احتاج نصايجكم وتشجيعكم عشان ينزل وزني .. لا تطنشوني بليز

حبيبتي انا بأشجعك اذا تبين! انا طولي 163 ووزني 68 حاليا و يبيلي انقص مع انه شكل جسمي زين.
انا ما اكل الا الي اهلي ياكلونه، و ما اخربط ولاشيء جانبي بس مشكلتي الببسي x_x كنت احب اشرب الببسي كثير! مرتين او ثلاث بالاسبوع

و بعدين الي نفخني الكورتزون لاني كنت استخدم علاج من زمان T_T

بس ان شاء الله بننحف ^_^

انا البيبسي سوالي أزمة الصراحة فترة .. كنت ادمان عليه يووصل يمكن فوق 10 علب في اليوم .. وطبعا كنت اطنش الأكل

وانتي اختي جسمج ما شاء الله عليه متناسق مبين من طولج و وزنج .. بس تنقصين ثلاث اربع كيلوات و تطلعين موودل .. لووول

يلا حبيبتي ان شاء الله تنزلينه وتوصلين للوزن اللي تبينه ..

مشكورة عالتواصل حبيبتي ..

ربي لا هانج :)

آلماسهـ انا بشجعك طبعا لاني ما عندي عزيمة قوية بس اتمني انزل من وزني اكثر من 30 كيلو لان وزني 94 وطولي 168 وبخاول انزل الوزن خلال الشهرين الجاين
انا من بكره ببدأ بتقليل الاكل واشرب المسحوق العجيب بتاعي واشوف هنزل ولا ايه ونفسي موت استمر علي الرياضة اسبوع وما نقطعش عنها خالص:BOUNCE8:

خلاص تم حبيبتي .. انا بعد ببدا وياج .. وبنجوف كم بنقص على نهاية الاسبوع ..

تسلمين عالتواصل غلاي ^^

[FRAME="8 70"]والله استانست يوم قريت الموضوع...

لأني ابي انزل وزني معاكم..

انا وزني كان 104 وطولي 164

وبعد ما مارست الرياضة شهرين صار وزني88

ابي وزني يصير 70 او على الاقل 75

لان انا ما احب الجسم الضعيف كلش..

احب الجسم الضعيف ومليان خصوصا صوب الفخوذ

واللحين يبيلي انزل 18 كيلو..

يلا خنشد حيلنا[/FRAME]

ما شاء الله علييييج فديتج ... نقصتي شي حلوو في شهرين ..

وان شاء الله نستمر عشان نوصل للوزن المطلوب ..

أنا يبالي انزل تقريبا 40 كيلو .. يعني بعده وااااااااااايد يبالي .. وان شاء الله بوزن للوزن اللي ابااه


تسلمين حبيبتي عالتواصل معناا ^^

ربي لا هانج

انا وياج قلبي
عمري 21
وزني 94
طولي 165
ابي اوصل 65 ع الاقل
يعني اخسر 29 و نص
في اسبوع و نص نقصت كيلو و نص
عندي ارادة و اسوي تمارين غيرت حياتي وايد
غازات من شهر و نص او شهرين ما اشرب
و اكلي دايت
توست اسمر حليب قليل الدسم او خالي و كورن فليكس مال ريجيم
و اكثر سوائل
امشي يوميا
انام بدري و اصحى بدري بدون سهر و ع الاقل 6 - 8 ساعات انام
شكلي متغير و الكل يقول
بس صار لي يومين من بعد دورتي و انتوا بكرامة اشتاق للسويت :(
بس اكل قطعة و امشي يعني احرقهم ^,^

السلام علييكم ورحمة الله وبركاته


الصراحه هالشي مب صعب ما يباله غير اراده
وكل وحده لازم تشد حيلها وتحط الهدف جدامها
انا ابى انقص وزني ولااااازم انقصه
لاعت جبدي من عمري كل يوم اقول ببدا اسوي ريجيم وبعدين اخرب كل شي !!
الحين لازم نبدا ونوعد بعضنا انه محد يتكاسل و يتعايز .. واللي تتعايز بنزعل منها :( وبتصير دبه ومحد بيشوفها :( والملابس بتطلع مب حلوه عليها وما بتلاقي شي قياسها
كييفكم عاااد انا خبرتكم
خخخ بعقدبكم بس صبرو عليه


