ا
القمره البحرينيه
عروس نشيطة
04-03-2008 | 02:44 AM
السلام عليكم ورحمة الله وبركاته ..
أخواتي بغيت أعرف شنو رأيكم في مركز جنين ؟؟
وهل وحده من الاخوات عملت عندهم طفل انابيب او تلقيح صناعي وفي الحالتين نجحت العمليه
افكر اني اروح بس خايفه وماني مرتاحه :(
ياريت أخواتي تساعدوني
تحياتي
القمره البحرينيه
والله ماعندي علم انشاء الله يساعدونك الاخوات
ب
بيــــــــان
عروس برونزية
04-03-2008 | 09:57 AM
مل عندي معلومات عنه بس حبيت ادعيلج بالتوفيق والذرية الصالحة عاجل غير آجل يارب
أنا رحت مع زوجي مرة وطلبوا عمل فحص لزوجي.... بس كرهنا المكان بسبب الزحمة والإنتظار أنتظرنا 3 ساعات على ماصار دورنا... والحين كارهين نعمل التحليل ونرجع لهم لأن نعرف أن راح ننتظر مادري كم ساعة بعد...
حمات حماتي،، عملت قبل شهر عنده ومانجح والمسكينة تعبت من كثر الأبر يمكن فوق ال15 إبرة....
بس أعرف وحده عملت عنده والحمدلله حملت، بس المسكينة قبل أسبوع جاها طلق بالسادس وجابت بنتين وماصار يومين الا توفوا.. أدعوا لها بالصبر والله يعوضها خير...
رانيا البحرينيه الله يعوض عليها يارب والله يرزكم جميعا الذريه الصالحه المعافاه ...انا ماعندي فكره عنهم ولا مره جربت ولا سمعت احد جرب اتمنى البنات يفيدونج
ا
القمره البحرينيه
عروس نشيطة
04-03-2008 | 05:21 PM
toom2008
بيــــــــان
رانيا البحرينية
الحبُ الكبير
مشكورات أخواتي على المرور
الله يرزق الجميع بالذريه الصالحه
لازلت بأنتظار رد باقي الأخوات
تحياتي
القمره البحرينيه
ا
القمره البحرينيه
عروس نشيطة
11-03-2008 | 03:19 PM
للرفع
تحياتي
القمره البحرينيه
بسم الله الرحمن الرحيم
السلام عليكم ورحمة الله وبركاته
أنا توني بادية أتعالج عندهم وطلبت مني الدكتورة خلود الدرازي تحاليل وتحاليل زوجي، بس بصارحة معاملتها لنا كانت وايد زينة الحمدلله
إدعولي
حبيبتي اسئلي الي سوت عنده عمليه ونجحت
ا
القمره البحرينيه
عروس نشيطة
14-03-2008 | 01:16 AM
اختي
المُرهفه
انا رحت بعد للدكتوره خلود الدرازي وسويت كل التحاليل وبعد سويت عملية منظار
وان شاء الله الشهر الجاي ببتدي في علاج طفل الانابيب
الله يرزقنا ويرزقش ويرزق كل محروم يارب
تحياتي
القمره البحرينيه
ماعرف عنهم شي
بس شنو رايش في خلود اوكي علاجها
وليش بتسوين انابيب ؟
ا
القمره البحرينيه
عروس نشيطة
14-03-2008 | 11:15 PM
دموع الكوثر
انا اول مره اتعالج عندها واللي حسيته انها تمام
انا سبق وسويت مرتين تلقيح صناعي ومانجحت ومره سويت طفل انابيب والحمد لله نجحت العمليه لكن ماالله
كتب يستمر الحمل لان الجنين توقف نموه في الشهر الثاني،
المشكله اللي عندي ضعف في التبويض والدوره عندي مو منتظمه .
اتمنى يكون هذا آخر علاجي والله يرزقني الذريه الصالحه يارب ويرزق الجمييييع
تحياتي
القمره البحرينيه