مشكلتي مع بنتي الله يخليكم ساعدوووووني

هلا فيك أختي ألطاف ومبروك عليك الحمل ربي يطلك بالسلامة ويهون عليك ..

شوفي الغالية المرحلة اللي يالسة بنتك تمر فيها أعتقد إنها طبيعية بالذات هالسن ، في الأول شوفي يمكن البنية تعاني من شي لا سمح الله بالذات إن هالحركة صارت وياها مؤخرا ..

وبالنسبة للوضع اللي إنتي فيه حبيبتي محد أحس وأدرى من عياله غير الأم نفسها ، وهاي ضريبة العمل شو نسوي كلنا في الهوا سوا .. يعني الواحد فعلا يحس بتذمر وبغصة إنه يترك عياله عند ناس حتى لو هم أقرب الناس له ، والأطفال هنا نوعين إما يتعودا عليهم بحيث إنهم يطنشون الأم أو العكس ..

واللي تمري فيه من ضيقة هم شي طبيعي يعني والله الوحدة ما بودها تسمع كلام شين عن عيالها بس ما باليد حيلة إنتي مجبورة على هذا الوضع .. أنصحك تناقشي الأهل بروية وطيب وسعة صدر عن الموضوع بس بشرط ما تحسسيهم إن الذنب ذنبهم ، تقدري تجيبي الموضوع بسياسة على قولتهم بدون تجريح .. شوفي شو أساس المشكلة بشطارتك وإبحثي أكثر في الأسباب اللي منكد البنت يمكن يكون فعلا قلة الإهتمام أو العكس لأن زود الإهتمام بشكل مفرط يخليهم متدلعين ويصيحوا لأتفه الأسباب ..

المهم أحب أطمنك إن بنتك مو حالة خاصة أبدا ، فيه وايد أطفال هالنوع أهم شي تتطمني عليها صحيا وتجاهدي بروحك في الموضوع وبدون ما تلفتين النظر لك ..

عسى خير يالغالية وإستغفري ربك دايما وإحتسبي أمرك إله وهو قادر على كل شي

الله يحفظها لك يا رب ويطمنك عليها أكثر

والله وانتين تتكلمين كانش مرة حمييي ههههههه

بنتها نفس بنتش بالضبببببببببببببببببببط يا الغاليه واهي من كثر ماتقول تفشلها قدام الناس تضربها

بس الضرب يزيد مايفيد

والجهال تجيهم فتره ضيق ودلاعه فلا تضايقين نفسش خيوو

هلا اختي مبروك عليكي الحمل وربي يقومك بالسلامه
اختي لا تحاتي هذي حاله طبيعيه ............اختي لما احملت بالحمل الثاني بنتها صارت مثل بنتك كله تصيح وتحن لدرجة الكل صار يتضايق منها وحتى الاطفال صاروا يخافوا منها لانا صارت تضربهم وتصيح وكل شي مالها وما ترضى تشاركهم في اللعب بس الحمد لله الحين تغيرت بعد الولاده وصارت تحب اخوها كثير ............لذلك هيا فتره وتعدي ان شاء الله

هذي فترة وتعدي لاتحاتين هي الحين في عمر يسمح لها بفهم اللي يدور حوالينها وهي يمكن حاطة في بالها

انك حامل وانك يمكن ماراح تهتمين فيها مثل اول

نصيحتي لك وعن تجربة قربيها منك اكثر وخصوصا قربيها من اللي في بطنك دوم تكلمي معاها عنه وانتي سايسيها اعملي نفسك تتكلمين عن الجنين انه يحبها وكذا واذا جيتي تجهزين اخذي رايها وخليها تساعدك

ألغ مبروك عالحمل الله يهن عليك

أتفق مع الأخت أم عبادي تصرفات بنتك نتيجة تفكيرها بالطفل الجديد وحنا الأمهات عن

طريق الخطاء نبغي نحببهم في المولود الجديد والنتيجه تصير العكس يحس الطفل أن


القادم مهم ومن أهتمام الأم به دائما تتكلم عنه وتوصي عليه ولوجا الطفل جنب بطن أمه

صرخت وخر في بيبي لاتطيح علي ،ولوقال شيليني نفس الشيء أنا تعبانه في بيبي

ويسمع الأقارب تركيه لاتشيلينه كبر وهو يسمع فتكون ردة فعله بهذا السلوك المفاجيء

بعد ماكانت الأم له لوحده أذا كان أول طفل،أويكون في أطفال آخرين ويكون أصغرهم

محط الأهتمام والدلال

مريت بالتجربه وولدي عمره ضعف عمر بنتك وأنقلب حاله في البدايه كان ملهوف عالبيبي

وبعدين تغيرت الأحوال

أختي حامل بالطفل الثاني وعلى وشك ولاده الله يقومها بالسلامه ولدها كبر بنتك وحالها

من حالك

بنتك تمر في مرحله طبيعيه وبالنسبه لأهلك حاولي أنك تخليهم يتفهمون الوضع أكيد مروا

فيه وصدقيني بنتك غاليه عندهم ،عيال أختك معهم على طول تعودوا عليهم وعرفو طبعهم

وبنتك عشان متذمره مثل ما نقول متسببه يمكن صايره نحيسه عشان كذا ما في توافق

بينهم

الله يهديها ويصلح حالها

شوفي يالغاليه .........السبب أنتين مو أحد غيرش و اسمحي لييي.....

لما حملتين بالبيبي الثاني زاد أهتمامش ببنتش زيادة عن اللزوم و هني أفسدتين بنتش(y) لأنها تريد نفس معاملتش اليها من الكل و الأجمع .....و في بيت أبوش عند أمش ما تحصل مثل الليي تحصله منش(y) هني تفزع المكان صياح علشان تجذبهم صوبها و يهتمون فيها أكثر(y)

و اسمحي الييي:o

سلام يا جماعه اشكر كل الي رد علي بهاي الردود الحلوه
والله كلامكم كلكم على راسي وعجبني وطمني بنفس الوقت الله يطمن قلوبكم وانا اقرأ احس كل وحده تريح اعصابي حمدت ربي اني طرحت الموضوع عشان اسمع ارائكم الحلوه ما قصرتوا والله يعطيكم العافية كلكم