انا بصراحه اشتركت ف وايد مواضيع فهالركن
بس ما استمريت معاهم !! للاسف وان شا الله يعذرني
وايد يهمني انه البنات اللي اكون معاهن يكونن متعاونات وعندهن عزيمه عشان يشجعني واشجعهن

الحين انا بخبركم طولي ووزني
ههههههههه
طولي : 170 قولو ماشا الله هههههه
وزني : 75
ابى انقص مب اقل عن عشره كيلو
يعني ابى وزني يصير بين ال60 وال65 بس ما يزيد عن هالوزن
عرس اخويه ف بداية سبعه وابى اطلع حلوه ف العرس :) عاد لا تتحروني خسفه هههههههههه

انزييين شو رايكم
كل وحده اتحطلها هدف
يعني مثلا خلال شهر كم تبين تنقصين ؟ مثلا خل نقول خمسه او سبعه كيلو
كتبو هالشي فورقة وعلقوها ف مكان بارز يعني مثلا ف المنظرة ( المرايا ) مالت التسريحه عشان كل يوم تشوفين هدفج .. وهذا وايد بيزيد العزيمه عندج وبيجددها كل ما قلت
كتبي امور تشجيعيه يعني مثلا بصير حلوه رشيقه سمبتيك
حطي صورة وحده رشيقة جدامج ..
وروحي اشتريلج لبس عايبنج ويكون اصغر من مقاسج الحالي ويوديه عندج وكل اسبوع قيسيه
الين ما ايوزلج اللبس .. عشان تحسين انج ضعفتي صدق

شي ثاني :- تذكرو انه اللي يروح بسرعه يرد بسرعه اضعاف ما كان
واعتقد وايدين جربو هالشي .. فلا تطمعون وايد وارضو بالقليل .. سبحان الله هذا احسن من انج تخسرين وايد وبعدين تردينه الدبل

ثالث شي : حاولو كثر ما تقدرون ما تاكلون فاست فود ولا تشربون غازيات
رابع شي : اهتمو بالرياضه وخاصه للي اوزانهم كبيره .. لانه اذا ضعفتو من دون رياضه بتترهل اجسامكم وبتطلعون من مشكله وبتدخلون ف مشكله ثانيه اصعب

خامس شي : كثرو من شرب الماي واكل الروب لانه يساعد ف التخسيس


هذا اللي عندي
وشو رايكم نبدا من باجر :)
اشكرج حبوبه وان شا الله من هالمووضوع بنوصل للاجسام اللي نباها

هلا حبيبتي ** فعلاً الدعم النفسي والتشجيع من الغير على الاستمرار في الدايت مهم جداً لكن مو اهم من دعمك انتي الداخلي وإرادتك انتي وإصرارك انتي لإن الغير بيجيه فتره ويبرد ويمل لكن اذا كان هالشي صادر منك انتي ومن داخلك عمرك ماراح تحسي بالملل ابداً وعندي شويه نصائح مهمه ومفيده انشاء الله تساعدك على النحف بسرعه وبطريقه صحيه بعد :

أولاً : نظامك الغذائي لازم يتكون من 5 وجبات خلال اليوم يعني (3وجبات رئيسية و2 سناكات بين الوجبات الرئيسيه عباره عن فاكهه او عصير فاكهه طبيعي بدون سكر ) .

ثانياً : الإستيقاظ المبكر وعدم السهر لوقت متأخر لإن السهر يجوووع ويخلي الواحد يفتح الثلاجات وأيش ماحصل ياكل وبس .

ثالثاً: اشربي الكثير من الماء خلال اليوم يعني 8 كاسات باليوم او اكثر شويه برضه ممتاز وخاصه الصبح على الريق 2 كاس ماء فاتر بعدها بساعه او ساعتين تقدرين تاكلين فطورك اليومي .

