ابي شوركم يابنات في خطبتي

صباحكم ومسائكم ورد ياوردات ...

حبيت ابشركم ان شاءالله بكون عروس مثلكم ان شاءالله >>> ادعولي ربي يوفقي ويسخر امري


فرحانه وبنفس الوقت خايفه يابنات :o

امس الجماعة شرفونا وخطبو رسمي من ابوي ، انا تنحت لما ابوي قالي عن الخطبة :eek:

للحين ماني عارفه شنو اقول ابوي يعرف الرجال وابوه ، وامي بعد تعرف امه تصير بنت عمها

بس انا ماني مقتنعه بالرجال لان شهادة ثانوي ووظيفته عاديه:(

انا احلم بأرقى من جذيه(x)

امي تقول اهم شي الاخلاق ولا المظاهر ماتهم بعدين الله كاتبه لك والحين مافي رياييل يطقون الباب نادر وهذي فرصة العمر لج(a)

مختاره يابنات وخايفه بنفس الوقت ، لان ماشاءالله خواته 8 وخايفه اني ماعجب خواته مع انهم بنات ماعليهم قعدت معاهم قبل وطلعت معاهم بنات دمهم خفيف وعسل على القلب

بس الاهم يقول الولد انا راح اسكن عند اهلي ابني دور ثالث لنا ، بس المشكله البيت اصلا باسم اخوه من ابوه :ss: بصراحه مابي تصير مشاكل بعدين ، وانا قلت لابوي يشرط عليه سكن بعيد عن بيت اهله >>> تأيدوني يابنات ولا لا؟؟

وانا ان شاءالله بستخير في الامر واللي كاتبه الله يصير

ولا تنسوني من دعواتكم الطيبه