الخطيب

السلام عليكم ورحمة الله وبركاته


خواتي اباكم اتساعدوني...... اتقدملي واحد من الفريج الي ساكنين.. توهم اكتشفوني .. المهم اهله فاتحو اهلي بالموضوع ... المهم هو المعروف عنه انه وايد رجال زيين والكل يمدح فيه وهو بكر العايلة وابوه متوفي وهو صغير.. اخلاقه عالية وملتزم ومثل ما يقولون ماشي على الطريق المستقيم.. يعني من الدوام للبيت ومن البيت للدوام... يعني بيتوتي .. وما عنده غير اخت وحدة و2 اخوان .. المهم اخته بتزوج قريب والحين الحبيب يبا يتزوج عشان ييب حد عند امه وخاصة انه هو دوامة اسبوعين في ابوظبي واسبوعين اجازة ..المشكلة الي سمعت عنه انه هو بخيل .. وفيه منهم يقولون انه اقتصادي ,, بس انا ما اعرف هو كيف طبيعته وصليت استخارة بس ما حسيت اب شي .. الي محيرني انه شو درجة اقتصادة لاني انا احس انه الحياه مع واحد بخيل صعبة ..بس فيه منهم يقولون انه هو يحاسب يعني هو مش بخيل بعني مش من المبذدرين .. هو انسان زيين بس الي مخوفني سالفة الاقتصاد الي عنده.. وخاصة انا اهلي من النوع الي مب مقصرين معاي في اي شي ,, شورو علي ,, ترى انا محتارة ,,, اخاف ارفضة وعقب اندم..
المشكلة ما اعرف كيف اختبر بخلة او اسأل حد اتعامل ( ابا اسأل بنات خالته ) بس اخاف يفهموني غلط... انا ما اتهمني الفلوس كثر ما يهمني الشخص بس بعد المادة شي مهم عشان تستمر الحياة ...

ومشكورين