رابعاً : حاولي يكون الشاي الاخضر من ضمن نظامك اليومي كوبين إلى ثلاثه اذا قدرتي باليوم ممتاز جداً لمساعده حرق الدهووون ويصفي الذهن .

خامساً : امشي على الاقل نصف ساعه يومياً او ساعه اذا قدرتي بالوزن اللي انتي فيه راح يفيدك المشي كثيررررررر ويختصر مشوار الدايت عليك فمعروووف فالحركه بركه ونصيحه لاتبدئي بالتمارين الرياضيه الا بعد ماتكوني نزلتي من 7 إلى 10 كيلو .

سادساً : اضيفي ملعقه من خل التفاح إلى السلطات اليوميه اللي تاكلينها وخليها عاده بالنسبه لك ولو تضيفي شويه بذر كتان مع السلطه ممتاز برضه .

سابعاً : حطي لنفسك نهايه الاسبوع (وجبه أوف) من الاشياء اللي تحبيها ويفضل ماتكون عشاء واذا لازم عشاء تكون بدري شويه على 8 أو 9 مساءً .

ثامناً : كل يوم صباحاً اشربي منقوع الليمون والكموووووون معروف انه ممتاز لحرق الدهووون على الريق وهو عباره عن نصف ليمونه مقطعه شرائح مع نصف ملعقه صغيره حبوب كمون توضع بكوب ويصب عليها ماء مغلي وتترك ربع ساعه بعدها اشربيها على الريق ممتاززززه جربيها اسبوعين وراح تلاحظين فرق .

تاسعاً : لاتقسي على نفسك وتحبطي اذا مانقصتي في احد الاسابيع الا كيلو او حتى نصف كيلو مادامك لازلتي تنزلين خير وبركه والنززووول المبالغ فيه غير مرغوب ابدا يعني لو نزلتي 2.5 في الاسبوع ممتاز عشان ماتجيك ترهلات كبيره بعدين .

عاشراً وآخراً : الله الله بالإلتزام وعدم الغش كثيراً لان تذكري عندك يوم اوف تقدري تاكلي اللي تحبيه وخلي هذا شي يدفعك للمواصله ونقطه مهمه لاتوزني الا كل 10 ايام مره صباحاً بعد الخروج من الحمام فهو الوزن الصحيح لكل جسم .

اتمنى مااكوووون طولت عليك بس تحمست معك ذكرتيني بصاحبتي انا اجلس انصح فيها واحمسها وهي مطنشه طولها ووزنها مقارب لك جداً .

رفـآعـيـهـ دبـدوبـهـ;5319699:
انا وياج قلبي
عمري 21
وزني 94
طولي 165
ابي اوصل 65 ع الاقل
يعني اخسر 29 و نص
في اسبوع و نص نقصت كيلو و نص
عندي ارادة و اسوي تمارين غيرت حياتي وايد
غازات من شهر و نص او شهرين ما اشرب
و اكلي دايت
توست اسمر حليب قليل الدسم او خالي و كورن فليكس مال ريجيم
و اكثر سوائل
امشي يوميا
انام بدري و اصحى بدري بدون سهر و ع الاقل 6 - 8 ساعات انام
شكلي متغير و الكل يقول
بس صار لي يومين من بعد دورتي و انتوا بكرامة اشتاق للسويت :(
بس اكل قطعة و امشي يعني احرقهم ^,^

ما شااء الله عليج حبيبتي .. استمري وإن شااء الله توصلين لهدفج .. وتستانسين .. يااهي أحسها حلم هالرشااقة ..

هيه و ترا السهر من أكثر مسببات السمنة لأنه وقت بعد العشا تقريبا جي يبدا اليوع عاد .. ويكون يوع مو طبيعي .. ولو مسوية رجيم ولا لأ تاكلين اللي تجوفينه جدامج.. بس هنيه بسكن الجامعة شي يومي السهر ويا هالتقارير والمشاريع الله يعيننا .. فلازم بعد انظم وقتي .. لأنه يمكن بيساعدني أخف ..

