ممكن استشاره

السلام عليكم ورحمه الله وبركاته ...
خواتى العزيزات عندى مشكله متعبتنى ومرهقتنى وبطرحها عليكم وياريت تفيدونى ....
انا متزوجه وعندى ولد عمره سنه وشهور وعايشه مع اهل زوجى بدت المشكله ان ام زوجى بدت تتضايق من ابنى لانه بدا يكبر ويمشى ويخرب عليها وللعلم اهيا حاطه قانون بالبيت انها تمنع الخادمه مافى خادمه تدخل البيت فانا احترمت قوانينها لكن بلشت المشكله الفعليه من اشهر انها بدت تبين انها متضايقه فعلا وبدت تلمح لى ان الافضل ان نطلع بشقه عشان نرتاح ونستقل على حسب كلامها وبدت تزيد المشاكل الا ان يا يوم قبل جم اسبوع وللاسف صرخت على وهبت فينى وقالت لى كلام جدا جارح للاسف ان ولدى اذاها وانها تمنت ان عيالها يكبرون عشان ترتاح والحين هذا مأذيها انا انصدمت وبجيت عند زوجى وشكيت لكنه هدانى وقال ماعليه اهيا مره كبيره ومن هالحجى والغريب ان اهيا اللى زعلت ادش ما تكلمنى واطلع ما تكلمنى عقب جم يوم دقت على تلفون وتوقعت انها تبى تراضينى او تصلح الوضع لكنى تفاجات انها قالت لى كلام اكبر من اللى قبله قالت انى ما ادرى عن ابنى وانى اقطه عليها وامشى وانى ما ابيهم وما احبهم وان كل الناس لما يسألونها عنى تقولهم انها مو زينه معانا ؟؟؟؟ وقالت الكثير الكثير الله يسامحها وقالت لو ابى جان بدقيقه وحده وبكلمه وحده منى حق ولدى اللى اهو زوجى اسوى اللى ابيه .؟؟؟ شنو قصدها بالحجى هذا الله العالم ...... انا انقهرت وصعدت غرفتى ابجى مع انى تحت كلمتها بكل ادب وقلت لها ما صار شى وحبيت راسها وصعدت لكنى من داخل حسيت انى مظلومه لانى والله وما امدح بنفسى ما شافوا منى الا الخير اطلع اسلم وادخل اسلم واوجب وما اقصر بشى مالى صوت ومحافظه على بيتى وعلى ولدى واساسا انا مو قاعده اخليه عندها الا نادر والاغلبيه يكون عند امى ... ولما رجع زوجى قلت له على اللى صار واصريت ان خلاص لازم نستقل ونطلع بروحنا وهذا الافضل للطرفين .... والمشكله الحين بزوجى معارض وما يبى يطلع من البيت بحجه انه ما يقدر على الاجار وانه الحياه بره بيت الاهل صعبه وكلام وايد بس انا ما ابى اقعد عندهم ولا ابى اكبر المشكله واقول لأهلى ,,,, مانى عارفه ومحتاره احس انى قاعده انظلم ياربى ادعيله ان الله يهديه بس ما ادرى انا مو عارفه شلون اتصرف اخاف اسكت ما يعطينى حقى ولا يطلعنى ... انا ابى اطلع واستقل بمكان بروحى افضل لى وافضل للكل وعشان ما تزيد بينا المشاكل انا عارفه ان اهو محتار بس الاولى انه ينقذنى لانى مظلومه .....وبس باختصار هذى مشكلتى وياريت تشورون على يابنات الله يجزاكم الخير يارب