ابغي ارائكم عن منتجات سيباميد وبيجون للاطفال بليز اللي عندها خبرة تدخل؟

حبيبتي .. أنا أول ما ولدت كنت مجهزة لأبني عمور الله يحفظه منتجات بيجون اللي أهي .. الشامبو وقطع الصابون النوعين الشفاف والعادي والبودر والزيت .. طبعا ما استخدمت منهم إلا الشامبو وقطع الصابون وجربت الزيت مرة وحدة .. بالنسبة للشامبو والصابون بعد شهر تقريبا من عمر أبني ظهرت عنده أكزيما في وجهه .. واكتشفت أن شامبو البيجون يهيجها .. أما الزيت .. جربته مرة وحده بعد الحمام لولدي وحسيت أن بشرته احمرت عليه .. شي بسيط .. لكني وقفت استخدامه فورا وما جربته مرة ثانية

لما ظهرت الأكزيما عند أبني الدكتوره انصحتني بمنتجات سيباميد .. وكانت ممتازة .. جربت منها الشامبو وقطع الصابون وغسول الأطفال ومناديل التنظيف .. ممتازة جدا .. لا حساسية ولا أكزيما ولا جفاف ولا احمرار ولا شي .. لكن بالنسبة لكريم منظقة الحفاظ .. فهذا يستخدم بس للوقاية .. يعني لو في اشوية احمرار أو تهيج في المنطقة ما ينفع .. جربته

العيب الوحيد في منتجات سيباميد .. أن ريحتها عادية .. يعني ما فيها عطر الأطفال اللي متعودين عليه في منتجات الأطفال .. يعني كأنها منتجات الكبار .. واعتقد هذا ما يعتبر عيب

هذي تجربتي أتمنى تفيدك