عندي سوال مهم جدا

هلا هنوفه الحلوه اذا ولدج من شهر يناير سنه 2003 يقبلونه حبابه فى المدرسه لانه قريت فى الجريده حاطين عن هالموضوع انه يقبلون هالشهر وبدا التسجيل فى المدارس

وان شاء الله خير حبابه

انا ولدي في مولود 18 -1-2004 وقاعده احاتي وايد ان اطوف عليه سنه

انا ماقصد هاي النه اقصد النه اليايه التسجيل الياي حق سنه 2009 -2010

أن شاء الله يقبلونه

إن شاء الله يقبلونة

أختي لا تحاتين، ان شاء الله بيقبلونه..

أنا علمي ان مواليد شهر يناير يقبلونهم..
بس مواليد شهر فبراير لا!

ولو ما قبلوه لا سمح الله.. كل شي بيكون له فيه صلاح.. واصلي معاه بالروضة..
في بعض المدارس يرفعون الطفل سنة إذا كان مجتاز لامتحان القدرات وبيواصل مع الأطفال اللي بسنه..

أهم شي حطي بالش معاه بدراسة الروضة، وحاولي تشوفين كتب الصف الأول وتعلمينه فيهم من الحين.. عشان يقدر يجتاز الامتحان..

والله يوفقش ويوفق ولدش

أختى عادي يقبلونه،، وتسجيلهم يكون بالفصل الثاني من السنة اللي قبلها، لأن العادة يكون التسجيل لمواليد السنة اللي بعدها في الفصل الأول، هذا عن المدراس الحكومية..

بس الخاصة ياخذون قبل عادي مايمانعون بأي وقت من السنة...

عجل شهر مارس شنووو مسكينه يابتي

يناير يقبولنهم الا مارس مايبونهم

على ما اعتقد ان الوزارة قالوا بطلعون قرار ان شهر يناير ما بقبلونهم بس الصراحة ما ادري طبقوا لو لا..

بنات وين رددكم على هالموضوع محد عنده معلومه عن هالسالفه بلييييز ساعدوني اللي عندي خواتي او اي احد من اهله يسالي ابي اعرف يقبلونهم مال شهر يناير ولا لا ...........ساعدوني والله محتاره

احنا عندنا يقبلونهم اخواني 2 في يناير بس عندكم مادري شلون

هلا هنوفه الحلوه

مواليد يناير الليي أعرفه يقبلونهم و هالشي مو جديد يمكن من قبل كم من سنه(y)

و تقدرين تدخلين ولدش مدرسه خاصه أول سنه و بعدين تواصلين معاه في المدارس الحكوميه

أو ...تدرسينه زين و تطوفين عليه سنه عن طريق أجتياز أمتحان

عادي ياخذونه لاتحاتين اكثرهم مال شهر يناير ياخذونهم

امين ياااارب الله يسمع منكم انشالله ياخذونه لان اليوم اتصلت المدرسه اللي يمي شقتنه وسالتهم وقالو لي مال شهر يناير يعتمداذا في مكان ناخذه بس انتي لاتعتمدين علينه سجلي في كذا مدرسه يمكن ماتحصلين مكان عنده اتحصلين في مدرسه ثانيه ..واللي مولودين في شهر يناير عادي حتى لو اتوديهم مدرسه بعييد وفي عندهم مكان ياخذونه ...هاي كلام المشرفه ...انا ابي اخلي في حدود محرق وعراد بس مايطلع برع عن هاي المنطقتين ....وانشالله احصل له مجال في لمحرق او عراد يااارب لاني وايد احاتي