الفيديو .. مايشتغل!!!!!!!!!!

احتمال تكوني مسويه shortcut

يعني مب كوبي ،، لهالسبب مايشتغل الا بالفلاش ميموري

اذا تقدرين ترفعين لو ملف واحد عشان اشوفه واقولج السبب

هلا حبيبتي

تسلمين ع المساعدة

حاولت أرفع الملف بس للأسف مو راضي :(

ويطلع لي مثل ماقلتي shortcut

مع أني مو ذاكرة سويت الكوبي أو السند

اوكي دام انه shortcut
فأكيد ما بيشتغل الا بوجود الفيديو الاصلي

انزين الحين سوي كوبي للفيديو اللي تبينه واعملي بست في الديسك توب او في اي مكان تحبين وشيلي الفلاش ميموري وجربي

وخبريني شو صار اوكي

سويت اللي قلتيه بس ماصار شي !!!

أحيانا حتى لما أنزل صور من الكاميرا يطلع لي shortcut

اتوقع يبيله برنامج لاني جربت السيدي ويشتغل الفيديو اللي فيه


وربي يخليج حبيبتي

اوكي الغالية ممكن تخبريني كيف الطريقة بالتفصيل اللي ترسلين فيها الفيديو والصور؟؟

مرة سويت سند

ومرة سويت كوبي وبيست

تقدرين تصورين لي صورة لشكل الايقونه ،، او تصورين لي الطريقة اللي تسوين فيها كوبي وبست

لاني اشك انج بدال ما تسوين كوبي وبست بتسوين create a short cut

بس بسألج هل جربتي في جهاز غير جهازج؟؟

هلا حبيبتي

هذي صورته



ولما اضغط عليه بفتحه يطلع لي هذا



وعن تجربة جهاز غير لا ماجربته

وتحياتي لج يالغالية

ايواا هذا هو الشورتكت وما يشتغل الا بوجود الفايل الاصلي

الحين رسلي صورة مثلا من الكاميرا شوفي اذا بتظهر او لا ،، او ملف فيديو

بس اهم شي ما تصير shortcut

بصراحة اختي انا ماجد جربت احط صور او فيديو من ذاكرة الكاميرا للكمبيوتر

بس اختي هل في سي دي جاء ويا الكاميرا ؟؟

هلا حبيبتي

آسفة ع التأخير
لأني ماأقدر اكون متواجده وقت طويل

بس ماعليه الصور مايحتاج الحين

أهم شي الفيديو بس أبغي اعرف هل اقدر أني اسوي طريقة ثانية علشان مايطلع لي shortcut

أو تقولين لي لما أرسل الفيديو من الفلاش ميموري شلون؟ هل اني اسوي كوبي وبيست أو ارسال أو شنو؟؟؟

وااااااسفة ع الازعاج حبيبتي

والله يالغالية الطريقة اللي اعرفها هي الطريقة المعروفه للكوبي وبست

وعشان خاطر عيونج بشرح لج الطريقة بالصور

اول شي تختارين copy



وعقب تختارين paste بس ديري بالج لا تختارين paste shortcut




جربي الحين اوكي

يعني اعملي هالطريقة من جديد
--------------------------------------------
بس انتي مارديتي علي هل في ويا الكاميرا سي دي؟؟

تسلمين والله ياقلبي

تعبتج معاي

الحين اشتغل عندي

يمكن هذيك الرة صج مانسخته عدل

ومن شااااااااااااااااااااكرتج حبيبتي

العفو الغالية :)