مرجع لتسجيل حالاتنا الصحية خلال الحمل..

ع

عيون بوظبي

مشرفة سابقة

09-03-2008 | 09:23 PM

السلام عليكم ياحوامل ويا كروشات ..

شحالكم؟؟ تمنياتي لكم بحمل سليم وولادة سهله ميسرة ان شالله .. ويرزق خواتي الي ماحملوا للحين ...

موضوعي اليوم بيكون مرجع لخواتي الحوامل للمرة الثانية او لأكثر من مرة .. اما خواتي الحوامل لأول مرة بيكون بس للإطلاع والافادة ..
الاستفادة من الموضوع بتكون للجميع .. خلوني اشرح لكم كيف ..

يعني انا لو سجلت الي اتذكره في حملي السابق هني .. بقدر اتذكر اذا نفس الاعراض او الاحاسيس واجهتني الحين او لا .. او بتواجهني في المستقبل او لا .. بحيث اني ما انسى الي صار .. وما استغرب من اي شي يصير لي ..

وبيكون انه باقي الحوامل لو صار لهم شي غريب ما يعرفونه .. ممكن يحصلون اي وحدة صار لها هالشي قبل ومدى خطورته او بساطته ان شالله تكونون فهمتوا علي :21_214:وهالشي ماله خص بنوع الجنين من حيث تشابه الاعراض .. هو مجرد تسجيل لحالاتنا..

وعندي شروط ..

* تسجيل كل حالة يعني الحمل القديم بلون بنفسجي .. والحمل الجديد بلون زهري.. عشان ماحد يخربط.. اتفقنا؟؟

* التسجيل يكون بكتابه واضحه وتبين انها على شكل نقاط لتسهل القراءة .. مش سطور ورا بعض .. اوكي ؟؟

يالله بسم الله

خلوني ابدأ بنفسي في اللي اتذكره في حملي السابق ..

1- وحام اصعب.. ترجيع .. لوعة.. تعب..

2- حموضة اكثر من اول الحمل لين نهايته..ادمنت فيها على الخيار والروب البارد عشان اهدي الحموضة والحرقان ..

3- كرش اصغر ما بينت الا في الشهور الاخيرة .. :21_207:

4- زياراتي للمستشفيات اكثر .. لخوفي من كل شي ممكن احسه غريب..

5- الآم المفاصل والظهر والريول ابتدت من الثامن ..

6- وزني زاد 20 كيلو حتى نهاية الحمل :21_133:

وهذا الي اتذكره للحين ..

اما حملي هذا من حيث الاختلافات والتشابهات..

1- وحام اقل .. لوعة اخف .. ترجيع بس الصبح..وفيما ندر في الاوقات العادية..

2- الحموضة والحرقان اخف و ابتدت من الشهر الخامس تقريباً .. وخففتها حبوب اسمها زنتاك..الحمدلله

3- كرشي ماشالله بينت بسرعة واكبر عن المرة الي طافت (احساسي جي يقول)

4- زياراتي اقل للمستشفيات الحمدلله.. بسبب توسع معرفتي وخبرتي .. :sm240:

5- آلام الظهر والحوض ابتدت من السادس :cry: وشد الريول الي اقوم اصيح في الليل ابتدا من الحين ..ويحليلي ولا احصل حد يفك لي ريولي ...

6- وزني شكله بيوصل نفس حملي الاولاني .. لأني للحين زايدة 10 كيلو والله اعلم شكلي بوصل 10 زيادة :21_92:

وسلامتكم للحين هذا الي في بالي .. وفي انتظار تسجيل حالاتكم الصحية خلال الحمل هههههههه ..

