اللي جربت الليزر تدخل ضروري

باذن الله يفيدوك بنااااااااااات

اختي المثابره

انا صارلي سنتين اسويه وللحين عندي جلساات
انا نفسي مو عارفه هل صح اني سويته ولالا
من ايجابياته انه الشعر خف وصارت الشعره حيل خفيفه ومايطلع الا كل شهر
وانه اذا صارت عندي مناسبه معد افكر انا حفيت ولا لا

من سلبياته اني مضطره اني كل شهر اروح اسويه ومدري متى يخلص حتى الدكتوره تقول هي ماتقدر تحدد متى اخر جلسه
واذا الوحده حملت مو زين تسويه يضر الجنين

اتمنى اني فدتج واي استفسار انا حاضره

الليزر ما له اي اضرار
الليزر يكون افضل كل ما كان الشعر اغمق ولون البشرة افتح
وهو افضل من الطرق الاخرى في ازالة الشعر لان ما يترك اي اثر ولا يطلع لج حبوب ويخف الشعر مره بعد مره

زود الغلاااااا
مشكوره على الافاده
وحبيت اسألش ليش طولتي في الجلسات وليش مو عارفه متى تخلص الجلسات
هل السبب انا شعرش كثيف مثلا او ماهو السبب :(
وبانتظار ردش اختي ماقصرتي

سلام عليكم . انا صار لي 5 شهور آخذ جلسات و الصراحه استفدت كثير خصوصا اني تخلصت من الشعر الي قام يطلع لي في ذقني و سبب لي عقده في حياتي حتى ان المنطقه الي كان يطلع فيها تغير لونها لكن الحين صار مثل ما قالت الاخت يطلع في الشهر مره و يطلع كلش خفيف و الاحسن ان اللون الغامج راح و رجع لون بشرتي طبيعي ...... اللي مضايقني شغله وحده اني صرت ما اقدر اطلع في النهار الا اذا حطيت الواقي من الشمس لان الدكتوره خوفتني اني اذا ماحطيت يتغير لون المناطق المسويه ليزر .
و نصيحه لا تروحين الا عياده متخصصه و معروفه و تعرفين وحده سوت عندها شخصيا علشان تتاكدين من مصداقية العياده
و بالتوفيق اختي

مشكورين خواتي على الرد
الله يعطيكم العافيه
وبانتظار تجارب باقي الاخوات

اذا كان الشعر خفيف ولونه ماهو اسود راح يأخذ وقت كثير في الجلسات

حبيبتي أنصحك في البداية تروحين عند طبيبة مختصة تسألينها إذا كان راح يفيدك الليزر أو راح يضرك...

عن نفسي سرت لطبيبة وقالت لي أن نوع شعري ما يفيد معاه الليزر بالعكس راح يزيده، أما السوفت لايت عادي ما راح يأثر على شعر وجهي، أنا شعر وجهي كثيف شوي، ناعم، وصغير مثل وبرة الهرة!!!!

المهم جربت السوفت لايت، صح شعر وجهي ياخذ تقريبا شهرين إلين ما يطلع (حسب هرمونات الجسم) وما أثر سلبيا في نمو الشعر ولكن سبب حساسية لوجهي لأنهم يحرقون الشعرة على البشرة مباشرة مو مثل الليزر يحلقون بعدين يعملون الليز.. فأنا عن نفسي وقفت، على فكرة السوفت لايت نفس الحف بالخيط ما يوقف نمو الشعر فقط إزالة موقتة...

أتمنى أن تكون معلوماتي مفيدة، وبالتوفيق...

السلام عليكم

اختي مو كل وحده تحتاج تشيل شعر وجهها بالليزر لانه احيانا يكون وبر وما ينفع معه الليزر ، انا يوم رحت اشيله قالت لي الدتورة اذا شلتيها بزيد لانه خفيف مره


انتي روحي لدكتورة اخصائيه افضل

قصه حب مشكوره حبيبتي على الافاده
بس ليش مااستخدمتي الليزر لشعر وجهش هل لانه وبر وناعم؟؟
انا شعر وجهي كثيف نوعا ما بس ناعم والشعر اسود
بس مادري مارحت حق دكتوره صراحه خايفه من النتائج لاني ماشفت احد مسوي ليزر
مع اني اتمنى اتخلص من الشعر بأي طريقه

اخت لمى مشكوره ماقصرتي
الله يسوي اللي فيه الخير

انا مقيمه فى الكويت واريد من الاخوات مساعدتى فى الوصول لطبيبه ماهره فى ازالة الشعر بالليزر تكون قد جربتها لاننى لااعرف اين اجد مثل ها الدكاتره فى الكويت والله يعطيكم العافيه

المثابره;5366172:
اهلين بنات

انا جديده في المنتدى وماسجلت فيه الا بتشجيع الجميع والكل يمدح فيه وفي البنات اللي مشتركين فيه وانشاء الله يابنات ماتخيبوني :confused:

بنات ارجوكم اللي جربت الليزر لشعر الوجه تقول تجربتها
وتقول ويش سلبيات الليزر وويش ايجابياته
ارجووووووووكم ضروري
انا اشتكي من شعر الوجه مره مضايقني مع انه مو وااااااايد بس مضايقني واتمنى اتخلص منه للابد
وخايفه وااااااااااااااااايد من الليزر
اللي جربته تقول تجربتها
لكن بكل امانه وصدق علشان يستفيد الكل من تجربتها وندعي الها

هلا اختي انا جربت الليزر بس بجسمي وماطلع الا بعد شهرين يعني مااستفدت بشي مع اني لازم اسوي اكثر من جلسه بس ماقدرت اتحمل الالم

حبيبتي انه جربت الليزر في منطقه الشنب مع انه خفيف وجربته في الابط والساقين والنتيجه وايد روعه وجسمي صايراملس