والله ما شاء الله عليج حبيبتي أحسج محافظة.. وما شاء الله أحس عندج إرادة .. واستمري ويانا إن شاء الله نوصل للهدف المطلوب ..

مشكورة حبيبتي عالتواصل .. ربي لا هانج ^^

أريش العين;5319998:
السلام علييكم ورحمة الله وبركاته


الصراحه هالشي مب صعب ما يباله غير اراده
وكل وحده لازم تشد حيلها وتحط الهدف جدامها
انا ابى انقص وزني ولااااازم انقصه
لاعت جبدي من عمري كل يوم اقول ببدا اسوي ريجيم وبعدين اخرب كل شي !!
الحين لازم نبدا ونوعد بعضنا انه محد يتكاسل و يتعايز .. واللي تتعايز بنزعل منها :( وبتصير دبه ومحد بيشوفها :( والملابس بتطلع مب حلوه عليها وما بتلاقي شي قياسها
كييفكم عاااد انا خبرتكم
خخخ بعقدبكم بس صبرو عليه


انا بصراحه اشتركت ف وايد مواضيع فهالركن
بس ما استمريت معاهم !! للاسف وان شا الله يعذرني
وايد يهمني انه البنات اللي اكون معاهن يكونن متعاونات وعندهن عزيمه عشان يشجعني واشجعهن

الحين انا بخبركم طولي ووزني
ههههههههه
طولي : 170 قولو ماشا الله هههههه
وزني : 75
ابى انقص مب اقل عن عشره كيلو
يعني ابى وزني يصير بين ال60 وال65 بس ما يزيد عن هالوزن
عرس اخويه ف بداية سبعه وابى اطلع حلوه ف العرس :) عاد لا تتحروني خسفه هههههههههه

انزييين شو رايكم
كل وحده اتحطلها هدف
يعني مثلا خلال شهر كم تبين تنقصين ؟ مثلا خل نقول خمسه او سبعه كيلو
كتبو هالشي فورقة وعلقوها ف مكان بارز يعني مثلا ف المنظرة ( المرايا ) مالت التسريحه عشان كل يوم تشوفين هدفج .. وهذا وايد بيزيد العزيمه عندج وبيجددها كل ما قلت
كتبي امور تشجيعيه يعني مثلا بصير حلوه رشيقه سمبتيك
حطي صورة وحده رشيقة جدامج ..
وروحي اشتريلج لبس عايبنج ويكون اصغر من مقاسج الحالي ويوديه عندج وكل اسبوع قيسيه
الين ما ايوزلج اللبس .. عشان تحسين انج ضعفتي صدق

شي ثاني :- تذكرو انه اللي يروح بسرعه يرد بسرعه اضعاف ما كان
واعتقد وايدين جربو هالشي .. فلا تطمعون وايد وارضو بالقليل .. سبحان الله هذا احسن من انج تخسرين وايد وبعدين تردينه الدبل

ثالث شي : حاولو كثر ما تقدرون ما تاكلون فاست فود ولا تشربون غازيات
رابع شي : اهتمو بالرياضه وخاصه للي اوزانهم كبيره .. لانه اذا ضعفتو من دون رياضه بتترهل اجسامكم وبتطلعون من مشكله وبتدخلون ف مشكله ثانيه اصعب

خامس شي : كثرو من شرب الماي واكل الروب لانه يساعد ف التخسيس


هذا اللي عندي
وشو رايكم نبدا من باجر :)
اشكرج حبوبه وان شا الله من هالمووضوع بنوصل للاجسام اللي نباها

تعرفين شو حبيبتي .. انا اذا بغيت شي من خاااطري .. اسوي المستحيل عشان أحصل عليه .. بس مشكلتي أني أمل بسرعة .. بس اذا جفت شي تنافس وجي استانس وأتنشط ..

