زوجى والبنات الى اياه فى الدوام..الحقوا عليه

أختـي اناااااااا ماقدرت ادخـل وماارد عليج


بس احس ماله داعي المسجات

تعرفين البدايه السلام والنـهايــه انتي تعرفين البااااقي

يعني قولي لــه ماااااااااابي لامسجات ولامكالمااااااااااات

حطي للموضوع حدود

حبيتي لا تروحي بيت اهلج ولا شي بس خلي نفسج زعلانه
منه يعني ما تدانيه طنشيه وهو اللي بيجي يعتذر إن شاءلله
بس بيني له انج متضايقة منه
وان شاءلله تطمنينا عنج

مشكورة حياتى على ردج وصح كلامج

أختى norahmed المشكلة انه من النوع الى ما يتاسف ويطنش الموضوع وعقب كم يوم يرمسنى عادى ولا كانه شى استوي ونا هذا الاسلوب كرهته لأنه يخلينى احترق كم يوم وهو ساكت

الله يعظم اجرك واجري لان انا نفس حالتك الله يهديهم ان شاءالله
بس حاولي تقولين له ترضى اني ارسل لابو الجيران ولا اي احد من جماعتك طبعا بيقول لا
قولي خلاص انا لاني اخاف من الله واحترمك مااسوي هالشغلات وانت رجائا لاتسوي معي كذا وان شاءالله مايكررها
الله يعينا

أختي لا تسيرين بيت اهلك

زوجك وضح لك الموضوع انه عن حسن نيه

والدليل انه ما مسح المسجات

هل تتوقعين ان الواحد لو يخون زوجته راح يحتفظ بالرسائل والأدله ؟

صدقيني لو هو نيته الخيانه كان راشاك من الصبح الى الليل وعوضك بالكثير علشان تنسين هالحدث !!

أختي أنا زوجي عنده 3 سكرتيرات

وكنت افكر كيف علاقته فيهم !!!!

خصتا ان صديقتي بعد ما توظفت بشركته قالت لي ان كل وحده تقول الزود عندي

وكلهم عازبات مو متزوجات مع ان ما في فرق بين العازبه والمتزوجه الي فيه بذرة الخيانه هيهات ينصلح حاله بين يوم وليلة ....

تدرين وش سويت عزمتهم بدون علمه وتعرفت عليهم ومن يومها وانا اتواصل معهم

والحمدلله اكتشفت من شخصياتهم انهم محترمات الله يستر عليهم وارتاح قلبي

وكل هذا بدون ما اسبب مشاكل بيني وبين زوجي ..

وبالعكس كم مره كان يقول لي برسل لكل الموظفين والموظفات رسائل للمناسبات ان كان للعيد او لرمضان او للمناسبات الخاصه ...

وأنا كنت اشجعه كفايه انه بين لي حسن نيته ,,,

خلي عقلك براسك واقضبي ارضك يا قلبي

والرجال ان راحت عنه زوجته غيرها بدالها يعني من قلة البنات لا والله دام الوحده لو ماتت بعيد الشر

ما تكمل شهر الا الرجال يدورون له على عروس

وش تتوقعين ان رحتي ان الخلاف بيزول وراح ينرضخ لشكوكك وأوامرك

لا يا اختي حاولي انك تفهمينه بعد ما يهدى ان انتي واثقه منه

وقولي له سبب تفتيش موبايله علشان يحس ان الثقه قائمه بينكم

وحاولي احترام خصوصيته

وذكريه بطريقه غير مباشره انه لا يمكن انه يفرط فيك ويجرح شعورك ...

وانتي بدورك كثري من الرسائل للجمعه والصباح وغيره من رسائل الحب

واطلبي منه بنهاية الرساله انه يراسلك ...بكل حب وود

اشغليه عن تواصله مع الموظفات وهو راح يحس هالتغير مو جاي من غير سبب ...

انا مع الأخت ترانيم وفقها الله

والله انا مع الاخت ترانيم بس بحاله وحده اذا زوجك هو مسؤولهم او مديرهم لكن اذا كان موظف عادي ماعتقد انه يكون بينهم ارقام وتلفونات..

