يا هم لي رب كبير

السلام عليكم ورحمه الله
كيفكم اخواتي ايش اخباركم؟
يارب تكونو في احسن حال
اخواتي انا ماراح اطول عليكم
ابغاكم تدعولي ربي يفرج همي
بنات انا عمري 22 سنه وعشت شي ماتتخيلوه
والله يا بنات تعبت تعبت
مشاكل مشاكل خوف حزن الم ذل اهانه وكل شي تتخليوه من اعز الناس لي (ابويا)
بنات ادعولي مافي غرفه ادخلها في بيتنا الا وتذكرني بشي كله عنف كله دم
والله يا بنات كل يوم خصام كبير مرة ومايجي اسبوع الا وصاير شي في احد فينا يعني اخواني واخواتي او امي
يا بنات والله
اخوي طبلت اذنه انفقعت بسبب كف
اختي اتكسرت جميع اسنانها الاماميه بسبب انه رمى عليها جزمة الله يكرمكم
والله مايشرب ولا هو مدمن ولا شي
بس تعبنا احنا الكبار كلنا بنات
وباع بيتنا وسيارتنا ودخل فلوسه كلها في الاسهم
ولمن بقي معاه القليل قرر يسوي لنا بيت ومسلح يعني بدون اساسات
والحين اتوقف البنا ولا احنا قادرين نسكن فيه
ومابقي شي على طلوعنا من هذا البيت على حسب الاتفاق
والله يا بنات تعبت بشكل ماتتخيلوه الحياه عذاااااب
ماقدرت اكمل دراستي في الجامعه
بسبب انه مو راضي يدفع لي خلاني ادرس سنه وحدة والحين لي سنه ونص جالسه في البيت
ادور وظيفة مالقيت واشتغلت في مستشفى بس كان المكان سيئ لانو اختلاط
بس كنت محترمة نفسي والكل يحترمني وكان راتبي 1400 ريال
على الاقل اوفر منه اشيائي
خلاني اطلع من العمل
والحين جالسه في البيت لا وظيفه ولا راحه ولا دراسه ولا اي شي
تعبت مرة
الله يخليكم ادعولي
امانه تدعو لي محتاجه دعواتكم يا بنات
انا مهمومه مرة والله يا بنات وربي يشهد على كلامي
ماحسيت اني عشت زي اي بنت مرتاحه
الخوف ذابحني
انام واصحا الاقي عندنا مصيبة كبيرة مرة
والحين حتى النوم مااقدر انامه من كثر القلق والتوتر
الله يخليكم ادعولي
من كثر قوت ابويا حتى اهلنا مايبغو يخطبو من عندنا
يخافو منو
ادعولي الله يخليكم ربي يفرج همي
ويرزقني بولد الحلال اللي يريحني ويعوضني