مليت من حياتى

أختى اعرف اللي سمعتيه جرح عميق بقلبك ، لكن تحملي شوى علشان خاطر ولدك يمكن الله يهديه ويعرف عقب ان هو خطأ بحقك ، عيشي حياتك ببيته وروحى وتعالي ولا كأن هو موجود بالبيت وطنشيه بس لا تطلبين الطلاق وشوفي كم شهر يمكن يتغير لين يكبر الولد شوي .... خلي عقلك اكبر من عقله اختى ترى الرياييل انهبلوا ما صار فيهم عقل وما قاموا يعرفون شنو يقولون بس الوحدة المفروض تتحمل علشان الولد اذا في اطفال وشوفي بعد كم شهر اذا ما تغير وهو مصر على رايه ، أشترطي عليه ان يدفع لك كل نفقات الولد ونفقتك ويخلي لك الشقة ويصرف عليك كل شي نفس ما خذاج من بيت اهلج وهو مغصوب واذا هو ما يبيك ويبي يطلقك هو انتى مو ملزومة تدفعين نفقة الولد ومسلتزماته للدراسة والمستقبل...... والله يهديه ويعدل أموركم بحق لا اله الله.... بس تحملي شوي حقارته وكلامه الوقح السخيف علشان الولد ......

حبيبتي دام يتكلم زوجك كذي فهاد معناه انه هو يحيب واحدة ثانية من قبل مايتزوجك

ودام انج كل مرة تتزينيين له وماياخذ في باله اكييييد في باله واحدة ثانية ومن زمااان

انتي تحملي مشان ولدج وان شاءلله ربي يهديه لج ويعرف مكانتج ومقدارج

علا اختي ماادري اذا رح تتقبلي كلامي
سمعي اذا قالك انه مغصوب ليش تزوج ؟ليش ماكلم اهله وقال مايبيك؟ انتي مش لعبه في يد اي ريال حتى لو ريلك شوفي طنشي كلامه انا اعرف ان صعب بس استحملي سوي الي تبغينه لا تهتمي فيه لبسي حلو تكشخي طبعا في البيت وبرع خليه يحسن لنه ماتزوج وحدة من شارع حسسيه انه تزوج بنت ناس ونسب رفعي راسك فوووووووووووووق يلسي مع ولدك خلي ولدك يشغل حياتك كلها لحد مايحس
انك تغيرتي وخله يجيكي ويبوس رجلك المهم اختي الريايل كلهم مشاكل انتي اهم
شيء خليه يعرف مقامك في بيتك
شكلي طولت عليك بس صدقيني انا ما احب الريايل كذي
بس صبري الله لرح يفرجلك

حبيبتي ممكن الى بقوله قاسي بس حنا عشرة وتجربه قبلك وخبرة

ارجال ميبيك ولا تذلين عمرك اكثر لانه يقولها اشكرة عينك عينك لاتضيعين وقتك معي

والولد اذا كان واحد احسن ميكونون مجموعه وتتورطين فيهم والشيخ يقول ممكن الانفصال يكون

احسن حل للاطفال قبل لاتصير عندهم عقدة نفسيه والله والله رجال ميبيني مبيه ودوس على قلبي

وعلى الحب الي من طرف واحد ونتي توك صغيرة ويجيك الي يحبك ويصونك

حبيبتي بقولك شي وادري انه صعب عليك بس هذا الواقع ولازم ترضين فيه
زوجك مايحبك ولازم تتطلقين منه
((((((((((((((النزول من اول الدرج ولا من اخره)))))))))))
واحمدي ربك انه اعترف لك وانتي عندي ولد مو بعد مايفوت الاوان الاوان ويصير عندك اربعه ولا خمسه وبعدين يروح عمرك
انتي توك صغيره والعمر قدامك
انا اقولك هالحل لاني مريت بنفس تجربتك وااقسى والحمدلله تطلقت وحمدت ربي بعد ماتطلقت لاني تزوجت انسان اكثر من رائع وولدي الاول عند امي
اسفه لاني كثرت الهذره بس حبيت اوضحلك تجربتي
ولاتاسين حبيبتي لابد يجي يوم وتبتسم لك الحياه سواء مع زوجك هذا او مع غيره
اتمنى لك التوفيق

ما عندج غير الصبر اختي او الطلاق ....

