بنات خلاص انا بين وبستخف

والله ماعرف شاقولج عورتي قلبي خصوصا لما كنتي تطلقين وماجا معاج

مافيه الا تجلسين معاه جلسة صراحه يمكن الرجال له وجهة نظر اخرى ويمكن فيه شي مب عاجبه حتى لو انتي مب مقصره

بس انتي شيلي من بالج فكرة انج تكرهينه وحاولي تنبهينه وتهتمين بعمرج اكثر



مااملك الا الدعاء الله يوفقج وييسر امورج ويهدي سركم يارب

السلام عليكم ورحمه الله وبركاته ..

اختي .. دايما الحل للنوعيه هذي من الرجال ودام ان مب مقصر معاج .. اختي .. ودام انج ما تبين تعيشين تحت ظل المطلقه في اكثر من حل . ,شوفي الي يناسبج

الحل الاول .. لمن يطلع طلعي .. ( بعد استأذانه ) وين تروحين مب مهم .. امج اهلج .. اهله صديقاتج .. بنات خالتج عمتج .. المهم تطلعين تسوين لج برنامج ,, وزيارات يعني مره يزورونج وتزورينهم .. وتسوين قعدات عشا ...

الحل الثاني طلعي ولدج وونسيه ووديه مكان العاب او شي . حق اليهال الي عمرهم سنه وديه عند ناس عندهم يهال .. عشان ولدج يلعب معاهم او صديقاتج الي توهم عرسو .. وسوي لج جدول انشغلي فيه ...

تعلمي في وقت فراغج اي هوايه تحبينها .. سواء من القراءه للكتب .. حفظ القراءان .. اطلاع على مجلات مواقع مفيده ..

الحل الثالث اهتمي بنفسج ,, ولا تعيرينه اي اهتمام مثل ما هو مطنش طنشي ... عشان لمه تتلاقون بالليل يصير عندج برنامج صغير سوالف خفيفه .. ولا تعاتبينه ولا شي وقولي له قبل لا تنامين وحشتني احبك

الحل الرابع .. حطي له هديه كل اسبوع عند المخده ونامي .. اي نوع من الهديه سواء كيكه من صنعك ,, مع بطاقه صغيره .. شمعه اي شي مب لازم شي غالي ..

واختي والاهم من هذا كله الصلاه وا لدعاء ... اختي بالدعاء والمثابره عليه . ان شاء الله بتشوفين زوجك بتغير مع الوقت

والحلول هذي يبي لها صبر اختي ..
تحياتي
ام جنى

الله يعينج يااارب واصبري قلبي في غيرج حالتهم اتعس منج
الحمد لله ان إيمانج قوي ودايما ادعي في صلاتج إن الله يهديه يااارب ... مع الأيام إن شاءاللــــه بيتغير..

حبايبي والله مجرد وقفتكم معاي اتساعدني

بنت الغالي

مرة سويت اللي قلتي عنه وفترة تعدل يومين ورد واذكر مرة جبت ورقة وكتبت كل شيء وكل الي بقلبي ورحت بيت اهلي على أساس أني زايرة وبعدين صالحني ورد على طبايعه القديمة

كله يهددني بطقج ويحمر عينه علي وكلامه قاسي ويقولي انتي بدون اخلاق والله مو امسوية شيء وانا ملتزمة بالعباية ومتغطية والحمدلله وين بتطلع مني سوالف


نور

اهو امنعني للطلعة حدي ازور اهلي واهله ومانعني من رفيجاتي ومانعني من روحة الطبيب ابروحي حتى لو كنت مريضة واهو طالع يقول روحي بيت اهلج بسيارتج وخلي ابوج يوديج او احد من اخوانج

والله تعبت حيل

المشكلة اهلي امفكريني ابالغ بالموضوع محد متخيل انه جذيه لانه مع اهلي وايد زين ومحترم بس معاي ىنا

مره قلت يمكن مسحور وانه مدري عصب مارضا اقول عنه جذيه


لولو اجمعين يا قلبي وجزاج الله الف خير

والله حلو منتدانا كل وحدة فبلد ونشتكي لبعض وننصح بعض وقلوبنا على بعض هههههههههههههههه شيكي الخاص بسرعة حبيبتي

كاشخة حدي أي خاص تقصدين؟؟

والله شاقول لج انا اظن ان الريايل كلهم جي يعني انا ريلي جي

حدج بيت اهلج وان طلعت مع ربعي نااااااااااادرررررررررررررررررررر وبالمنه

والمستشفيات مايوديني انا اروح مع امي

بس شتسوين حالي من حالج

ايه بس انا مو قادرة اتحمل هالعيشة مو قادرة اتأقلم
أشوف خواتي وخواته اشلون مستانسين ويارب اتدوم عليهم السعادة وانا لاء محرومة متزوجة بالاسم بس ويبيني كل سنة اجيب له اعيال

اختي الله يساعدج .. بس حاولي تعرفين السبب منة .. انا ما اقول انة فية شيء بس احتمااال احتمال تكون في بنية في حياتة .. او انتي ما تعتنين في نفسج او ما تسوين لة الحركات اللي اهو يبيها .. حتى لو يقول لج انة هذي حركات فاضية وماليها داعي ومن هالكلام بعد واصلي من هالحركات والمسجات الحلوة والكلام الحلو جربي ما راح تخسرين شيء يمكن اهو محتاج هذا الشيء

ياااربي الله يكون بعونك

الصراحه اختي مادري وش اقول لك بس حاولي تبيني له حبك له يمكن هو يحس انك موب طايقته وتكرهينه ؟؟

