خايفه بنات رحمي مايل صوب اليسار

أنا بعد رحت عند ممرخهوقالتلي مايل لليمين وبدرجه كبيره بس طمنتي وقالت أنها ردته لمكانه الصحيح قالت تيها حالات مثلي ويحملن بعد ماتمسحهن والله كريم الله يرزقني وإياك بالذريه الصالحه المعافاه

أختي بسألج من متى متزوجه وهل حملتي من قبل

أنا متزوجه من سنتين ونص وماحملت

الغاليه دام مايل
تقدر هي بنفسها تعدله
تمسحج عليه لين يعتدل

رحتي للمراخه اها يمكن على شان الرحم مايل بس لاتخافين ان شاء الله هي مترجعه مكانه

وان شاء الله تحملين الشهر الي جاي يارب

انا هم مثلج يالغلا رحت هالشهر لمساده لاني قبل 4 شهور كنت حامل وسقطت

والحمد لله قالت لي لو ماييتي ماتحملين لانه الرحم مايل حيل لليمين

واستغربت شلون قدرت اتحمل الألم واللي خلاني اتاكد من كلامها انه سالتني ريلج اليمين ما توجعج لانه عنق الرحم صاير عليها؟؟!!

وانا كان عندي الم وتعالجت عنه علاج طبيعي بعد ما اسقطت!!!!

والحمد لله طمنتني وقالت لي انها ردت مكانه وكل شي طبيعي

يارب انتي بعد تكون امورج الحين طبيعية ويارب تبشرينا بحملج الشهر هذا

أختي ماعليج شر،، امره بسيط، المراخة تقدر تعدل لج وضع الرحم... أنا مرة رحت للمراخة قبل حملي الثاني بثلاث شهور ومسحت بطني الا تقول عندج سداد قلت لها شنو ذي، قالت فيج وصخ تسد الرحم، ومرختني واتصدقين نزل على تكرمين وايد وصخ والحمدلله بعدها بكم شهر حملت بس مالله كتب للحمل ان يستمر.. توكلي على الله وربي يرزقج بالقريب العاجل...

اشكر كل وحده ردت علي وجزاكم الله الف خير
وربي يرزقمك ويرزقني بالذريه الصاحه

ماتشوفين شر بس بنات يغيت اسالكم لما يكون الرحم مايل مايبين بالسونار او الاشعه؟؟ يعني لازم ممرخه؟

مادري حبيبتي بس انا صار لي 3 سنوات كل كم شهر ارو ح للعياده لازم اشعه افحوصات محد قالي انه الرحم مايل لليسار الا لممرخه امس

ماعندي خبره يالغالية بس انشاء الله خير ويارب تحملين وتبشرينا

ماتشوفين شر والله يرزقك الذرية الصالحة

وميلان الرحم ... مو بديك الخطورة عاااادي شوية تمريخ وهو معتدل
لكن حاولي تتجني اسبابه حتى لايرجع

الغالية مثلج بس الحمدلله سرت ند وحده تمسح ورجعت الرحم مكانه الحمدلله بس ما صار حمل للحين وإن شاء الله خير يارب توكلي على الله وسير أمسحي حبيبتي وإن شاء الله تبشرينا بحملج

انا خايفه وايد من التمريخ ان شالله مايكون فيه ضرر

بنات عفيه
لما يردون الرحم مافي ألم
بكل صراحه بلييييز
وشنو العلامات الي تدل على ان الرحم مايل؟

مافي علامات بس اذا رحتي للممرخه هي الي بتعرف اذا عندج ميلان ولا حتى في الاشعه اتبين
والمسح ترجيع الرحم فيه الم كثير بس شو انسوي لازم انتحمل

الله يعين ويسهل
وفي بنات عرفهن حملو بعد التدليك
وانشالله انه بعد اتشجع واروح اشوف اذا في شي او لا

هلا حبيبتى لا تخافين الميلان عادى انا قبل لا اتزوج قالت لى الدكتوره انه عندى ميلان في الرحم عاد انا خفت انى مااحمل بس الحمدلله حملت بدون مااروح لحرمه تمرخنى ولا شي والى الان وهو معاى تخيلي مبين بالنظر يعنى لو حد يشوف بطنى واااضح مايل لليسار يعنى جهه اكبر من جهه ومع الحمل يصير واضح مررره وعقبال ان شاء الله ماتبشرينا بحملك

ماعندي علم والله

وانا يابنااااااااااااااااات عندي ميلان لليمين ومرخت كثيررررررررررررررر بس للاسف ماتحسن وجربت اكثر من ممرخه


بالنسبه لااشعة الصبغه هي بعد توضح اذا فيه ميلان او نزول .......الخ




بس تعبت من التمرررررررررررررررررريخ ولاتحسن؟؟