حركة الجنين فيدوني الله يجزاكم خير...؟؟؟؟

هلا الغاليه

انا مثلك في بداية الخامس

والدكتوره تطمنت ع البيبي وقالت لي ولد بعد وسالتني يتحرك قلت لها مادري

انا من الثالث احس بنبض بس هاي الي احس فيه وللحين

قالت لي عادي بتحسين فيه بوقت في الخامس حتى لو في نهايته

يعني شيء طبيعي فديتك لا تحاتين

وان شاء الله خيررررررررر

يتغلوون علينا ودهم يعذبونا فديتهم والله لا تحاتين ...

وان شاء الله البنات يفيدونك اكثر مني ..

تسلمين يالغاليه والله انك طمنتنيني

هلاا اختي

بما ان الدكتوره طمنتج.. لا تحاتين ممكن يكون يتحرك لكن بطريقه خفيفه ماتحسين فيها
او يتحرك بوقت نومك او من الممكن ان يكون طفلك من النوع قليل الحركه
انا ماحسيت بحركه البيبي الا في الشهر الخامس ان شاء الله قريبا بتحسين فيها

الله يسهل عليك يااارب

امر طبيعي اختي


لاتحاتين ابدا

حبوبه ان شاء الله طبيعي ولا تخوفين نفسج واهم شي الدكتوره طمنتج

عاادي حبيبتي لا تخافين انا بعد كنت نفسج لان لين الحين حجمه صغير

الحمدلله اذا الدكتوره قالت لك كل شي تمام تطمني .. يمكن نوع البيبي بتاعك صغير وحركته خفيفه ما تحسين فيها الا اذا بدأ يزيد وزنه يعني تقريبا من السادس وماشي :) ...

عادي لاتخافين انا بعد في الخامس ,, وحسيت مرة وحدة بحركة خفيفة ,, وبعدين ماحسيت بشي,, ورحت الدكتورة وسويت سونار ,, وشفته يتحرك فديته,, بس مااحس فيها لانها خفيفة,, ويوم حسيت فيها قالتلي الدكتورة بيكون مايل على جهة قريبة من جلد الرحم عشان جي حسيت ,, وان شاء الله الايام الجاي بتحسين فيها ,,

عادي لا تخافي .. انا حسيت فيه في نهاية الخامس ...

مع اني يوم كنت اشوفه فالاشعه كان يتحرك بس ما كنت احس بحركه ابدا !!

والحين ما شاء الله عليه ...

تسلمون والله يعطيكم العافيه ويطمن قلوبكم

لا تحاتين وهذا امر طبيعي ويعتمد على وزنك مقارنه بوزن الطفل وهالشي جدا جدا طبيعي لا تحاتين يالغاليه
انت بس الصبح اول ماتصحين من النوم وقبل لاتروحين للحمام نامي على ظهرك وراح تحسين برفس البيبي لا تحاتين ابد ودايم حطي ببالك كل وحده تختلف عن الثانيه صح بس الامور هذي جدا طبيعيه

السلام عليكم حبيباتي كيفكم لي فتره ما كتبت في هالمنتدىالرائع والسبب هو الحمل تعبت في هذا الحمل بذات مع انه الحمل الثالث ليه والحمد لله وانا مثلك حركة الجنين ما احس فيها ورحة للدكتورة وقالت كل شي عندك سليم والحمد لله بس انا خا يفه لان حملي في بناتي حسية بالحركه من الشهر الرابع وانا اعتقد انه من الغده الدرقيه لان عند نقص فيها وانا استخدم حبوب الغده طول فترة الحمل هذا الله يعينا جميعا ويفرج همي وهم كل حامل ويفرح قلوب المحرومات قولوا اااامين