قصة ولادتي بحبيبي (زايد)

السلام عليكم ورحمة الله وبركاته ........

الحمدلله الله رزقني بمولود (زايد) يوم الاربعاء ليلة الخميس تاريخ 28/2/2008 ..الساعه 12:31 دقيقه .


يوم الثلاثاء بعد يوم طويل مليان مشاوير وطلعات رجعت البيت اتسبحت وصليت العشاء وحطيت راسي بنام .شوي احس ماي كثير نزل مني .خفت وقلت لزوجي ينزل ماي قال بلا حركات لاتسويلي فلم <<<ههههههه وحليله ..قلت والله ما امزح على طول فتح الليت وقلت شو اسوي اللحين قعدنا نفكر ونفكر واتصلت على سلفتي ما ردت علي وقتها كانت الساعه 12:30 في الليل ؟؟؟ والماي ينزل اكثر واكثر ...قال خلينا نتصل بالمستشفى احسن...اتصل عليهم وقالوله جيبها ...المهم طلعنا للمستشفى وقلتله لاتتصل بأمي الوقت متأخر وبتخاف .قال اسمحيلي اسف اهي وصتني وامنتني اذا في شي اخبرها:ss:....المهم وصلنا وانا كنت خايفه وابكي واقفه مع زوجي وابكي ابكي خايفه واهو يحليله يهدي فيني ....المهم نادتني النيرس طلبت مني عينة بول الله يعزكم وقعدت انتظر دوريعند الدكتوره وكان فيني الم بظهري ....فحصتني وااااااااه الله لايوريكم عذاب قالت 1 سنتي مفتوح وبعدها سولي تخطيط نص ساعه وقالت في طلق ...وطلعوني للعنبر طبعا زوجي قلتله يروح لانه مسكين وراه دوام والوقت متأخر الساعه 3 تقريبا .طلعت ونمت وقمت الصبح والألم خفيف والماي ينزل وصلت امي الساعه 9 تقريبا وسولي تخطيط مره ثانيه في طلق بس خفيييف .والساعه 12 فحصتني واااااه ااااااااااه ربي يسامحها ذبحتني نفس الشي بس 1 سنتي ونص:confused::ss: عطتني تحميله في الرحم وقالت الساعه 6 على غرفة الولاده لازم انساعدج لان الماي ينزل ومافي طلق نخاف عالبيبي .وصلت الساعه 7 ودوني غرفة الولاده وانا ميته خووووف وغيروا ملابسي وحطو جهاز التخطيط وانا اطالع زوجي وابكي ابكي ابكي واهو يحاول يستظرف دمه وينكت عشان يخفف علي <<<:wink: ونفس الشي طلق خفيف والساعه 8 ونص فحصتني الدكتوره نفس الشي 1 ونص سنتي:ss: قالت خلاص طلق صناعي نفس طريقة المغذي.....وقالت انتي بتولدين بكره الصبح انا هني اتجننت مستحيل كيف بتحمل هالاجهزه والتعب اللين الصبح والساعه 9 ونص بدا الالم القوي وكل شوي تحطلي اكسجين واستنشق ولا في فايده اااااااااااااه اااااااااااااااااه يزيد الطلق اكثر واكثر وانا ابكي عطتني ابره عشان تخفف الالم والطلق حاااااااااار حاااااااااااار وامي عند راسي تدعيلي والدكتوره فديتها ما انساها كانت واااااااااااااايد زينه وقلبها رحيم تمسح على راسي وتخفف عني وانا اقول ياليتني اموووووووت وابكي ابكي الم مش طبيعي..وكنت احس اني ابغى ابول بس مش قادره لان الراس كان ضاغط تحت اخر شي سوتلي قصطره وسحبته كله وامي تقول كان واااااااايد ووقتها حسيت الظغط خف على مثانتي وارتحت شوي .وانا اطالع الساعه طول الوقت يا ويلي متى يجي الصبح الساعه 12:10 كنت احس شي ينزل تحت تحت .وقلتلهم احس شي بينزل مني والماي كان ينزل اكثر واكثر.... قالت بفحص يمكن تكونين 5 سنتي .اااااه تحطيم يعني باقي 5 ثانيين شو يصبرني عالعذاااااااااب سبحان الله شيكت قالت 10 سنتي مفتوح:D قلتلها يعني اللحين بولد .قالت لامي تعالي شوفي الراس يبين :) <<سبحانك ياربي عقب قالت اذا حسيتي بألم ادفعي .وانا ادفع مره واثنين واصارخ قالتلي لاتصارخين اتضيعين طاقتج صكري على فمج وتنفسي بعمق وادفعي ....والثالثه طلع الراس وامي تقول طلع على جنب وكان مفتح عيونه <<فديته والرابعه والخامسه طلللللللللع شوي سمعته يصيح واول ما شفته قعدت اصيح اصيح واقول حبيبي وحطوه على صدري وبقت المشيمه عطتني ابره وقالت ادفعي دفعت وحسيت كل الالم والتعب طلع معاهااااااااا..... وزوجي عند راسي فديته وجاني برد فضيع ارتجف غطوني غطوني وعقب غطوني واخذوا كتكوت ينظفونه وخلوني ارتاح شوي ....وعقب جت دكتورة الخياطه طلعت امي وزوجي برى وانا خايفه اقولها حطي بنج لاتعوريني قالت حطيت قلتلها لاتكذبين حرام عليكم عذبتوني خلاص وابكي ابكي بدت تخيط وكنت احس بالابره بس خفيف والخوف اكثر شي مسيطر علي والاكسجين بخشمي واهي تقول يلا يلا خلصنا وما شوفها خلصت:ss:.......المهم دخل زوجي وامي وقومتني النيرس وحطوا حبيبي بحظني وودوني للغرفه :) وكنت احس بجوووووووووووع ويابولنا انا وامي شاي حار (c) وسندويشات وقعدنا ناكل ونسولف ولا كأن من شوي كنت اتألم ........ونمت وانا فرحانه انتظر الصبح يطلع عسب اخبر اهلي وربيعاتي .......والحمدلله الله قومني بالسلامه وولدي بخير وصحه وعافيه وهذا اهم شي ............وعقبال الجميع يارب ولاده سهله وميسره