قصيدة تعور سويداء القلب

توتة((أم حمودي)) 09-03-2008 10 رد 1,528 مشاهدة
ت
الله يكون في عون المعرس !!

تخيلووووووو في وسط الحضور يدخل واحد ويقول قصيدة في العروسة للمعرس شنو بيكون ردة فعلــــــــهــ؟؟

أبد ما جيت أبــــارك لك ولكن جيت باوصيك

على الله ناوي(ن) تدخــل بها اللـــيله ... معذبتي

ترى لولا الظروف اللي عطّـتك وحدّت محاكيك

قســـم بالله مـــا تدخل عليــــها لو على رقبتي

ولكن النصيب أقوى ولاادري ويش اسوي فيك

نعــم...صــارت معزبتك,, ولا صــارت معزبتي

كذا شـاءت بنا الأقـــــدار تحرمني لجل تعطيك

كذا لازم عشــــان تفوز انت,,أنا اخـسر بتجربتي

تراها غاليــــة جدا..وتكفى.. والله يخلـــــيــــك

تدللــــــــها..تدلعــــــــها ..تنسّــــيها مصاحبتي

أنا من كثر مااغليها أحس اني بديت أغلـيك

ولاتسـأل بأيـة حـق والا وش مناســــــبتي

لأنك لو بتسألـني بتسمـع شي مـــــــا يرضيك

لذا يا خــــــوي لا تسأل ولا تسمـع لأجوبتي

أبيك تحطها في داخل عـيونك وبين ايـديـك

وهي دلوعة إعتــــــــادت على كثرة مداعبتي

فداعبـها شوي شوي حـتى تشتهي طاريك

وشاغبها إلـــــــــيـن تقول: بـطّــل من مشاغبتي

واذا هي مالها خلقك,,ولا تضحك ولا تسليك

تحمّلــها وإسألـها :ياعمـــــري ليـــه عصّبـتي

وبالك أسمع انك يوم تضربهــا وهي تشكيك

ما يحتــاج أوري لك بفن الضـــرب موهبتي

صحيح انك بتملكـــها ومعك العقــد بالتمليـــك

وانا عــــارف حدود الله ومن حــقـــك معاقبتي

ولكن قل لها : المجنون وصّـــاني وهو يعنيك

يقــــــول انه بيــنــتظـرك لوشـيّـب وشـيّــــبتي

وانا مجنونها اللي مـا نساهــــــا وانت مايمديك

تغــطي ذكريـــــاتي.. في هواهــــا و ربع تجربتي

أحس اني تماديت بكلامي,, والغضب حـــاديــك

ولو انك في مــكاني ما تفكر في محــــــاسبتي

كفاك اني تركت الليــــله أشغالي عشان أجيك

دخلت القاعة برجلي ولا أدري ويش عاقبتي

وانا ما جيت أخرّب عرسك الليله ولا أذّيـــك

أنا جيتك عشــان أخاطـبك واسمع مخـــاطبتي

توصّــــى ... وانتبه.. واحرص عليها والله يهنيك

ترى كل الكلام اللي طلع من ضيقي وكبـــتـــي

ولكن ما قدرت اني أقوله وانت مايخفـــــيك

أخـــــاف اني اذا قلته تقوم وتقطـــع رقبــتي


ايييييييييييييييييييييييييييييييه صح السانه
ت
يؤيؤ معقوله بيكون حبيبها الاول ؟؟؟
لول كلمات بسيطه لقلت انه ابوها

خخخ تذكرت قصيدة ابوي فيني يوم زواجي000
&
ااااااااااااااااااااااااااااااااااااااااااااااااااااااااااااااااااااااااااااااااااااااااااااااااايه

صح لسانه لكن الله يعين العروس على هالليله واحده من

الثنتين يا طلاق ياااااااااااااااااااااااااااااااااااااطق
ع
ما أقول إلا قطع الله لسانه00 وأعانه على نفسه00
لو كان يحبها حبا حقيقيا لما رضي بفضيحتها أمام زوجها وأمام الناس00
وستر عليها وعلى نفسه00 ولم يجهر بما يعرفه من سلوكها وأيامه معها00 شوفي كلامه(تنسيها مصاحبتي)!!
يقول رسولنا الكريم (كل أمتي معافى إلا المجاهرين)00
تسلمين أم حمودي00
ل
يسلموووووووووووووو
القصيدة رووووووووعه الله يعطيك العافيه.
ت
تسبيحات ابوج قايل فيج شعر وما حطيتيه بالمنتدى يالله ورينا القصيدةانا اتوقع القصيدة تقول خذها امانة يا حفيظ الامانات تراها لوعت جبدي من دلعها والطلبااات خخخخخخ اتغشمر معاج

اي والله يا طالق يا طق الله يعينه والله

عادي الله يسلمج ويخليج اي والله بايعها
لىلء الكون الله يعافيك ويخليك امبية طالعو اشلون كاتبة للآلء واي امبيه
ت
توته ههه اوريك (لوعت جبدي من دلعها والطلبااات ) لا والله مالوعت كبده ولاشي قصيده عن فراق وانتقالي لبيت اخر خخخخ والله
N
مشكوره
ع
هذا مو حبيبها

هذا طليقها

متحسف عليها و يحبها
ا
اهو يبيها تتطلق عشان يتزوجها
م
انا مع كلاام اختي عادي لو كان صج يحبهاا مافضحهاا جدام خلق الله وجدام ريلهااا

الله يستر على الجميــع

يسلموو تــــوته
X