زوجي بليد

حبيبتي حاولي تفهميه شوي شوي تقولين مثلا حبيبي لازم تجي علي ميعادك اليوم في شي كذي وكذي ولازم علي موعدك واصبري عليه وادعي ربك وتعاملي معاه شوي شوي حسسيسه بإنه مهم ومواعيدكم مهمة والله يوفقكم يارب وييسر اموركم

مايصير بالعصبية كلمييه بهدوووء و صارحيه بكل شي يضايقج و انشالله يتقبل منج .. و الله بوفقج معاه يالغالية

كل شي بالهدوء ينحل

أختي حوريه البحر اسمحيلي في الكلام

و انا و الله قصدي المصلحه

اختي مو عدله حرمة تقول على زوجها بليد

و في حديث شريف انا مو حافظته بس معناه انه المره لازم تشكر لزوجها و إذا ما شكرت لزوجها ما تشكر الله
اكيد كل رجل فيه عيوب ما في وحده زوجها ما فيه عيوب

حطي ايجابيات زوجك على ورقه و قارنيها بسلبياته
اتذكري انه كريم و غيرك من الحريم ازواجهم ما يعطوهم فلس و كله تصرف من راتبها
اتذكري انه يحترمك و غيره من الرجال ما يحترم لا زوجتهو لا اهلها
و اتذكري انه يسمحلك بزياره أهلك و غيره ما يخليها تروح لأهلها إلا رجلها على رجله و كله عند اهله
اتذكري و اتذكري و اتذكري

يا اختي انا بعد اعرف انه لما الوحده تعصب من زوجها تقول كلم هي مو قاصدته

اسمحيلي

و بالنسبه لموضوع هدوء الأعصاب الزياده عن اللزوم انتي ادرى بزوجك إذا هالطبع ممكن يتغير حاولي و بهدوء و لطف و إذا ما يتغير كيفي حياتك على هالطبع و اتذكري باقي حسناته

او اتفاهمي معه على صيغه ترضي الطرفين

الله يهدينا جميعا

التفاهم يصلح الامور

وانتي اجلسي معه واخبريه ان التصرف مايعجبك

انا بتهيقلى ان الرجاله اطفال كبار
فعادى كويس انو مفهوش عيب اكبر من ده
مين فينا مفهوش عيوب

ارخي الحبل شوي علشان تمشي الحياه ترى الدنيا ما تسوى هالتعب كله وحرقة الدم

صيري مثله علشان ترتاحين

تحياتي

الله يساعدك خيو بس حاولي معاه كله بالهدوء ،، وحاولي بعد إذا عندها اهو حركه ما يحبها انك تسوينها وبعدين إذا اتضايق ،،، صارحيه وقولي له شفت آنه بعد اتضايق إذا سويت لي حركه ما احبها ،، انه اسوي مع زوجي جذيه واحسه يتفهم ،،،