ه

هملووله بنت صوغان

مشرفة سابقة

09-03-2008 | 11:38 PM

تسلمين اختي عيون بوظبي على الطرح المسلي ,,والفكره حلوه وبتفيد البنات بذات الامهات اليدد

والله يخفف عليكن انشالله وتقومن بالسلامه

ا

انتظـــــااااار

عروس ماسية

09-03-2008 | 11:55 PM

1- وحام خفيف

2- الحموضه والحرقان على طول مبهذلتني

3-بطني كبير ا من البدايه حس بثقل

4-زياراتي للمستشفى في اوقاتها

5-تشنج الرجول من اول حملي بسبة نقص الكالسيووم

6-وززني طااق مررره

=========================

1-نفس الشي

2-حموضه وحرقان نفس الشي علشان كذا قطعت العشاء في حمللي الاخيير

3-نفس الشي

4-زيارات اكثر وسونار اكثر موسووسه هالمرره

5-اقل تشنج عشان مااخذه كالسيوم قبل بسبب المفاصل

6- ووووووووووزني ركد شووي عقب ماخليت العشاء ليلا00 افضل

*

**روحي فداك**

عروس مشرقة

10-03-2008 | 12:06 AM

اما خواتي الحوامل لأول مرة بيكون بس للإطلاع والافادة .. :wink:

س

سلومي

عروس نشيطة

10-03-2008 | 01:36 AM

[

SIZE="4"]1- وحام صعب جدا و ترجيع .. لوعة.. تعب.. وكهرت ريحة البيت حتي الصابون كرهت ريحته

2- حموضة ابتدت تظهر من الشهر الخامس وكنت بستعمل دو شرب يشبه اللبن بس مش متذكره اسمه.
3- كرش متوسط لغاية الخامس من بعد الخامس كبر الكرش جدا

4- زياراتي زيارتي للدكتور كتيير جدا مرتين في الشهر وكل مره بعمكل سونار علشان اطمن لاني كنت قلقة جدا

5- الآم المفاصل والظهر والريول ابتدت من الثامن ..

6- وزني زاد 20 كيلو حتى نهاية الحمل [/SIZE]
انا دلوقتي مستنيه ميعاد الدوره علشان ممكن اكون حامل الشهر دا ادعولي اكون حامل

.

.. أمــ عــلــيــ ..

عروس ماسية

10-03-2008 | 02:22 AM

مشالله موضوع حلـــو :) .. اول حمل لي يعني ( نيو ) :)
ابقول الأشياء اللي انا سويتها واحس انها مهمه واستفدت منها كثير :
1 - الوحام كان شديد شوي .. كرهت اشياء كثيره وتمنيت اشياء كثيره وغريبه وما ارتاح الا اذا حصلتها
2 - تعبت من الأملاح في البول وراجعت الدكتوره وقالت لي اكثر من شرب الماء يعني تقريبا كل ساعه اشرب كاس .. واتحمل كثر الروحات للحمام :) ...
3 - سويت تحاليل دم عشان يشوفون الحديد والكالسيوم عندي وصارت كلها ناقصه وصرفوا لي حبوب :( ... بس طبعا ً مع الحرص ع الأشياء الطبيعيه :( ...
4 - احرص اني كل اسبوعين او ثلاثه اسوي سونار عشان يتأكدون من وضع الجنين وكمية الماء اللي حوله وحركته هل هي طبيعيه ولا لا ....
5 - تجيني آلام بالظهر وبالحوض خاصة اذا كنت نايمه على اي من الجنبين ... وقريت انه بمثل هالحاله انسدح ع الجنب اللي ابغاه واحط مخده بين الركبتين <<< جربوها والله مريحه تحسين ان آلام الحوض والظهر تبدأ تخف بالتدريج ....

انا الحين توي بالشهر السابع ... واذا ولدت اكمل الرد واكتب تجربتي ههههههههههههه ...
ادعووولي بتسهيل الولاده والله اني خايفه الى درجة اني احلم بالولاده دايم واقوم من النوم وانا مصدعه وتعبانه :( :(

ع

عيون بوظبي

مشرفة سابقة

10-03-2008 | 06:33 PM

السلام عليكم ..

ماشالله عليكم .. تجارب حلوة واستفادة للجميع ..

وفي انتظار باقي الحوامل ماظني خلصوا ...

والله يقومنا بالسلامة ان شالله ..

ن

نجمة فجر

عروس رائعة

10-03-2008 | 08:26 PM

والله كل حملي استغفر الله تعب في تعب الحمد لله رب العالمين

ا

ام نيلا

مشرفة سابقة

11-03-2008 | 07:09 AM

يارب ترزقني مرة ثانية

عشان اخبركم بتفاصيل المملة

والله يسهل عليكن يارب

ف

فلونة فلونة

عروس مبدعة

11-03-2008 | 07:44 AM

صباح الخير اختي ....