انتي يوم اكتبي له ورقه قبل لايطلع وحطيها بجيبه اكتبي فيها احبك امووت فيك من هالكلام
وسوي من هالحركات الي يسونها البنات قبل لايروح الدوام الحقيه عطيه بوسه
قبل لايدخل الحمام اكتبي على المرايه احبك

يعني حاصريه وطفشيه من هالنقطه انتي تغيري عشان هو يتغير واضغطي على نفسك شوي صح يمكن يفشلك اول مره بس عوديه على الشي هذا

ربنااا معاكي اختي

مرحبا حبيبتي والله يهدي لج زوجج ويصلح امورج


حبيبتي في اشياء لازم نعرفها علشان نرد عليج
انتي شلون شكلج اقصد هل انتي من النوع اللي يهتم في عمره ولا ناسيه نفسج

بيتج شلون نظيف حلو ولا ولدج مخربط المكان

متى اخر مره عدلتي في شكل غرفتج متى اخر مره قصيتي شعرج

شلون لبسج في البيت هل هو محتشم ولا كجول

سوالفج معاه عن شنو عن اشياء تهمه ويحبها ولا ومشاكل وازعاج

اسمعي حبيبتي مب لازم تجاوبيني بس تاكدي هالاشياء تولع الريال وتخليه يقعد في البيت وتخليه يهتم في زوجته يعني المره اللي اول مايدخل يلقاها كاشخه ومتعدله وريحتها حلوووه وتضحك وتسولف معاه في سوالف تهمه بيقعد معاها وبيسولف لكن لين لقى وحده مبهدله وحالتها حاله والريحه الله بالخير وسوالفها معاه ملل وكله مشاكل وحنه وزعل بيطفش وبيخليها

الله يصلحه ويهديه ويوفقج معاه

يعني شوفي الرسائل الخاصة

مرحبا اختي ..

اختي دام انه ما نعج من الطلعه خلاص .. خلي طلعاتج مع اهلج واهله .. ونسقي بينهم وصديقاتج الي مانعج عنهم خلهم يزورونج ......

وبعدين الباقي الي قلته لج تقدرين تسوينه لان مب صعب .....


وشنو زوجك هذا ليكون عباله انتي ديايه... تبيضين وتربين .... ولا عباله الحياه الزوجيه فراش وبس .. ويهال ... والعيال الي بيبهم من بربيهم بالله مب انتي.. ودام انه ما بيقعد بالبيت ... ليش يبي كل سنه يهال ..

اختي احسن شي ... تقعدين معاه وتكلمينه .. ودام هو يعرف انج تخافين من اسلوب التخرع والعيون الحمره ... علميه ان مب كل شي بالعصبيه ....

وفكره الرساله حلوه .. بس هالمره طبقيها .. مادري زوجك يسمع اغاني ولا ..لا .. تعرفين اغنيه إليسا .. عن الوحده اذا انضغطت ,,, وهي تضحي والطرف الثاني ما يهتم .. بتتركه ,, بدون استأذان
عجبنتني كلماتها ..

حطي له اياها .. لو كان يسمع ... وقوليها له . انا اول مره حطيت لك رساله ومشيت .. المره الثانيه بمشي من غير رجعه ويب لك ديايه تبيض لك يهال.....

تحياتي
ام جنى

يتوم
انا فتشت تلفونه مافيه اي شي يدل انه يكلم او اذا عنده تلفون ثاني؟؟

انا ماتصور انه في بنت بحياته لانه لو في وحدة ابحياته جان طلقني من زمان وتزوجها

حركات اسوي وبدلع بعد بس اهو ما يهتم

عيون وليد

سويت الي قلتي عنه ودقرني وماحب اذل نفسي حقه صراحة


بنت قطر
بالنسبة لشكلي حلو واهو يعترف بجمالي والحمدلله
بيتي انظفه اذا قدرت لانه ماعندي خدامة وولدي يحن واجد بس اهو واجد ينتقد

اهو ما يقعد بالبيت عشان اسولف معاه وان قعدت يطالع تلزيون وما يخليني افتح حلجي بكلمة يعصب لانه مندمج

اهو كله يقولي الناحية الجمالية ماتهمه اهم شي الاخلاق ويقولي انتي بدون اخلاق
بنات والله ما ارادده لمن يزفني كله ساكته ومحترمة نفسي ودمي خفيف معاه اقول نكت وسوالف وحتى لمن اتغشمر ما تعجبه غشمرتي وما يضحك معاي


نور

والله اني سويت كل اللي قلتي عنه وشفتي اغنية اليسا بعد حطيت له اياها والله وقلت نفس الكلام وضحك وقال ادري انج عايشة جوج بهالاغنية عشانها عني انا

اما سالفة العيال من صجه ترا ويوم قلت جذيه ترا حاط في باله 14 ياهل
قلت له نفس الكلام ما رد علي ويقول انا مهتم قيج وفي البيت كافي اني اروح الجمعية واجيب لج الاغراض

بالنسبة لمصروفي ما يعطيني شيء كله فلوسه حقه وحق ولده ولامرة قالي هاج فلوس لاني اشتغل

انا اتوقع انه ريلج مسحور لانه مو قاعد يشوف شي حلو فيج

كثري من قراءة القرآن

بصراحة ريلج يعني اسلوبه وايد يطفش .......بس بقولج الصراحة ان النفسية تأثر لانج من داخلج تحسين انج ماتحبينه.......وهذا يبين عليج حتى لو تدلعتي وتزينتي بيكون بتكلف وبدون عفوية ورياييل يحسون بهالشي
يحبون الدلع والتغنج يكون بعفوية وصدق انتي جربي انج تقنعين نفسج انج تحبينه وذكري نفسج بصفاته الحلوة ولا تفكرين بصفاته السلبية وبتشوفين انج تتصرفين على اساس المحبة وهذا اكيد بياثر فيه