..M!ss-P!nk..;5459908:
ويي قلبو عمليه ماتشوف شر بأي مستشفى ..؟
وبالنسبه للكيك احلم يضبط معي :(
طيب عندك طريقه كيكه حلوه وسهله
..
الشر مايجيك يالغاليه
بالنسبه للكيك
مقادير الكيكه:
3 أكواب طحين منخول
2 كوب سكر
1 كوب حليب سائل
1 كوب زيت
5بيضات (اذا كانت صغيره خليها 6)
2 ملعقه صغيرة باكينج باودر
فانيلا
الطريقة:
طبعا لازم كل المقادير بدرجة حرارة الغرفه
تخلطين السكر والبيض حتى يصير مثل الكريمة - على سرعة خفق عالية
تضيفين شوية طحين وشوية زيت وشوية حليب الى ان ينتهي المقدار بالكامل على سرعة متوسطة
تصبينه في قالب كيك مدهون وتدخلينه الفرن مدة 45 دقيقه وحتى يحمر من فوق
للتنويع:
ممكن اضافة كوب من المكسرات او الفواكه المجففه او التمر
ممكن اضافة ملعقة دارسين وملعقة هيل وملعقة زنجبيل
ممكن تضيفين مقدار من النسكافية للحليب
ممكن اضافة مقدار من الكاكاو البودره لنصيف خليط الكيك فتصير عندك الكيكه المموجه
ممكن انك تغطين الكيكه بخليط كريمة الكاكاو ( 2 اصبع كاكاو تذوبينه وتخلطين معاه 2 ملعقه قشطة) وبعد ما يبرد تصبينه على وجه الكيكه قبل التقديم
ممكن ان تحشين الكيكه بخليط الكاسترد او كريمة الشوكلاته
ممكن انك بعد ما تدهنين قالب الكيك ترشين عليه سمسم وتصبين الكيكه واذا استوت وقلبتيها تلقينها مغلفه بالسمسم فيكون شكلها روووووعه وريحتها طيبه
اذا طولت عليج بالكلام ... لكن انا عارفه انا راح تعجبك لان المقادير مضبوطه
نقلت لج هاذي الطريقه السهله ويارب تعجبك