متي ندرب ابنانا من التخلص من الحفائظ

والله على حسب انا علمت ولدي وهو بسنتين ونصف والحمد لله انه استجاب لها الشئ

مافي قاعده معينه

حسب أستجابة الطفل ودائما البنات أسرع في التعلم في جميع النواحي

والله انا بنتي الحين عمرها سنتين وقاعده احاول بس والله شوي ماهي عارفه كيف تروح للحمام الله يكرمكم ياليت تساعدوني تكفووووووووون خاصه اني انتظر مولود بالطريق

والهى انا اسمع فى ناس تدرب اولادها من عمر 6 اشهر وانا اتمنى ان شاء الله ادرب بنتى لانى انقرفت بس انا مكسلة عنها وبقول خليها تكمل سنة بعدين ادربها باذن الله

هلا اختي من تجربه خواتي امي الله يحفضها تقول اخواني الاولاد ماعذبوها من سنه ونص قطوا حفاض لكن احنا بنات عقب سنتين قطعنا

ومن تجربة ولدي الله يحفضه عذبني بعمر سنتين بديت معاه لكن شنو انواع عذااااااااااااااااااااااااااب واستجاب عقب فترة طويله وبعض الاحيان البسه بليل لانه يخورها بعض الاحياااان

اختي التحكم في المثانة مب ابيد الطفل هذا كلام قريتها يعني هل الشي ينمو مثل ما ينمو جسمه كله و لو شفتي مافي فايدة انتظري عليه لا تغربلين روحج و لا تسببين الاذى النفسي لولدج بس عادة الاولاد من سنتين إلى سنتين و نص و احيانا 3 سنوات

اني علمت بنتي وعمرها سنه و10 شهور والحمد لله تعلمت بسرعه

والحين عمرها سنتين وتروح الحمام

كنت بعلمها من عمر السنه ونص بس كنت حامل وتعبانه


اني احس ان نبتدي تعليمهم للحمام على فهمهم يعني لين حسيتين الجاهل يستوعب ويفهم ويدرك الشي عدل لازم تعلمينه...

أنا ألحين بديت مع بنتي من اسبوع بس وهي عمرها سنه و8 شهور, فصارت اتقولي حمام كل ما اتسوي كاكا عزكم الله بس البول فالبامبرز, وأنا قلت بعطيها بعد اسبوع بعدها بعودها تيلس عالقصريه بدون البامبرز لأنها ألحين تيلس بالبامبرز, ومن تتعود بخليها بدون بامبرز طول اليوم بس بالليل بلبسها لين ما أشوفها انها ما تبول وهي نايمه.

فما أدري تفكيري صح والا؟ أفيدوني؟!

والله اني ولدي صار عمره 3 سنوات توني

الحين اعلمه على الحمام

بس الحمد لله ماشي معاي ما يجنني واجد

بس الليل انيمه مع البامبز

انا اول ما احس ان ولدي بيبتدي يفهم بعلمه بس حاطة في بالي لين صار عمره سنة ونص

الصراحه موضوعش شيق

وعني بنتي عمرها سنه ونصف

وابتديت معاها اللحين الخطوة الأولى للتعليم على الحمام اعزكم الله


ابتديت اللحين اعلمها ان هذا " أوف"

واعمل لها حركة اني اسكر خشمي واقول لها "أوف"

واقول لها حمام يلا نروح الحمام نغير لك الحفاظة

وهي اللحين صارت تسوي نفس الشيء لما تعملها تقول "أوف"

وتسكر خشمها فأعرف انها سوتها وتقول حفاظة


وهذي البدايه

انها عرفت ويش هو الأوف

وعرفت ان بعده تغيير الحفاظة

و عرفت ان الحمام للتغيير

وصرت اقول لها روحي الحمام فعرفت وين الحمام وتروح


وان شاء الله الخطوة الثانية ان شاء الله باخذ لها القيصريه اللي تنحط على المرحاض نفسه اعزكم الله

وببتدي بالجد ان شاء الله

مع ان وحده قريبتي ماعلمت ولدها إلا يوم كمل ولدها سنتين ونصف
تقول لي لا تتعبين نفسك مايفهموا اللحين

وقاعده تضحك عليي اساساً اني بدرب بنتي ان شاء الله على الحمام

تقول لسه بدري عليها

مع العلم ان الحمد لله ولدها ماتعبها في التعليم بسرعة اسبوعين وتعلم لكن كان كبير سنتين ونصف احسها واجد

واني احس ان لا بالعكس بنتي ولله الحمد احسها تفهم البدايه على الأقل وان شاء الله ماتتعبني وتتعلم بسرعة

والله يعينا على هالمجهود الكبير ويجعل لينا فيه الأجر والثواب يارب


وتقبلي مروري

بالعكس التدريب المبكر مهم
وفي موضوع للأخت أسماء زكي الدين
وهي عندها انه ممكن من ست شهور تقرين تعودينه
والطريقة أنش تقدرين الأوقات اللي ممكن يعملها مثلاً بعد الرضعة بربع ساعة أو بعد الوجبة أو أول ما يصحى من النوم قبيتعود وبيحاول يعود عضلته انه تمسك حتى لو كان يبغي يروح لوقت اللي تودينه الحمام لأنه بيحس أنه الوضع الطبيعي انها تصير في الحمام

هلا انا ولدي علمته الحمام من عمر سنتين و3شهور وماتعبني وايد ابسرعه تعلم ...اما بنتي الثانيه الحين عمرها سنتين و3للحين ماتعرف كل قاعد وتلعوزنه