عاجل الرد انا تعبت ....... الحل

عزيزتي

عزيزتي

هدي هدي

الموضوع ما يستاهل هذا كله

أولا يمكن الرجال صدق طفشان ديون ومسؤوليه،، خله يغير جو مع ربعه،، يعني انتي تبينه يكون معاك 24 ساعه،،

يعني انتي تعرفين البير وغطاه وانه صدق ما عنده،، وانه لو راح مع ربعه يمكن إنهم يتقاططون يعني الكل يشارك،،

وبعدين الإجازه كم يوم ،، إذا كانت طويله يحق لك تطلبين منها كم يوم ،، حتى لو كانت في نفس ديرتك بس اهم شي تسوين جدول يكسر الروتين والملل


الغاليه،، تعالي له بالطيب واللين،، ولا تشدين الرجال ما يحب المره اللي تحكم،، تقدرين توصلين للي تبين بالطيب والكلام الحسن

أما المعاند وتمشين رايك اكيد هو بيرفض

واعتقد موضوع الإثبات الشخصي من حقه انه ياخذه سبحان الله ما تدرين شاللي يصير،،


كل شي بيت أهلي وبيت أهلي


يما تذكري انه هو خذاك من بيت أهلك بكل طيب وإرتبط فيك أمام الخلق،، لا تهينين نفسك وزوجك على شي ما يستاهل ،، فكري بطريقه ثانيه،،


الله لا يغير عليكم الا بالأحسن ويهديكم ويسخر لك زوجك


موفقه

هدي وإن شاء الله الأمور كلها تنحل لكن أنتي فكري شنو أسباب طفشاااانة هذي خصوصا أنكم بعدكم ما فات عليكم عمر طويل بالزواج فكري عدل في نفسج وشوفي أنتي أخاف مقصرة معاه في شي يمكن أنتي مهتمه بالبيبي وأهملتيه شوفي أنتي الخلل وين ولما يرجع من السفر استقبليه بالإبتسامة وزيني شقتك بالإضاءة والورود وتكشخي وتعطري وإن شاء الله يهدي سركم

اااااااااخ يا قلبي ييتي عالجرح

مشكلتي مشابه لمكلتج

ما عليج من الرياييل كلامهم مو صح اذا كلمه صح الف لالالا

انا بعد 5 سنين زواج اكتشفت وايد اشيا وطول هالوقت كنت اصرف من راتبي علي وعلى عيالي
وحارمه نفسي من كل شي بحكم انه ظروفه صعبه وما يقدر

وكل ما طلبت منه قال ما عندي
رغم انه يلبس اغلى لبس ويكشخ اخر كشخه وكله سهر ويا ربعه وطلعات وياهم

وبالاخير لما اواجه يقولي انا الريال وانت مالج شغل بشي اتخيلي الحييييييييييييييييين صرت ولا شي

وكل شغله خش ودس

بس خذت درس من كل الي راح انه المفروض ما اسكت واخذ مصروفي وهو الملزوم يصرف عالبيت والعيال
مو اناااااااااااااااااااااا

الرياييل ما منهم امان على اعمارهم ما يقصرون بس تعالي انت واطلبي بيقدم لج لسته اعذار واسباب

ونحن نصدق وانقول حرام مهما كان هذا بو عيالنا وظروف ولازم نرضى ولازم انساعد ونحرم اعمارنا

اما هم لالالالالالالالالالالالالالا سهر وطلعات ويا الشباب ولا سالين بحد يعني هالطلعات ما يبيلها فلوس

انت توج سنه وشوي لا تعودينه على هالشي ولا تسكتين عن حقج على قولته اهو الريال خلاص يتصرف
لان اذا تنازلتي مره ولا مرتين خلاص بعدين بتتعودين وهو ما بيسويلج سالفه من الاساس

خذي درس مني انا جربت وندمت

...............

