كيف ابعد عن زوجي عشان يشتاقلي بدون مايصير بينا جفا

اكسرررري الروووووووتين

وغيري حياتك

الله يسعدك ويوفقك

تسلمين كتم المشاعر
المشكله انا بعد نفسيتي تعبانه لانو بعيده عن اهلي
وبعد مافي شي يغير الروتين لاننا بمكان واحد مافي مجال اطلع لوحدي وهو لوحده
يعني مالنا غير بعض
حتى الاماكن نفسها مافي مجال نغيرها
انا ابي ابعد عنه بس اخاف يجفا

حبيبتي............ ممكن تسوي خدمة لنفسك؟؟؟؟؟؟؟؟؟؟ سيري قسم الافكار والخبرات وان شالله تحصلي وااااااايد افكار تفيدك............ وماظن استحالة تطبيق شي منها......... في ألعاب زوجية وفي افكار حلوة وفي وفي وااااايد................. لو ما استفدتي ذاك الوقت يصير كلام ثاني...... تقبلي تحيتي :)

nassam
مشكوره حبيبتي عالنصيحه
عارفه والله فيه حركات تكسر الروتين
وكنت دايم اسويها وتعجب زوجي
بس الحين طفشت
ابي ابعد شويه
بس خايفه يتعود

والله انك صادقه انا من يوم حملت وانا ماطيق زوجي

وانا بعد خايفه من كثر الجفا والبعد

لكن مانقول الا الله المستعان رووووووووووووووووووتين ممل

مشكوره فجر
هذا بس عشان الحمل واكيد زوجك بيقدر انها كلها فتره وتروح
ان شاء الله تولدين وتجددين حياتك مع النونو الجديد

اختى الغالية

اقدر مشاعرك وادعوا الله لكى بالتوفيق فى حياتك

عندى نصيحة لكى وهى ان تعودى زوجك على وجودك الدائم فالزوج بالتعود اما يبعد او يقترب

حاولى ان تتقربى لزوجك ولا اقول لكى افرضى نفسك عليه فى كل وقت بل حاولى عند وجوده لوحده فى غرفة ان لا تغيبى منها كثيرا وحاولى ان كان مشغول ان تحسسيه بقربك فمثلا اعملى كاسة عصير وقدميه له من غير ما يطلبها وقولى له احسست انك تريدها فجئتك بهاستجدى لهذا التصرف صدى جميل لديه وكررى فعلك كلما احسستى انه منشغل عنكى

حاولى مشاركته اى اهتمام من اهتماماته فلو كان مهتم بجهاز الكمبيوتر حاولى انتهاز اى فرصة للحديث معه عن الجديد فى هذا المجال والاستفسار منه عن معلومات جديدة لديه

لا انصحك بالبعدالمتعمد لان على وصفك للعلاقة فلن تفيد بل على العكس ستعمق الفجوة

تمنياتى لكى بكلبالسعادة والهناء

مشكوره اصاله
صادقه والله بكل كلامك
كل اللي قلتيه مطبقته ومدلعه زوجي عالاخر وتقريبا كل اهتماماتنا متقاربه
يعني نتشارك بالتعليق على مواضيع بالانترنت
واشاركه بمواضيع شغله وصرنا دايما مع بعض بس علاقتنا بتصير عاديه <كاننا بنصير اخوان> من كثر القرب يعني حتى الكشخه مليت منها ماصار يناظرلي مثل قبل ابي يصير فيه وقت نشتاق لبعض فيه مو نكون دايم سوا
اشتقت لانتظاره يجي من برا زي زمان بحكم انه كان يتاخر بشغله لما كنا بالسعوديه وكان يطلع مع اصحابه كتير
اما لما سافرنا صار وقتنا مع بعض طويل << شكلها هي الغربه اللي عامله عمايلها ومطفشانا من بعض الله يصبرنا ونرجع لاهلنا بسرعه

انا اكسر الروتين واروح عند قوم امي اسبوع ... انصحج انج تروحين عند قوم امج مدام انج مشتاقة لهم وخلي ريلج ويوم انج بتكونين عند اهلج لا تتصلين فيه واايد يعني اول ما تنشين من النوم ومرة باقي اليوم ولما بترقدين وانشالله هذا الشي يجدد حياتكم وحاولي انج تروحين عند اهلج كل اربع شهور مرة (اسبوع)

مشكوره ام المعرس
كان زين اقدر اروح لاهلي
بس انا مغتربه مع زوجي
يعني مافي امل اشوف اهلي وصديقاتي الابالعطله
حتى معارفنا بالغربه مشغولين يعني كل واحد لاهي بنفسه

