ساعدوني الله يطرح فيكم البركة

السلام عليكم ورحمة الله وبركاته ..

هذا اول موضوع لي واول مشاركة لي في منتداكم حبيت اني انضم لكم بهالموضوع اللي شاغل بالي...

انا مشكلتيه مابسميها مشكله بس اريد اخذ رايكم في الحال اللي انا فيه..


من يوم وانا صغيرة والكل كان يقولي ان فلان لفلان وفلانه لفلان لين ماحطيت هالشي في بالي وخوات هالفلان كانن يوهمني بهالشي بس من فتره صار هالشي عادي ومحد يرمس فيه..


هو يصير ولد خالتي

المهم صارت مشكلة بسيطة وفي هالمشكله انا كرهتهم وكرهت كل شي وحتى طاريهم مع ان ماكانت تستاهل هالشي لأن كان الشيطان شاطر ..ومرت 5 شهور واناا خلاص هالانسان مستحيل اني حتى افكر فيه ولايخطر على بالي .. والكره اللي توصلتله كان فظيع ..

بين فترة وفترة من ارقد احلم فيه ويوم انش احس اني احبه اكثر عن قبل ولا كأنه صار شي من اساسه دووم ادعي ربي ان كان خير لي قربه مني وان كان شر لي يارب تبعده عني وانا يوم عن يوم احس اني احبه بس في شي مضايقني انا ماني عارفه شعوره تجاهي وانا شو بالنسبه له ..
الفتره اللي مرت كان دووم في بيتنا ودوم اشوفه بس هالفتره قطع مره وحده السبب يمكن تخرجه قريب وهالشي شاغله ..

في نظركم شو هو الحل احس جدا تعبانه ومستحيل اني اكلم اخته او اني اواجهه لأن هالشي صعب في مجتمعنا ولو قلت مارح افكر فيه المشكله ان مب على كيفي هو من نفسه لو اقدر ابرمج احلامي جان برمجته على اي محطة غير هالعذاب

ارجو انكم تفهموني وتساعدوني جد انا محتاره واللي مجربه هالشي ياليت انها تساعدني ...محتاجتكم