انا ما اقولج سوي مشاكل واضاربي وياه لا هالامور ما منها فايده وبيتعد اكثر

خذي الي تبينه بطريقتج فهميه انه هو الملزم على مصاريفكم وعلى كل شي
لا تتنازلين عن حقج

علشان يعرف انج مو ضعيفه

الله يساعدج

حرام عليكم محرمين عليهم الوناسة!! عادي حبيبتي شفيها لو طلع مع ربعه، وما ينلام لين فضل سفرته عليج لان الرياييل ما يحوبون المرة تفرض رايها عليهم... وبعدين انا زوجي كل اسبوع يوديني بيت اهلي ااجز عندهم ويروح يستانس مع ربعه او يسافر... الريال وراه ديون وشغل ومسؤولية حرام تضغطين عليه اكثر لانه راح ينفجر في الاخير، وبعدين هو لازم يغير جو كل اسبوع علشان يقدر يستمر والا اذا تم مضغوط طول عمره ما راح يستمر معاج، وانتي اللي عليج تحافظين عليه... انا زوجي صار له اكثر من شهر الحين يروح الدوام الصبح ويرجع العصر بس ينام ولما يصحى يرجع الدوام لحد الليل،، مع العلم ان دوامة الانهاري بس اما في الليل هو من نفسه يروح... والحين قال لي ابي اسافر اول ما ينفك الضغط اللي علي واغير جوو مع ولد عمتي قلت له روح حبيبي الله معاك استانس وغير جووو... على بالج انا ما كنت مضغوطة؟؟؟ انا مع بنتي في البيت لا طلعة ولا شي الا اخر الاسبوع اروح بيت ابوي وارجع وعلى نفس الحال،،، ما قلت له ليش انا لا وليش ما بتوديني، راح انتظر لحد ما نفسيته ترتاح بعدها بهتم بنفسيتي انا، لان الواجب علينا حبيبتي نوقف مع رياييلنا وقت ما احتاجونا مو ضدهم... ولما يشوفج تقدرين هالشي راح يحترمج ويقدرج هو بعد، وبيسفرج من دون ما تطلبين انتي هالشي... والله يخليكم لبعض ويهديج حبوبة

مافية رجال بالدنيا ضعيف ومسكين
بكرة رح يجمع متل النملة الفلوس ويتجوز مرة تانية

المشكلة انه مبذر ولا يعمل حساب لبكرة متعود على حياة العزوبية اخر الشهر ما معاه حق البانزين وانا مااشتغل حالين ولا يبغي النقاش والمهم انه مايحسبانا ماتحكم فيه ابدا
احيان فيه ميزانيه معينة مانقدر نتعداها
يطلع يعشي الى معاه يستاجر دباب خلص الراتب
ماعنده حس المسؤلية اجمع القرش يمين يسار
علشان علبة حليب وحفاظ لبنوته وبعدين انا ماقول بيت اهلي له ابدا اهلي والله واقفين معا كانه ولدهم واكثر مو مدحه لاهلي ابدا
وش الحل

الله يهدي النفوس فيما بينكم ويهديه ويرجع يراضيك ....

الله يعطيكم العافية ولا يصبكم بمكروه

اختي يبيله فترة علشان يحس بالمسؤولية،، انا زوجي بعد نفس الشي ما يخلي ريال في جيبه دوم يصرفهم... بس معليه استحمليه شوي شوي وبتحسن، بس لا تخلين اهلج يساعدونج في الفلوس علشان يشوفج محتاجة

الله يهديه ويسخره لك

المفروض انه يخصص لج شهريا انتي وعيالج مبلغ وان يا اخر الشهر وطلب منج تاسفي لانه مو من حقه ....

هذا مصروفكم ... والله يهديه ريلج

اولا عليكى الدعاء له بالهدايه وخلى يجى من السفر وانتى شعرك مصبوغ واتجملى كانك عروس وارسى له رسائلحب وغرام وقولى هنت عليك اتمنى انك دائم تكون معاى

سفيرة فوق العاده;5359136:
عزيزتي

عزيزتي

هدي هدي

الموضوع ما يستاهل هذا كله

أولا يمكن الرجال صدق طفشان ديون ومسؤوليه،، خله يغير جو مع ربعه،، يعني انتي تبينه يكون معاك 24 ساعه،،

