-(رحت عند الدكتوره زينب علشان تعدل وضعية البيبي وشوفو شو صار)-

السلام عليكم ورحمة الله وبركاته..

شخباركم حبايب قلبي..؟! وشو علومكم..!؟
يا رب تكونون بخير وصحه وسلامه..
شخبار الامهات الحوامل.. عساكم بخير يا رب..

بدخل للموضوع علطول لان نفسيتي مره تحت.. وكارهه نفسي حيل..
تعبانه وزهقانه..

تذكرون اني لما خبرتكم اني دخلت الثامن والبيبي بعده ما نزل راسه..
وما باقي شي على التاسع وبعده البيبي وضعيته عرض مب طايع يصير طولي..
والدكتوره الي اراجع عندها في بلهول قالت لي ان ان ما نزل البيبي نظطر للقيصريه..
وهنيه سالتكم عن الدكتوره زينب وبالفعل رحتلها اليوم بعد اقناع زوجي باني اروحلها..

قبل لادش عندها دخلت عند وحده زلمه رفعت لي الضغط يلست اتسويلي الالترا ساوند بدفاشه وما لها بارض مال سرعه سرعه رفعت لي الضغط.. وكل شوي تقولي البيبي حجمه كبير وما ادري شو.. يعني تحبط بالواحد وجان اقولها انا يايه ابغي اشوف زينب وبس علشان تمسحلي البطن وبس.. فقالت لي لااااااااااا الدكتوره الي تراجعين عندها خبرتج شو سبب البيبي مش راضي ينزل قتلها قالت لي ان البيبي وايد كسول وعاجبنه الوضعيه انه ينام بالعرض..
جان تقولي لا لان بطنج فيه ماااااااااااي زياده؟؟؟؟؟؟؟؟؟؟؟؟؟؟؟!!!!!!!!!!!
جان تقولي يمكن فيج السكري.. يلست افكر هاي شو بلاها كله تعطيني من الشين!! :mad:
لبستها وقلت المهم بدخليني عند زينب قالت لي هيه..

فرحت لزينب وقتلها الي في خاطري وجان تقولي:
1- حجم البيبي شوي كبير يمكن من السكري؟؟؟؟ قالت خلينا نفحص دمج..
2- في ماي زياده في البطن فالبيبي صاير مثل السمكه ما يقدر يتحكم بوضعه..
3- تمت اتحيس في البطن وتعصره (بغيت انبط) وعدلت وضعيته وقالت لي بس مش مضمون انه بيتم مثلما هو.. بيتغير وضعيته لانه ما بيقدر يثبت حاله.. :(

رحت وفحصت والحمدلله ما طلع فيني لا سكري ولا شي اصلا حجم البيبي ضخم بسبب ان خوالينه ضخام بسبت الوراثه بس انا سكت ما قتلهم شي..

وعقب قالت لي تعاليلي الاسبوع الياي يوم السبت وان شاء الله بنحاول بعد مره وان شاء الله خير بس بعد ما اضمن ان البيبي بيثبت.. :confused:

الحمدلله على كل شي.. واستسلمت لامر الله.. الي بيكتبه ربي اكيد فيه الخير..
الحمدلله على كل شي..

بس حبيت اعرف الي تسوي القيصريه تقدر تلعب رياضه وتقدر اترضع وتقدر ترجع بطنها نفس قبل وشو عن الجسم بيرد مثل قبل..!؟
ومنو الي مرت بنفس حالتي.. اتمنى اتفيدني..
اتمنى من الي عندها خبره تفيدني..

اترياكم حبايب قلبي..:(

ودعواتكم لي بالخير..(f)