السلام عليكم ورحمة الله وبركاته
شخباركم يا عرايس اني قررت اني افطم ولدي بالتدريج من الحين لانه ما باقي ليه شي ويكمل سنتين تقرييا 10 ايام بس والبارحة قمت حطيت في صدري روج احمر لما شافه خاف وقال انه دم بس المشكلة بليل عند النوم يقعد يصيح عشان يبغي يرضع ولما قلت ليه فيه دم قام يصيح زيادة ولا رجع في النوم ولا خلاني انام وياه والله احترت وش اسوي معاه
ثاني شي ابغي اسألكم عند الفطام يقولون ان الصدر يتنفخ ويألم كم من يوم يستمر هذا الشيئ هل في حبوب من الصيدلية يخفف الانتفاخ وتجمع الحليب الرجاء أفادتي من اللي عندها خبرة
وكل وحدة تكتب تجربتها عن الفطام
والله يعطيكم العافية
كل وحدة تدخل وتقول تجربتها مع الفطام
ك
10-03-2008 | 01:27 PM
س
10-03-2008 | 02:35 PM
السلااام عليكم
اني بنتي بعدها صغيرة
بس من خبرت امهاتنا كانو يروحون العطاار وياخدوون شي اسمة مرة وينقعدونها في ماي بعدين يمسحون المنطقة
او شي ثاني ملح وينقعونها وية ماي بعدين نفس الطريقة
واذا جا الطفل يشرب يحس بلمداق تغير فيتركة مااايطيقة
ان شاء الله افدتش
وهذا الي اسمعه من امهاتنا
اني بنتي بعدها صغيرة
بس من خبرت امهاتنا كانو يروحون العطاار وياخدوون شي اسمة مرة وينقعدونها في ماي بعدين يمسحون المنطقة
او شي ثاني ملح وينقعونها وية ماي بعدين نفس الطريقة
واذا جا الطفل يشرب يحس بلمداق تغير فيتركة مااايطيقة
ان شاء الله افدتش
وهذا الي اسمعه من امهاتنا
D
10-03-2008 | 03:30 PM
و عليكم السلام ورحمة الله و بركاته...
أنا فطمت و لدي من شهرين تقريباً، و لما جيت أفطمه شاورت أمي بالطريقة اللي ممكن تنفع معاه...
قالت لي أجرب المرة، بس ما سويتها لأنه أحس حرام أذوقه مرارتها...
بس قالت لي طريقة ثانية، و هي إني أحط بينت بتر (زبدة الفول السوداني) على صدري... في البداية ترددت، بس لما جربتها فعلاً نفعت... كل ما طلب يرضع، حطيت البينت بتر على صدري و أقوله وع...
و يقعد مسكين يطالع مستغرب و متقرف، و بعدها خلاص صد عنه...
و حاولي تعودين ولدج يشرب بالكوب، عشان حتى لو قام بالليل، تعطينه ماي أو كوب حليب دافي، و عموماً بس في البداية بتتعبين معاه، و بعدين بيصير نومه متواصل إن شاء الله...
بالنسبة للإنتفاخ والتورم... طبعاً بتحسين بنفس اليوم إن صدرج منتفخ، و ثاني يوم بيتحجر... طبعاً الألم كان فضيع حتى النوم كان صعب...
رحت للدكتورة و سألتها إذا في شي يخفف الحليب أو الألم، قالت فيه بس ما أنصحج... و قالت لي أسوي كمادات دافية...
و حذرتني إني أعصر صدري، لأن الوالدة قالت لي و إنتي تتروشين حطي ماي حار و أعصري عشان يطلع الحليب، و لما سألت الدكتورة، قالت بالعكس، كل ما عصرتي ترجع الغدد تفرز الحليب مرة ثانية مثل الرضاعة تسوي تحفيز لغدد الحليب... فأحسن شي تتركينه و تستمرين على الكمادات...
و تقريباً خف الألم بعد 5 أيام و رجع كل شي طبيعي...
و الله يوفقج حبيبتي :)
أنا فطمت و لدي من شهرين تقريباً، و لما جيت أفطمه شاورت أمي بالطريقة اللي ممكن تنفع معاه...
قالت لي أجرب المرة، بس ما سويتها لأنه أحس حرام أذوقه مرارتها...
بس قالت لي طريقة ثانية، و هي إني أحط بينت بتر (زبدة الفول السوداني) على صدري... في البداية ترددت، بس لما جربتها فعلاً نفعت... كل ما طلب يرضع، حطيت البينت بتر على صدري و أقوله وع...
و يقعد مسكين يطالع مستغرب و متقرف، و بعدها خلاص صد عنه...
و حاولي تعودين ولدج يشرب بالكوب، عشان حتى لو قام بالليل، تعطينه ماي أو كوب حليب دافي، و عموماً بس في البداية بتتعبين معاه، و بعدين بيصير نومه متواصل إن شاء الله...
بالنسبة للإنتفاخ والتورم... طبعاً بتحسين بنفس اليوم إن صدرج منتفخ، و ثاني يوم بيتحجر... طبعاً الألم كان فضيع حتى النوم كان صعب...
رحت للدكتورة و سألتها إذا في شي يخفف الحليب أو الألم، قالت فيه بس ما أنصحج... و قالت لي أسوي كمادات دافية...
و حذرتني إني أعصر صدري، لأن الوالدة قالت لي و إنتي تتروشين حطي ماي حار و أعصري عشان يطلع الحليب، و لما سألت الدكتورة، قالت بالعكس، كل ما عصرتي ترجع الغدد تفرز الحليب مرة ثانية مثل الرضاعة تسوي تحفيز لغدد الحليب... فأحسن شي تتركينه و تستمرين على الكمادات...
و تقريباً خف الألم بعد 5 أيام و رجع كل شي طبيعي...
و الله يوفقج حبيبتي :)