من باجر إن شااء الله بنبدا ويا بعض .. بحطي النظام اللي عطني اياه الدكتوور يوم ركبت البالون .. الصراحة وااااايد يسااعد و واااااايد ينفع .. وصدق بتحسين عمرج وياه خفيفة ونشيطة .. بس اول اسبوعين يمكن الواحد يصاب بالخموول اشوي .. بس ها طبيعي أحسج لأني قمت غيرت نظامي مرة وحدة .. والدكتور قال لي مالها آثار جانبية .. يعني عقب لو اتبعت هالنظام شهرين بعدها اروم آكل اللي أباه بس بكميات قليلة .. أنا اولريدي ما اقدر آكل وايد لأنه لو كلت شوي زيادة برجع بسبة هالبالون .. وطبعا الاكثار من شرب الماي .. وما يكون ماي بارد .. يعني يكون ماي عادي بدرجة حرارة الغرفة أحسن .. يعني ما ينحط في الثلاجة .. قال لي اشربي منها 8 قلاصات في اليوم .. بس بعده بطني ما يتحمل هالكثر ماي .. بس أحاول أشرب منه ..

وقال لي ابتعد قدر المستطاع عن الدهون و السكريات .. و اشرب جاي أخضر بدون شكر وااايد لأنه يحرق الدهون .. أول شي بتكرهين طعمه بس عقب بتتعودين عليه ..

وان شاء الله انا من هالاسبوع بشترك في النادي الرياضي مال الجامعة .. وببدا من باجر لازم كل وحدة اتي وتحطي وزنها وتكتب شو هالهدف للأسبوع الياي يعني باجر هو الأحد .. بنحطي شو هدفنا للأحد الياي كم كيلو نبا انقص .. ولازم نشجع بعض ولا نتهاون .. لأنه قبل الجمال والجسم الحلو .. هاي صحتنا .. وأغلى شي عندنا لازم نحافظ عليها حتى لو حرمنا أنفسنا من اشيا حلوة .. لأنه عقب هالتعب واذا نقصنا اللي نباه صدق صدق بنستانس ..

انا كان عندي أخو وزنه كان 120 .. مرة في يوم حس على عمره قال شو ها يعني بعدني شباب وبعدة عمره 20 كان .. و وزني جي .. قام على طول تسجل في الصالة الرياضية للعلم هو طوله 172 تقريبا .. وصدق ارادته كانت قوية ما شااء الله .. والحين وزنه وصل 77 .. مو باقي غير 5 كيلوات تقريبا ويوصل للوزن المثالي ... كل ما أجوف جسمه أحسسسسسسده .. ههههههههه ابي استوي شراته حتى في اللبس وجي قام يلبس استايلات .. وشكله تغيييير طلع حلووو من قبل ما الكل كانت اتعيب عليه والله وتقول دب ومتين ..

هالشي شوي شجعني اني أبدا .. وغير هذا .. ابوي كان وزنه تقريبا 90 .. وطوله 160 قصير وحليله .. وقلت لج اشكثر امراض تسوي هالسمنة .. كان متعبنه القلب .. والله وحالته صعبة .. وعوار في الظهر والريول .. قام ركب هالبالون .. ومشى على قوانين الدكتور بالحرف الواحد .. و والله في سنة وحدة .. من 90 لين 59 .. الحين ضعيييف .. والشي الثاني أنه عنده طاقة شبابية ما شاء الله .. وكل الأمراض اختفت الحمد لله .. ويحس عمره حيوي وعنده قوة وطاقة ..

حطيت هالمثالين اللي جفتهم أنا عشان اشجعج وياي واشجع البنات ونبدا مع بعض

بس أنا عندي مشكلة عوييييييييييييصة .. السالفة اني بسكن الجامعة .. وما ألحق ع مطعم السكن لأنه عندي دوامات وارد متأخر .. فآكل في الكلية .. وكله هناك جنك فوود وغازيات .. ولا جبسات آخر الليل يوم ما آكون ماكلة شي وميتة يووع .. فهالشي مخرب علي .. يعني لو انا بالبيت بسوي لي اشيا مب دهنيه ولا سكرية وأقدر أسوي الرجيم .. بس هني حالتي صعبة .. فبحاول أطلع لي حل وياهم

المهم أنا ان شاء الله من باجر بشترك في النادي .. وبنبدا ويا بعض من باجر .. وبنجووف النتايج .. بس اهم شي تواصلون ولا تقطعوون ..

