مشكلتي مع العاشق الولهان ...... بلييييييييزابي مساعدتكم

[GRADE="00008B FF6347 4169E1 FF1493 D2691E"]السلاااااااام عليكم ورحمه الله وبركاته ,,,

اشحالكم خوااتي الغالياات .. عساكم بخيير .. دووم يارب (y)

ببدأ ع طول ...

قصتي هي .. ادرس في معهد ICDL وطبعا المعروف اغلبيه المعاهد مختلطه بس الكلاس الي انا كنت فيه مب مختلط المهم في واحدا كان دوووووم يقعد يطالع فيني وانا كنت مضايقه من هالشئ وعلى اساس ان بنت خالتي سكرتيره المعهد هذا ف رحت وقلت لهاا ان في واحد يقعد يطالع فيني فأبغي اقول حق هلي بس خفت منهم لان اخوي عصبي شوي وابوي الله يرحمه وامي مسكينه يعني ماعندي غير اخوي علشان اقوله السالفه والمهم هالسالفه تمت بيني وبين بنت خالتي فبعد فتره الريال قال حق بنت خالتي الي هي سكرتيره المعهد ممكن تعطيني معلومات عن البنت يعني انا لان بصراحه ابي اخطبهاا فردت عليه بنت خالتي وقالته قولي اي شئ تبيه انا بنت خالتهاا وما في داعي اعطيك رقم اهلهاا انا راح اوصلك لأخوهاا ...

وبعد ماعرفت للسالفه قلتلهاا قوليله نو وااي (يعني رفضت) ،، والمهم بعد فتره هو كلم اخوي عن الموضوع بس اخوي شوي رفض لان الريال طلب من اخوي ان هالسالفه راح تكون بيني وبينكم بس اهلي مب رايح اقولهم عن السالفه لانهم ما بيطيعون وبالذات ابوي ( لان ابوه من النوع الي عادات وتقاليد ومايزوج عياله الا الي منهم وفيهم) يعني اختلاف في الاصل ...

وهو راح كلم امه وقاله ان البنت هاي انا ابيهاا والام هم رفضت قالت القرار كله عند ابوك والي ابوك بيقول عليه انا بقول تم وهم لم اخته بس اخته كلمت ابوه وما طاع .. فبعدين اخته يت المعهد وكلمتني قالتلي ابيج في موضوع مهم قلتلهاا خير اختي في شئ فقالتلي انا اخت الريال واخوي يحبج وكلم اهلي اكثر عن مره وهم رافضين نهائيا وبالذات ابوي ،، فأنا قلتلهاا بصراحه ما عندي جواب ولو في شئ ثاني تكلمي عنه بس هالموضوع نو وااي ..

انا يوم ارجع من المعهد الي بيت ساعات بالسياره او ساعات اروح بيت خالتي مشي لان البنايه الي ساكنيين فيهاا خالتي جنب بنايه المعهد ،، فتخيلوا لقيت الشخص نفس قاعد برع بنايه المعهد ومن شافني طلعت قعد يمشي و ولو ما دخلت البنايه الي ساكنيين فيهاا خالتي دخل معاي وحاول يدخل اللفت(الاصنصير) حسييت بشئ مضايقني من حركاته قتله لو سمحت انا ما اريد احد يشك فأرجوووك مب تبطل هالحركات اتخيلوا شو سوى قال حق الريال حارس البنايه ان هو يحبني ... يعني تخيلوا اكثر عن مرة حسيت بضيقه من نصرفاته ..
المهم بنت خالتي قالتلي ان يافلانه الريال يحبج ويبي يتزوجج بس هو ناطر رضى اهله واذا رفضوا بعد عدت محاولات هو من نفسه بيكلم اخوج مرة ثانيه ،، وان شاء الله خييير ...

بعد فتره صارت اخته اتروح المعهد مع اخوهاا((للعلم هي ماتدرس فيهاا)) ،، وتحاول تتقرب مني اكثر ،، المهم صرنا اصدقاء فقالتلي مرة تعالي بيتنا قلتلهاا اسمحيلي ما اقدر اهلي ما راح يرضون وان شاء الله في المرات اليايه وبعدين انا في يوم كنت غايبه عن المعهد فالبنت اتيي مع اخوهاا بس علشان تتقرب مني واهلهاا يتعرفون علي من ناحيتهاا فسألت لبنت خالتي وين فلانه يعني انا قالتلهاا هي اليوم في ناس جايين يخطبونهاا وماراح ادوام ،، هالاخت الحبيبه قالت لآخوهاا اتخيلوا اخوهاا عصب وقعد يسوي مشاكل مع بنت خالتي في المعهد والمدير سألهاا شو هذا الي يصير وهم راح تهاوش مع المدير المعهد ... بصراحه من تصرفاته احسه انسان مينون وعصبي بدرجه فضيعه..

يا جماعه ابي نصيحتكم مع هالريال وللعلم اني انا ما كلمته بس اكثر عن مرة اخته قالتلي كلميه وانتي في المعهد وقوليله انج بتفكرين بس علشان ما يسويلج سالفه ويفضحج جدام الناس لان اخوي عصبي واااااااايد والي في راسه راح يسويه بس اهم شئ انتي تكونين عنده وهو يحبج لدرجه ان راح صبغ حجرته وكتب عليهاا اول حرف من اسمي ولا بعد يوم الحب اشترى سله حلاوة و حطهاا ف الصف الي انا ادرس فيه ،، وبنات صفي متخبليين عليه يقولون لي كل هذا وانتي رافضته ،، اأنا بصراحع مب عارفه شو اسوي ،، احس انه طايش وحركاته تدل انه مينون و لو بس تكونون بدالي راح تشوفون تصرفاته وهو عصبي مثل ما قلت ..

فممكن احد منكم يقولي شو اسوي؟؟ ....

وشكراص لكم جميعاً ..

وداعه الله .......(f)[/GRADE]