اللي تستخدم حبوب ياسمين وفصيلة دمها او موجب (o+) تدخل

انا استعملتها لمدة سنة تقريباً ولا كأني باخد دوا ولا تساقط شعر ولا صداع ولا شي حتى بوقتها كنت عامله رجيم وكانت اكتر مرة انحف فيها بحياتي :D وعلى فكرة انا فئة دمي O+ ومن وقفتها حملت على طول بعد شهرين

بصراحة كانت روعة وانصح فيها (y) (y)

انا خذتها بعد ولادتي الثانية وسببت لي نزيف شهرين ورا بعض بهدلتني وايد وبعدين تركتها

وزميله لي استخدمتها سنه وبعد ما تركتها تمت سنه كامله ماحملت ويوم حملت سقطت

انا استخدمهم صارلي ست شهور اول شهر تحسين

كانك توحمين تطريش ودوخه

متحبين الاكل وبعدين عادى متسمن عاديه

مشكورين اخواتي

انا استعملتها 4 شهور ويوم تركتها يمكن قعدت شهر وشوي وحملت والحمدلله لاصداع ولاتساقط شعر ولاشئ وهي تصلح للي توهم متزوجين لانها خفيفه مره وعاد بعد اول بيبي المفروض شئ اقوى منها عشان يمنع الحمل وبدون خوف وقلقل

مشكورين اخواتي

اما انا فاستخدمتها 3 اشهر تقريبا ولكن بهذلتني

تساقط شعر + زيادة وزن فظيعة

واول ما خليتها حملت وسقطت


وللحين ما حملت

انا استخدمتها اقل من سنة ...... بس المشكلة كانت ان لما يكون موعد الدورة ما ينزل دم الا شي بسيط(قطرة)

ومن اسبوع رحت عند الكتورة عشان اسألها

قالت ان هاي الحبوب هرموناتها وايد خفيفة

وان هاي الحبوب نظامها ان بعد كل 6 شهور استخدام يكون في شهر راحة منها ( يعني ما تاخذينها)

وانا غيرتها عن الحبوب اللي كنت اخذها (جاينيرا) عشان انها خفيفة وما تزيد الوزن بس وزني زاد ورحت سويت رجيم ووزني نزل الحمد لله

بس الحين برجع على حبوب جاينيرا لاني جربتها قبل ومالها مشاكل

مشكورين اخواتي

انا استخدمتهالمدة سنه اواكثر وكانت اخف نوع استخدمته وبعد ما تركتها حملت على طول

مشكورة يالغلا

للرفع

أن استعملتها بعد ولادتي بولدي الثاني والله يأختي انها تعبتني اول شهر دوخه وتعب ونزل وزني في ذاك الشهر كيلوين وكنت عصبية جدا ضغط على نفسي لانه كان ذاك الوقت رمضان وعقب ما خلص الشهر الكريم ودرتهن ولا افكر ارجع ثاني لحبوب ياسمين ولكن اختي عكسي تماما مرتاحه عليهن وايد وخذتهن سنه ولا استوى فيها اي شي بعد ما ودرتهن حملت عادي بولدها الثالث فأنتي يااختي لا تحكمين على الحبوب من خلال تجارب البنات لانها كل وحده تريكيبها غير عن الثانيه وعلى حسب الجسم يمكن جسمج يناسبهن الحبوب مثل ما استوى عند اختي مع إنا خوات وفصيلت دمنا +o لكن شفتي كيف استوى فيني فانتي شوفي الي يناسبج والله معاج.

هلا فيك أختي ..

أنا فصيلة دمي O+ وإستعملتها أول ثلاث شهور بزواجي وزي ماتعرفين العروس من الله تنحف فما كانت هي السبب في نحفي لأني سافرت وتغربت عن أهلي فطبيعي راح أنحف من النفسيه ..

والحمدلله ماسببت لي أي تساقط شعر أو أعراض ثانيه .. ولا كأني آخذ حبوب عادي مالاحضت أي شي متغير على نفسيتي او جسمي ..

وتركتها قبل رمضان والحمدلله آخر دورة كانت في رمضان وبعدها حملت .. وماسببت لي أي مانع للحمل ..

أعتقد أختي إن كل وحده وطبيعة جسمها .. إذا بتسبب لك مشاكل أو مراح تأثر عليك .. أهم شي تستشيرين الدكتورة وهي أعلم إذا تناسبك او إلا لا ..

والله يسهل عليك إن شاءالله .. إعذريني على الاطاله (^_^)

الله يهون علينا وعليك