ممكن تفيدوني بناااااات ؟ بخصوص الخياطة

&

【 فجـــر 】

عروس مبدعة

11-03-2008 | 11:44 PM

السلام عليكم بنااات

انا بصراحه هاليومين صرت احس بحكه مكان الخياطه :ss:

مع اني استخدم الماء والملح والمره للغسيل .. اتنقع فيه يعني ..

بس مادري شو السبب !!!

هل هاي الشي طبيعي وله لا ؟ او ممكن يكون فيني شي او في الخياطه ؟

وهل ممكن تنفتح الخياطه لاسمح الله !!

ياليت حد يفيدني

ولو عندكم حل للتخفيف :confused:

وجزاااكم الله خير (f)

ر

ركايز

عروس رائعة

11-03-2008 | 11:56 PM

احتمال يكون الخيوط بدات تنشف وتطيح وماتشوفين شر

.

.. أمــ عــلــيــ ..

عروس ماسية

11-03-2008 | 11:56 PM

ملاك قطر .. الحمدلله ع السلامه ... ومبروك المولود ويتربى بعزكم :)
يا أختي انا ما جربت الشي هذا بس قريبا ً ان شالله دعواتك لي بتسهيل الولاده :) ..
بصراحه اللي انا اشوفه ( أمي وخالاتي ) اذا ولدوا يغسلون الخياطه بمطهر اسمه ( سافلون ) يبللون منديل بالمطهر ويطهرون الخيوط بالضغط عليها على خفيف بعدين تصبرين شوي لحد ما تحسين انه نشف .. بعدين تحطين ع الفوطه مرهم جروح وتلبسينها .... المرهم ماادري وش اسمه بالظبط بس معروف عليه صورة أسد وفيه خط برتقالي هو قديم مرررررره :) ... ان شالله اكون افدتك بشي ... واذا نفعتك طريقتي اتمنى تدعين لي بتسهيل الولاده والتوفيق :) ...

ح

حكايه المطر

عروس فضية

11-03-2008 | 11:57 PM

حبيبتى انتى ماوضحتى انتى نفاس ولا لا بالنبه اذا كنتى نفاس اذا تم لك اسبوع تبدى الخياطه تلتأم وتعور وتحسين بحكه يعنى احسه طبيعي انا كذا بس اذا تبين تتاكدين روحى لطبيبتك وشيكي عشان ترتاحين:)وماتشوفين شر ان شاء الله

ر

ريحانه المصطفى

عروس مشرقة

12-03-2008 | 01:44 AM

سلااام
حبيت أرد من تجربة شخصيه ..
فيه كريم أسمة " ميبو " ممتااااز بكل ماتحمل الكلمة من معنى أستخدمته بعد الولادة علطول لمده أسبوعين حتى رحت بعد أسبوع قالت لي الدكتورة أن الجرح ملتأم .. وحتى يروح الألم لما استخدمه ...
عطتني بعد غسول أسمة " الزارا " حلو بعد وأهم ميزة فيه انه مستخلص من البحر الميت ..

وماتشوفين شر ان شاء الله

&

【 فجـــر 】

عروس مبدعة

12-03-2008 | 05:00 PM

تسلموووون حبايبي على المرور والرد ..

وبستخدم مرهم ميبو .. لان سمعت عنه كثير

وجزااااكم الله خييير (f)

ح

حروف القلب

عروس برونزية

12-03-2008 | 06:35 PM

ملاك الحمد لله على سلامتك .. ومبروك عليكي البيبي..
ما عندي خلفية عن الخياطة لأني عمليات قيصرية..
بس حبيت ابارك لج..وبالسلامة

ص

صاحبة السمو الملكي

عروس رائعة

12-03-2008 | 06:38 PM

الحمد لله على السلامه بس الحكه معناها اندمال الجرح ويفضل سؤال الدكتوره

&

【 فجـــر 】

عروس مبدعة

12-03-2008 | 11:02 PM

الله يسلمج حبيبتي حروف :)

وتسلمين على المرور والرد ..

صاحبة السمو ..

شو يعني اندمال الجرح .. قصدج يطيب يعني :) ؟

بس استخدمت مرهم ميبو .. واااايد حلو ومريييح .. :)

ويعطيكم العافيه حبايبي ..

منورين الموضوع ..

*

*ام وسام*

مشرفة سابقة

13-03-2008 | 08:55 AM

الحكة تعني ان الجرح بدا يبرى .. يعني إطمئني خير ان شاء الله واستخدمي احد هذه المراهم والكريمات الي قالو عنها البنات باتساعد على اندمال الجرح ..

ص

صاحبة السمو الملكي

عروس رائعة

19-03-2008 | 02:30 PM

مـــلاك قطـــر;5414075:
الله يسلمج حبيبتي حروف :)

وتسلمين على المرور والرد ..

صاحبة السمو ..

شو يعني اندمال الجرح .. قصدج يطيب يعني :) ؟

بس استخدمت مرهم ميبو .. واااايد حلو ومريييح .. :)

ويعطيكم العافيه حبايبي ..

منورين الموضوع ..

ايوه بالضبط قصدي يطيب

د

دلوعة زوجي 2007

عروس رائعة

19-03-2008 | 08:18 PM

ما تشوفين شر

استخدمي المرهم الي قالو عنه البنات وان شاء الله

يسااااااااعدج وتقومين بالسلامه ان شاء الله ..

s

sss_12

عروس رائعة

20-03-2008 | 02:26 AM

هذا يدل على انه يرجع طبيعي يعني يتشافا ان شاء الله بس لااتكثرين الملح يدوووووووووب ملوحة خفيفة