وتسلمين حبيبتي ع تواصلج ودعمج ..

وفكرة اني اشتري قطعة ضيقة علي وعقب كل اسبوع اقيسها لين اتيوز لي وااايد عيبتني .. وبسويها


ربي لا هانج ^^

حليلكم

SaNdRa2002;5320728:
هلا حبيبتي ** فعلاً الدعم النفسي والتشجيع من الغير على الاستمرار في الدايت مهم جداً لكن مو اهم من دعمك انتي الداخلي وإرادتك انتي وإصرارك انتي لإن الغير بيجيه فتره ويبرد ويمل لكن اذا كان هالشي صادر منك انتي ومن داخلك عمرك ماراح تحسي بالملل ابداً وعندي شويه نصائح مهمه ومفيده انشاء الله تساعدك على النحف بسرعه وبطريقه صحيه بعد :

أولاً : نظامك الغذائي لازم يتكون من 5 وجبات خلال اليوم يعني (3وجبات رئيسية و2 سناكات بين الوجبات الرئيسيه عباره عن فاكهه او عصير فاكهه طبيعي بدون سكر ) .

ثانياً : الإستيقاظ المبكر وعدم السهر لوقت متأخر لإن السهر يجوووع ويخلي الواحد يفتح الثلاجات وأيش ماحصل ياكل وبس .

ثالثاً: اشربي الكثير من الماء خلال اليوم يعني 8 كاسات باليوم او اكثر شويه برضه ممتاز وخاصه الصبح على الريق 2 كاس ماء فاتر بعدها بساعه او ساعتين تقدرين تاكلين فطورك اليومي .

رابعاً : حاولي يكون الشاي الاخضر من ضمن نظامك اليومي كوبين إلى ثلاثه اذا قدرتي باليوم ممتاز جداً لمساعده حرق الدهووون ويصفي الذهن .

خامساً : امشي على الاقل نصف ساعه يومياً او ساعه اذا قدرتي بالوزن اللي انتي فيه راح يفيدك المشي كثيررررررر ويختصر مشوار الدايت عليك فمعروووف فالحركه بركه ونصيحه لاتبدئي بالتمارين الرياضيه الا بعد ماتكوني نزلتي من 7 إلى 10 كيلو .

سادساً : اضيفي ملعقه من خل التفاح إلى السلطات اليوميه اللي تاكلينها وخليها عاده بالنسبه لك ولو تضيفي شويه بذر كتان مع السلطه ممتاز برضه .

سابعاً : حطي لنفسك نهايه الاسبوع (وجبه أوف) من الاشياء اللي تحبيها ويفضل ماتكون عشاء واذا لازم عشاء تكون بدري شويه على 8 أو 9 مساءً .

ثامناً : كل يوم صباحاً اشربي منقوع الليمون والكموووووون معروف انه ممتاز لحرق الدهووون على الريق وهو عباره عن نصف ليمونه مقطعه شرائح مع نصف ملعقه صغيره حبوب كمون توضع بكوب ويصب عليها ماء مغلي وتترك ربع ساعه بعدها اشربيها على الريق ممتاززززه جربيها اسبوعين وراح تلاحظين فرق .

تاسعاً : لاتقسي على نفسك وتحبطي اذا مانقصتي في احد الاسابيع الا كيلو او حتى نصف كيلو مادامك لازلتي تنزلين خير وبركه والنززووول المبالغ فيه غير مرغوب ابدا يعني لو نزلتي 2.5 في الاسبوع ممتاز عشان ماتجيك ترهلات كبيره بعدين .

عاشراً وآخراً : الله الله بالإلتزام وعدم الغش كثيراً لان تذكري عندك يوم اوف تقدري تاكلي اللي تحبيه وخلي هذا شي يدفعك للمواصله ونقطه مهمه لاتوزني الا كل 10 ايام مره صباحاً بعد الخروج من الحمام فهو الوزن الصحيح لكل جسم .

