ..

سويتها وطلعت حامل :D<<<<<<<< مشالله صرت حامل بتوم الحين وانا مدري







ادري طولت عليكم يابنات بس كل وحدة ودها تحمل تعرف شعوري اكيد ، وانا بنت صغيرة ومتزوجة ومتغربة عن اهليوالحمدلله انا صلوية ومانسى الدعاء والاستغفار ..وبالمقابل مالي الا انتو ولا تردوني ..لاني بهالامور ماعرف الطمسة من الخمسة(f)