يعني انتي تعرفين البير وغطاه وانه صدق ما عنده،، وانه لو راح مع ربعه يمكن إنهم يتقاططون يعني الكل يشارك،،

وبعدين الإجازه كم يوم ،، إذا كانت طويله يحق لك تطلبين منها كم يوم ،، حتى لو كانت في نفس ديرتك بس اهم شي تسوين جدول يكسر الروتين والملل


الغاليه،، تعالي له بالطيب واللين،، ولا تشدين الرجال ما يحب المره اللي تحكم،، تقدرين توصلين للي تبين بالطيب والكلام الحسن

أما المعاند وتمشين رايك اكيد هو بيرفض

واعتقد موضوع الإثبات الشخصي من حقه انه ياخذه سبحان الله ما تدرين شاللي يصير،،


كل شي بيت أهلي وبيت أهلي


يما تذكري انه هو خذاك من بيت أهلك بكل طيب وإرتبط فيك أمام الخلق،، لا تهينين نفسك وزوجك على شي ما يستاهل ،، فكري بطريقه ثانيه،،


الله لا يغير عليكم الا بالأحسن ويهديكم ويسخر لك زوجك


موفقه

سفيره ماقصرت واحب اذكرك انتبهي اي مشكله تسير بينك وبين زوجك لا تجيبين طاري بيت اهلك ولا تروحين لهم ترى بعدين يتعود على فرقاك وماعاد يهتم فيك ثانيا مصروفك لا تتنازلين عنه خليه يخصص لك ولو جزء بسيط اهم شي يخصص لك مصروف ترى بعدين يتعود على الراحه وماايصرف حتى لو تحسن ضروفه والله يهدي سركم ويصلح حالكم ويسخره لك ..

انا البي كل طلباته مع اني ماني ناقصة وجذابة من قبل وانا بنت اروح وغير الوك حقي وشلون وانا متزوجة ويقول روحي
الصالون الفلاني حاجبك فية ميلان وانتقادات دائمة ويبغى كل هذا بالمجان
وبعد في اي مناسبة له ميلادة -ترقية -ذكرة اتفق مع خواتي اشتري الهدية وسوي عشاء واطلع بنتي لبيت اهلي واهيلة احلى جو رومانسي
انا ولدت بنتي في عيد زواجي مع اني تعبانة واول يوم في نفاسي غيرة وجبت كيك واحتفلت انا وياه وتعشينا وكانت روعة وصورة معاه
ومشكلة اسئلة وش اسوى الغداء بكرة افكر واكلمك يدق على قبل طلعته من الدوام بساعة صعب مزاجة في الاكل حتى من برى انا اكل البرغر من المحل الفلاني والبيتزا من المحل الفلاني
والله انه مسافر من يوم الثلاثاء ولا دق على ولا على بابا ولاسال عن بنوته
والله مااقصر مع اهله ولا معه ابدا احيانا اقول خلنا روح لهلك من زمان مارحنا لهم بعدين مشغول
الحل الحل والله انا طيبه معه
اي شى جديد في النت افكار رومانسية واسوية اشتري اي شئ رومانسي
:dontknow::dontknow::dontknow::dontknow:

أسأل الله العظيم رب العرش العظيم أن يسخر زوجك لك ويحنن قلبه عليك
أسأل الله العظيم رب العرش العظيم أن يسخر زوجك لك ويحنن قلبه عليك
أسأل الله العظيم رب العرش العظيم أن يسخر زوجك لك ويحنن قلبه عليك
أسأل الله العظيم رب العرش العظيم أن يسخر زوجك لك ويحنن قلبه عليك
أسأل الله العظيم رب العرش العظيم أن يسخر زوجك لك ويحنن قلبه عليك
أسأل الله العظيم رب العرش العظيم أن يسخر زوجك لك ويحنن قلبه عليك
أسأل الله العظيم رب العرش العظيم أن يسخر زوجك لك ويحنن قلبه عليك
اللهم آمين
اختي استودعي زوجك الله الذي لا تضيع ودائعه

الله يساعدج ويسهل امرج ويهدي زوجج

الله يعطيكم العافية