اتمنى مااكوووون طولت عليك بس تحمست معك ذكرتيني بصاحبتي انا اجلس انصح فيها واحمسها وهي مطنشه طولها ووزنها مقارب لك جداً .

حبيبتي والله ما تعرفين اشكثر استانست من نصايحج .. في اشيا صدق صدق اول مرة أعرفها .. وان شااء الله بتبع النصحية بحذافيرها لوول .. عشان اتييب لي النتيجة ..

بس سالفة خمس وجبات في اليوم شوي صعبة .. مع انه الدكتور قال لي هالشي .. بس انا تقريبا مخليتها وجبة وحدة في اليوم والسبب الجامعة .. ما ارجع منها الا وقت متأخر وما عندي بريكات بين الكلاسات عشان ايلس آكل فيها واذا عندي طبعا يكون هناك في مطعم بس جنك فوود .. وانا لازم ما آكل اكثر عن 1200 كالوري في اليوم .. يعني كل وجبة تقريبا 400 كالوري ..

بس صدق استانست ع نصايحج ربي يوفقج في دنياج آخرتج ويخليج لأهلج ويخليهم لج يا رب ..

ربي لا هانج حبيبتي ^^

رومانيه دلع;5321235:
حليلكم

هيه والله حليلنا ..
بس بنقص إن شااء الله .. وبتغارون منا عقب :tongue:

تسلمين حبيبتي عالكلمة التشجيعية هههههه

ربي لا هانج ^^

الحين بحطي لكم الرجيم اللي لازم اتبعه عشان البالون .. بس صدق ينفع حتى للي مب مسوين البالون .. :wink:

يلا وراي :D

أول شي .. في أول اسبوعين .. لازم أكلج كله يكوون ليكيود .(يعني سواااائل فقط ). بس اللي ما تبا تقدر تخطي هالخطوة .. بس الحلو فيها أني صدق نزلت 5 كيلوات في اسبوع .. شي حلو انج اول شي تنزلين شوي وايد وعقب تستقرين مثلا 2.5 كيلو في كل اسبوع عشان التشجيع

في اسبوع السوائل

الفطوور اشربي يا عصير تفاح أو عصير برتقال بس مب رووحه .. لأنه يزيد نسبة الحموضة في الجسم وانتي هالاسبوعين ما تاكلين شي .. احذرو بنات تشربون عصير برتقال و المعدة خالية .. اذا تعودتي على هالحركة بتييب سرطان بعيد الشر عنكن ..
انا يدي كان كل فير ينش يشرب كوب عصير برتقال والمعدة فااضية .. وجاسة سرطان يحفظكم ربي ببطنه بسبب الحموضة والقولون .. المهم الحمد لله تداركنا هالشي وتم العلاج قبل لا ينتشر .. عشان جي الحمضيات تجنبيها اذا معدتج فارغة

المهم ..

الافطار
يكون فيه حليب قليل الدسم + الشابورة مالت الحمية .. وطبعا تكون كمية قليلة مب وايدة + قلاص عصير تفاح او برتقال

قبل الغدا يعني وقت الضحى تقريبا الساعة 11
روب قليل الدسم

الغدا
شوربة دجاج وخضرة .. وطبعا بدوون دهون وتكون الكمية قليلة

وقت العصر
قلاص عصير تفاح أو عصير برتقال

العشا
شوربة دجاج و خضرة .. ونفس ما قلنا بدون دهون و زيوت .. وتكون كمية قليلة


وطبعا اكثري من المااااي قدر المستطاع ..
بصراحة في هالاسبوعين انا حسيت بخمووووووول فظيييع وتعب وما تحركت ولا مشيت .. بس مع هذا في اول اسبوع نقصت 5 كيلو .. بس يمكن لأنها كانت بداية العملية وكل ما حطيت لقمة ببطني أرجعها .. فأنصحكم بالمشي حبيباتي .. عالاقل آخر اليوم امشي سااعة وحدة وانتي شادة ظهرج وبخطوات واسعة شوي .. يعني ما يكون مشي دلع ..