يا انج تاخذين ولدج وتعيشين وياه وتعطينه كل شي او انج تتحملين العيشه معاه حسب خاطر ولدج بس لا تفكرين اتيبين عيال وفقي النهاية يقطج انتي وعيالج ... وكل شي جايز يمكن يشوفج ساكته ومتحمله يقدرج اكثر ويحترمج وينتهي خلافكم ان شاء الله بس فكري عدل هذي حياتج اختي والله يوفقج فيها

صبري وتحملي عشان خاطر ولدج وبس..ولا تتغيرين في معاملتج معاه كشخي ولبسي ولعبي مع ولدج ورتبي البيت وخلش عادي (كوني انتي الاحسن)... ولما تصلين طلبي من رب العالمين يهديه لج...ان الله مع الصابرين
تحملي بروحج زين اختي..الله يسعدج
تحياتي

السلام عليكم
اول شي الله يعينج ويصبرج واتمنى اني اقدر اساعدج
انتي خليج بعيده عنه ولاتقولين له اي كلام حلو ولا تلزقين فيه خليه ع راحته سوي ي اشياء ايحبها بس من بعيد لبعيد لانج اذا حاولتي اتقربين منه واهو مايبيج بهالطريقه راح ينفر منج اكثر
ولاتصدقين اي واحد ايقول لج الطلاق حل بالعكس الطلاق هلاااااك
انا اعرف وحده اتزوجت واحد وبعدين اكتشفت انه مغصوب ع الزواج وانه مايحبها بس اهيما شا الله اطلعت قويه وشالت الطلاق من راسها وقالت باذن الله بخليه ايموووووووووووووت علي مو ايحبني بس
والله يابنات انه خلال بس 7 اشهر خلته يحبها ومايقدر يستغنى عنها بعد ماكان مايداني ايشوفها
قلت لها اشلون قالت اول شي واهم شي تمسكت بالله كانت اتقوم اللليل اتصلي وتدعي وتتوسل لله انه ايخلي زوجها ايحبها وانه توفق في حياتها معاه وتدعي انه اذا ايحب وحده ثانيه ان الله يخليه ينساها ويوخر عنه اولاد الحرام وبنات الحرام وكانت اتصدق بنيه ان زوجها ايحبها وكانت تستغفر كل يوم بنيه ان زوجها ايحبها بعد كللل يوم على هالحاله صلاه واستغفار ومو معقوله ان الله بيردها الله يقول ادعوني استجب لكم سبحان الله
وكانت بعد تقرا سوره البقره وهاي اهم شي في الموضوع ومانت تقراها بنيه التوفيق بعد
ثاني شي كانت اتسوي له اللي ايحب بس بثقل ورزانه وكانت اتدلع دلع مب صاحي لانها تدري ان الرجال ايحبون البنت الدلوعه الثقيله كانت ماتخيه يستغنى عنها وتوقف معاه في عده مواقف صعبه وكان ايسبها وتسكت وتتحمل منه تصرفات وكلام زي السم كل هاي واهي تقول اهو راح تغير باذن الله ماعليه اووووه صج قويه وبعدين هدته وراحت بيت اهلها زياره اسبوع اهو هني خلاص ماقدر يعيش بدونها لانها مانت محيطه في من كل الجهات
راح لها لبيت اهلها وقال لها انا احببببببببببببببببببببببببببببببببببببج وموت فيج ولو كنت طلقتج كنت بتحسف طول حياتي وانا اول مره اشوف وحده صبوره نفسج وسبحان الله الله ماردها
فانتي لاتياسين من رحمه الله واعملي بالاسباب والله يوفقج يارب ولايفرق بينكم ويخليكم دوووم مرتاحين

هلا اختي

والله انا حبيت كلام الاخت مغروره بس مجبوره
بصراحة كان خاطري اقولك الي هي قالته وهي ما شاء الله حكت
قصة لا تضعفين ولا تكوني لازقة فيه كوني قوية بنفسك وايمانك بالله
قوى واقري سورة البقرة وكوني معه في المواقف الي يحتاجك والله بتشوفي
بيتغير بس خلي بالك طويل وحاولي تكون قدامه دايما كاشخة وحلووة

والله يعينك ويكون في عونك يوفقكم وي بعض هو ما يعرف يمكن الي كان يبيها
قبل ما راح تكون سعيده معه وهذه نصيب وامتحان من رب العالمين لج وله