بسمه امل
ان شاء بشتري هديه لزوجي من زمان ماشتريت <<بس بدور ارخص شي الميزانيه ماتسمح ههههههههههه
مشكوره عالفكره

ياحبيبتي انا مثلك بالضبط اول كنت ادرس بالجامعة وناسه شوق وتجديد بعد الاختبارات لكن الحين انواع الطفش انام عند اهلى اسبوع ثم اردلبيتي والله زي بعضه شكل السنوات تسبب ملل مع اني لي 5سنوات متزوجه بداني الروتين بعد2زوجي بعد3سنوات

حياك الله شيخه حايل
اسعدني مرورك

بنات ابي اقولكم شغله
الحين قاعده اقرا قصه للدكتوره ناعمه الهاشمي اسمها قصه برود ومطر صراحه اشياء خطييره مر ه عن طبع الرجل

قصصها صراحه تختلف عن كل القصص اللي قريتها من قبل
لاتفوتكم راح تستفيدون منها

الصراحة تملللللللللللللللللنلللللللللللللنا و احنا انداريهم جنهم يهال يا نبعد يا انتقرب و اهم كل تفكيرنا و كأن الحياة بس هل زوج ... ابكيفهم يبونا جذي حياهم الله ما يبونا في الطقاق

اختي مجدولين برود ومطر هي عن الحياة الزوجية؟؟ ووين احصل الكتاب اذا سمحتي؟

وبالنسبة للملل الزوجي ترى يصير اذا كنتي فاضيه وهو شغال تحسين حياتج روتين قاتل ممل كل يوم مثل اليوم الثاني..

انصحج بالشغل واذا ما تحبين تشتغلين برع البيت انصحج حبيبتي انج تمارسين هوايه معينه انتي تهوينها وتشغلين وقتج فيها راح تحسين ان اهو راح يشتاق لقعدتج وياه وممكن تشوفينه منبهر فيج وفي ابداعج وراح يساعدك وممكن من هالهويه تزيدين من دخلك وتستفيدين ..

عندج الرياضه جدا مهمة في الحياة تحسين كل جسمك حيويه ورغبه قويه في الحياة ونشاط وكسر للروتين ..

بإمكانج الاشتراك في نادي رياضي او اذا الميزانيه ما تسمح مارسي الرياضه في البيت خصصي وقت معين كل يوم تمارسين فيه الرياضه وافضل الاوقات الصباح ..

ممكن تقرأين كتب انتي تحبينها وتجلسين تخبرين زوجك عن الكتاب اللي قريتيه وتناقشينه فيه ..

انصحج متابعة الجريده اليوميه والاخبار وكل خبر جديد (عاجل) خبري زوجك فيه اول بإول عن طريق المسجات حتى لو كان بالشغل راح يخبر زملائه وكل واحد بيسأله ويش دراك بيضحك وبيتذكرك وهو مفتخر فيج خاصه اذا كان زوجك مو من متابعين الاخبار عن طريق الجرائد من الصبح وانتي طبعا تتابعين الجريده من الانترنت وراح تشوفين اثرها عليه..

راح يحس ان عنده زوجه مثقفه ومواكبه للتطور وبيستانس فيج واااايد ..

بعد ممكن انج تدرسين في معهد تعليمي برامج كمبيوتر والا شغله انتي تحبينها يعني منها تقضين وقت بعيده عنه ومنها تستفيدين من تطوير نفسج...

ان شاء الله حبيبتي افدتج بما لدي ودعواتج لي بالذريه الصالحه عاجلا غير اجل

ام الياس مشكوره
ترا الوحده منا المفروض ماتخلي حياتها بس زوجها المفروض يكون لها اهتمامات ثانيه بالحياة
عشان كذا ابي نبتعد عن بعض شوي والقالي شي ثاني انشغل فيه

بنت النور تسلمين الله يرزقك ويرزقنا بالذريه الصالحه اللي يفرح قلوبنا فيها
برود ومطر قريتها بمنتدى ابحثي بالنت وراح تلاقيه ان شاء الله واذا مالقيتيها قوليلي
المشكله اني فاضيه وهو مشغول وتخيلي عندي نادي رياضي تحت بالعماره مجاني لاهل العماره بس مو راضي يخليني اشترك فيه لانه كاشف ممكن يمر احد من ربعه بالعماره ويشوفني
ادعي لي لني ادرس كمبيوتر الترم الجاي احن عليه وايد عشان يدخلني المعهد ان شاء الله يوافق

الله ايسر امورج حبيبتي

مثل ماقالوا الخوات ... غيري الروتين وحاولي اطولين بالج
والله يصلح امورج

من حقش تغيرين الروتين لان الزوج يتملل ويحب التغيير

اني عد اتمنى اغير روتينا بس مااعرف