صباح الورد حبيبتي
تعوذي من الشيطان الرجيم ياعمري والزمي بيتك وامسكي زوجك وخافي عليه رجال هالزمن مايعتذرون هذا طبيعي لاتحرقي دمج عليه بس حاولي تثقلين عليه شوي بس لاتقصرين معاه بشي عشان مايحس انج ماتعطينه حقه وبعدين عسوووله لازم تتحسسينه انج توثقين من نفسج لان عدم ثقتج فيه تجي من عدم ثقتج بنفسج.. الله يعنيج ياعمري

مشكوررررررررين خواتى على ردودكم الحلوه والله احس نفسيتى ارتاحته شوى ..جزام الله ألف خير

هلا أختي ... أختي أنا ضد المره إلي تهد بيتها وتروح بيت أهالها وتكبر السالفه اكبر .. حبيبتي صج هو فيها حرة قلب وأحساس فضيع ... دام انه تقولين مستحيل اجيج ويعتذر قعدي معاه وواجهيه وخليه ايعرف انه هالشي ايضايقج ولا تسكتين عنه .. بس لادخلين هلج في الموضوع .. ترى الوحده منه ممكن اتسامح ريلها وترجع عادي بس الأهل ماينسون بيتمون شايلين في قلبهم.. فعشان جذيه انصحج حبيبتي واجهي زوجج احسن ..

ههههههه والله نفس سالفتي بس مب مسجات عن الجمعه ولا الصباح..

ما ادري البنت كانت مطرشه مسج تساله سؤال بس انا ما خليتها قطعتها ههههههههههههههه ريلي عصب لانه افتشل

بس قلتله مثل ما انت ما ترضى حتى انا ما ارضى...

انا وانتي من الامارات ونعرف كيف البنات فا ما في داعي هم يطرشوووله وهوو يطرشلهم حتى لو كان ما في شي من بينهم..

الشي الي ما يرضاه عليج لا يرضاه على عمره..

انا وحده بذبحهم والله يخسوون إلا هم..هلي ناقص..

بس ما في داعي تسيرن بيت اهلج تفاهمي قوليله انا اداوم في مكان فيه رريايل اذا انت تشوف عادي البنات يطرشولكم مسجات اانا بعد بخلي هالموضوع عادي عندي وبحسن نيه مثل ما انت واثق مني انا واثقه منك ما في داعي امرور ما ترزا تخرب حياتنا

انا مع الاخت ترانيم 100 %

حبيبتي مافي داعي تكبرين الموظوع لهذي الدرجه بس فهميه أن علاقة العمل لها حدود في الدوام و بس و لازم تكون علاقه بكل احترام من غير مصخره و سوالف مالها داعي..انا موظفه و معاي شباب متزوجين في الدوام واشوف علاقتهم مع البنات كلها احترام و مافي كلام مصخره..بس فهميه أنج ما تبين تكون العلاقه من غير حدود يعني مب لازم يطرشون مسجات على تلفونه الخاص

مشكورين على ردودكم ..وأبشركم اتراضينى.طرشتله مسج اذا ما نهى الموضوع بسير بيت اهلى ..فقالى شو تبغين اسوى.. قلتله ما ابغيك اطرشلهن مسجات ويوم يطرشن اتراوينى مسجاتهن ومتى ما ابغى اشوف تلفونك وافق.وهيه وقلتله بعد مب مسامحتنك الين يوم الدين اذا سويت الى قلتلك عنه .. علشان ارتاح نفسيا.. واليوم بعزمه على العشا لأني البارحة رقدت من دون عشا.ههههههههههه وحليله بس على شان يعرفون قيمتنا وانهم مايسون شى بدونا

تضايجي منه ولا تعبرينه واااااااااااااااايد وشوفي شو بيسوي معاج .... وان كلمج لا تردين عليه وان صارخ قوليله ما سمعت وانشغلي عنه .. لي ما يحس واييج ويعرف غلطته ....

صدق والله الرياييل ما منهم امااااااااااااااااااااان

علشان كذا ديننا الحنيف ينهانا عن الاختلاط بين الجنسين بل ويحرم ذلك

اختي انصيحه واكثري من النصح له والدعاء وسمعيه ادلة من كتاب الله وسنة نبيه تحذر من الاختلاط بالنساء وعظم الفتنة بهن ,,,,,,,,,,,,,لعل الله يهديه

تـــــــــــــــترانيم كفت و وفت و انا كنت بقووول مثلهاا بس اهياا ماشالله ماقصرت .. و نصيحة لاتدخلين الاهل بشؤوونكم و مشاكلكم