الله يسعدكم يا رب ويحقق الي ببالك

والله مافي شئ عسييييير على رب العباد

وقلب زوجك بين اصبعين من اصابع الرحمن يقلبها كيف يشاء

الدعاء ان ربي يسخره لك

والصدقه بنية ذلك

والله يساعدك

اشكـركم خواتى على الرد ما تقصرون اختى مغروره راح اسوي مثل ما قلتيلى ما تقصرين

حياتي بقولج شي

القلب اللي يحب عمره ما يكره
زوجج طيب
مصارحته لج هذي ابر طيبة منه ودليل حبه لج
بس اهو في باله وحدة ثانية
لازم ينساها

انتي بيدج كل شي
خليه يحبج مثل ما حبها
صيري معاه طيبة غيري من شخصيتج لا تتناجرين معاه كلش
والحلو فيه انه معترف بجمالج
بس اهو يمكن كاره تصرفاتج
اذا عصب عليه قوليله الله يسامحك لا اتردين لو شنو يقول
واذا فتح لج موضوع حبيبته الاولانية سحبي منه حجي وشوفي شلون كانت تتعامل معاه
واظاهر اهو حيل متعلق فيها

شاركيه بكلامه عنها طبعا راح تستغربين وهالشي صعب عليج ويمكن البنات يقولون هالشي يذكره فيها

بيني له انه الله فوق كل شي فوق الحب وفقي وفوقك وهالبنت مو نصيبك
ويارب يحبج

ادعيلج من كل قلبي

ام حمودى مشكوره على الرد راح انفذ الى قلتلى عنه حبيت اقولج شي انه سألت خال زوجى عن بنت الى اهو كان يبيها ((( قال لى كان يبي وحده من القرايبنا ما كان خوش بنيه رايح فيها اهله ما رضو انه يتزوجها )))

الله يهديه ياااااااارب

صعب اذا الريال هو الي يمل...

والله ما اعرف بشوو انصحج

اسمحيلي

الله يعينج اختي ويفرجها عليج يارب

حياتي انتي ...

اكيد الكلام الي قطه عليج مب هيين .. و ماله حق يقعد يقط عليج كلام مثل هذا مهما يكون .. بس فلنهاية يمكن هذا طبعه و بينكم الحين طفل ...

وانتي ماشاءلله عليج قلتيها خايفه على مستقبل ولدي الي عمره 8 شهور ...

علشان ولدج حاولي تتحملين و بينيله هل شي ..

قوليله ... الحب مب غصب .. ولا اقدر اغصبك انك تحبني .. يمكن بداية زواجنا كانت غلطة .. بس هم يمكن خيره و صلاح و الحين بينه ولد .. على الاقل نحاول نتقبل بعض علشان ولدنا ... مافي شي بيرجع الي راح لكن ممكن نقدم شي للي بيي ...

و ماتدرين فدييتج يمكن مع الوقت يلين قلبه عليج و العشرة تره تقرب لقلوب من بعضها .. انتي قد ماتقدرين حاولي تعطينه حقوقه و حاولي تتحملين علشان ولدج و دوم ادعي انه الله يحنن قلبه عليج و طلبي من ربج الصبر ... غيرج تحمل و نال .... و انشاءلله باذن الله ... كثري من الدعاوي و الله انشاءلله بيقرب من بينكم بس كل الي عليج انج تتحملين و تصبرين ... الطلاق ساعات مب الحل الانسب ..

السلام عليكم

لاحول و لا قوة إلا بالله

الله يهدي زوجج مدام إنه ما يبيج ليش جاب العيال ، الله المستعان ، ليش تزوجج عيل ؟

بصراحة كلام اختي المغرورة عسل على عسل جزاها ربي جنة الفردوس فعلا الطلاق هلاك

فعلا أختي العزيزة انا ما أحب أحرض عالطلاق فنصيحتي جربي عامليه مثل ما يبي بالطيبة و الحنية و طيعيه بما

يرضي الله عز و جل و اهتمي بنفسج وايد وايد إذا على قولته إنج حلوة و جسمج حلو فأنصحج

تزورين قسم الخبرات و دوريلج حركات دلع حلوة لزوجج و صبري و ادعي رب العالمين يهدي لج زوجج

و الله الطلاق مو هين و خصوصا العيبة تطلع على البنت و انتي بمجتمع ما يرحم بعض المطلقات

اصبري على زوجج خففي المشكلات دلعيه حسسيه إنج تغيرتي و ياربي قلبه يلين لج و يحبج

عسى ربي يجمعكم دنيا و آخره و يخلي لج زوجج و تعيشون بسعاده اللهم آمين