يسلمو وبنستفيد من خبراتكم ..... ونحن اول حمل ونتفرج عليكم الله يعينكم ويعينا ....

بس احي اعراض صاحبة الموضوع المرة الثانية في حملها تشبه اعراضي ... مع زيادة تشنج في ريولي والام الظهر والله اقوم في الليل اصيح من الام ريولي واحط ويادة ما بينهم احس براحة كثير .... في البداية تبهدلت قمت القى الوسادة تحت عدال السرير وريلي يرجعلي اياها فوق خخخخخخخخخخخخخخ تعبته وياي بس الحين خلاص تعودت ....

ربي يسهل علينا جميع يارب ....

ف

فجري العميق

عروس برونزية

11-03-2008 | 07:52 AM

سلمت يدااااك وما ابدعتة يمينك .......

عن نفسي في حملي الاول ,,,
الوحام شديد من قبل ما اعرف اني حاااااااااامل وانا احس بلوعة وغثيان
وترجيع ودورااان براسي وصداااااااع

الحموضة بدت على من الشهر السابع والام مفاصلي وشد العضلات

والكرش بدات من الخامس وما فوق,,,

زياراتي لدكتورة اول باول لان كل شي يخوفني

وتغير لون البشرة وحجم انفي وشفايفي الله لا يوريكم من الشهر الرابع
تورم في اصابع يديني ورجولي في الشهر الثامن

زاد وزني 15 كيلو<<<<<<<<<<<<<<<<<<<<<<<<<<<<<<<<<<<<<<<<<<<<<<,

اما حملي الثاني ,,,,,,,,,,,,
وحااااااااام وترجيع خفيف بس في الشهر الاول والدوران والصداع اخف بكثير

الحموضة في الشهر السبع

والكرش من الرابع الام بمفاصلي وشد العضلات اخف بكثير

ما تغير لوني ولا كبرت انفي وشفايفي الا شي بسيط في اخر شهر

زياراتي منتظمة لاني وسواسية........ زاد وزني عشرة كيلو بسسسسسسسسس

i

inte_o_ana

عروس فضية

11-03-2008 | 08:46 AM

للاطلاع والفايده ..

مشكوره فديتج على طرح الموضوع ..

T

Tosi

عروس مشاركة

11-03-2008 | 09:25 AM

[/[COLOR="Purple"]COLORاول حمل:
1) الحمدللة ما كان عندي لا تقيأ او غثيان
2) حرقة المعدة والحموضة بدأت في الشهر الثامن
3) الالام الظهر والمفاصل في الشهور الاخيرة
4) طبعا انا كان يصير عندي تقلصات شديدة في الشهر الرابع نتيجة لاني كنت سقطت قبل هذا الحمل فالدكتورة اعطتني حبوب تثبيت وكمان كنت اشرب بيبي اسبرين طوال الحمل حتى الشهر السابع لمنع حدوث تجلطات
5)انا ما زدت غير عشرة كيلو فقط وبطني كانت صغيرة حتى الشهر السابع
6) زيارتي للدكتورة كانت مره بالشهر حتى الشهر الثامن كانت مرتين بالشهر وكنت اعمل سونار عشان اطمئن على البيبي
7) تغير لون البشرة صار في بطني ورقبتي صارت سوووووووووووووووووووووداء :confused:

الان انا مش حامل بس اخطط للحمل انشاء الله بعد سنه من الان

ع

عيون بوظبي

مشرفة سابقة

11-03-2008 | 04:38 PM

ماشالله .. مرجع حلو للمستقبل ..

تسلمون على المشاركة والافادة ..

واشكر خواتي الي اتطلعوا على الموضوع .. والله يسهل علينا ان شالله ..

سبحان الله اغلب الاعراض متشابهه مع اختلافات بسيطة ....

يظهر انه كل الحريم في حملهم الثاني ما يزيدون نفس زيادة الوزن في الحمل الاولي .. اللا انا :( شكلي بعيدها مرة ثانية

ع

عيون النجلاء

عروس متألقة

11-03-2008 | 05:01 PM

الحمدلله ع كل حال بس هدا اول حمل لي والله يتتم علينا جميعا