باركو لها التقت بأمها بعد اكثر من 40 سنة دشوا وشفو شلون

السلام عليكم ورحمة الله وبركاته ,,,

قريبة لي اليوم بتلتقي بأمها بعد اكثر من 40 سنة اليكم القصة ,,,

تعيش في بلد خليجي تزوج ابوها من امها عن طريق جدها من امها وجدها من ابوها تعرفون اول يزوجونهم من غير ما يعرفون مساكين وكانت البنت صغيرة وعلى فكرة كل واحد منهم من بلد بس مال اول يسافرون عشان الرزق وجي هالرجال مع عيلته وسكنو في بلد الرجال والأجداد اشتغلوا مع بعض وتعرفو على بعض وتصادقوا جان يزوج بنته لولد رفيقه وجاب منها بنت اللي اهي قريبتي وبعد فترة بسيطة سنة او سنتين والله ما ادري بالضبط المدة طلق الرجال المراءة وطبيعي بترجع مع اهلها لبلادها بس وجان الجدة ام الزوج تربي البنت وتتكفل فيها ويتزوج الرجال من ثانية وتمشي الحياة على هالوتيرة وتمر السنين والبنت ما تعرف اها والأم ما تعرف طريق لبنتها وتزوجت البنت وجابت عيال وطول هالسنين كانت تسأل وتتطقس عن امها وكل ما تسمع في حد جاي من بلد امها تسأله وما عندها غير اسم مجرد اسم وما حصلت نتيجة تمسك خيط وينقطع وكان عندها امل طال الزمن ولا قصر انها بتلتقي بأمها ومن فترة يومين بس كلمت امها وطلع لها اخوان وخوات والليلة بيلتم شملها بأمها على الساعة 12 في الليل طيارتها اقول لكم شلون تعالوا معاي اخوها من ابوها عنده بيت للإيجار اسكنوا فيه عيلة من نفس بلد امها وجان الأخو بالصدفة يجيب طاري القصة انه له اخت من ابوه امها من هالبلد وتعرف لها طريق ودورتها وما وصلت لها جان يقوله عطني اسم الأم وانا با سأل لك عنها عند اهلي وابتدا الموضوع من هني وجان اهله يسألون ويطلعون رقم تلفونهم ويكلمونهم ويسألون انتو لكم بنت في البلد الفلاني جان يقولون نعم واسمها فلانة بنت فلان وقالوا مواصفات ابوها وشغله وشوية تفاصيل قديمة وتطلع صحيحة ويفرحون بهالخبر واخوها ما وصل لها الخبر الا يوم تأكد انهم صج هي اهلها امها وطلع عندها 3 اخوان و3 خوات من امها وكلموها بالتلفون وصار البكي والصياح من الجنبين بس هي عن طرق التلفون وما تم حد ما عرف بالقصة الا كلمها وفرح وبارك لها وشاركها فرحتها انها عرفت لامها طريق بعد هالسنين كلها الحمد لله والشكر لله وهي الحين من اول ما عرفت بالخبر وهي تستعد للقياهم لاول مرة بعد فرقها من امها وانا كلمتها وباركت لها واختلطت دموع الفرح وكانت جدا مبسوطة وخايفة ومتوترة ولا نامت من كثر ما اهي فرحانة حتى ولدها الكبير قالت لها الخبر وهو كان في الشغل اغمى عليه مومصدق الخبر ويقول حق ربعه اقرصوني وعوني انا في حلم ولا علم صج يا بنات شي ما ينتصدق بس سبحان الله قادر على كل شىء سبحانه وموقت انه الحين تلتقي بامها برغم ان الثنتين يدورون على بعض بس سبحان الله له حكمة في هدا كان نفسنا كلنا نشاركها فرحتها اليوم بلقيا اهلها واحتفالها فيهم وشلون بيكون اللقاء بس صعب لانها عايشة في بلد غير بلدنا وعلى فكرة كلنا نصحناها انها ما تروح المطار لانها اكيد اللقاء بصيح الكل وبتصير مناحة وحرارة اللقاء حامية وقلنا لها اللي صبر هالسنين يصبر بعد ساعات قليلة والله يهنيج بلقيا امج واخوانج اللي لين الحين ما شفتيهم مبروك مبروك مبروك الحمد لله انه الليلة بيجمعج فيهم اللقاء بيكون اليوم الساعة تقريبا على الـ 12 ليلا 12/3/2008م مبروك هدا اليوم المميز في حياتج يا ام خالد ,,,,,