هذا حق اول اسبوعين وقلت طبعا اللي ما تبا تقدر تخطي هالخطوة بس اللي تبا لااااااازم تشرب الماااي بكميااااات


عقب هالاسبوعين عاد يبدا الأكل .. ( ما تعرفون اشكثثثثر كانت فرحتي كبيرة يوم قال لي الدكتور يلا تقدرين تاكلين أكل يعني تمضغينة وجي ... الحمد لله على نعمة الصحة والله .. لازم نشكر الله دوووم عليها )

هلا الماسه
يالله وياج ان شا الله بنبدا
بس ممممممممممممم الشابوره مب ليكويد .. يالله مب مشكله اهم شي اني احبها خخخ
والله اذا هالريجيم بينزلني 5 كيلو ف اسبوعين وااايد زيين :)
خلاص من بااجر بنبدا ان شا الله

وكل يوم بنيي نقول يومياتنا هنيه

هذا اللي بعد الاسبوعين .. لازم ناكل في اليوم 1200 كالوري بس ..
بس صدقوني بنات الاكل اللي هنيه اذا مشيتو عليه .. بتنزلوون .. وبنفس الوقت بتاكلوون لييييييين الشبع ..


الفطور
شريحة متوسطة من الخبز الاسمر أو القمحي ( 70 كالوري ) / تقدرين تبدلينها بـ 1 خبز نشوي
ملعقتين شاي جيلي منظم ( هاي ما فهمتها الصراحة فطنشتها ) ( 30 كالوري ) / تقدرين تبدلينها نصف فاكهة
نصف كوب حبوب قمحية مقطعة ( الشابورة مالت الرجيم) (104 كالوري) / تقدرين تبدلينها بـ 1 خبز نشوي
حليب قليل الدسم كوب واحد (102 كالوري)
عصير برتقال ثلاثة ارباع كوب (78 كالوري ) / تقدرين تستبدلينها بفاكهة ونصف
كوب واحد قهوة سادة ( 5 كالوري)

المجموع : 389 كالوري في الفطوور


الغدا
سندويجة اللحم المشوي (305 كالوري )
شريحتان من الخبز الاسمر المتوسط (139 كالوري ) / يمكن استبدالها بشريحتين من الخبز النشوي
قطعة لحم مشوي بدووون دهوون، محنك 2 اونص (60 كالوري)
خس ، ورقة واحدة (1 كالوري)
ثلاث شرائح متوسطة من الطماطم (10 كالوري) / يمكن استبدالها باي نوع آخر من الخضرة
ملعقة شاي واحدة مايونيز قليل الدسم (15 كالوري)
تفاحة متوسطة (80 كالوري) / يمكن استبدالها بنوع آخر من الفاكهة
كوب واحد من الماء ( هذا بعد ما تخلصين الأكل تشربينه .. انتبهي لا تشربين الماي وانتي تاكلين لأنه يسبب الكرش )

وطبعا المجموع = 305 كالوري


العشااا
سمك سلمون 2 أونص (103 كالوري)
ملعقة شاي ونصف زيت نباتي (60 كالوري)
ثلاثة ارباع بطاطا متوسطة مشوية (100 كالوري)
ملعقة شاي زبدة نباتية (34 كالوري)
نصف كوب فول أخضر محنك مع زبد نباتي (52 كالوري) / تستبدل باي نوع من الخضرة الطازجة
جزر محنك (35 كالوري)
خبز أبيض الملفووف (1 سم) (70 كالوري) / يمكن استبداله بـ 1 خبز نشوي
كوب واحد شاي مثلج غير محلى (0 كالوري )
2 كوب ماااي (0 كالوري )

المجموع = 454 كالوري

سنااكس بين الوجبات
كوبين ونصف بوب كوورن (69 كالوري)
ثلاثة ارباع ملعقة شاي زبدة نباتية ( 30 كالوري)


المجموووع لكل الوجبات = 1247 كالوري ..
طبعا بشطارتكم لازم تخلونها بس 1200 كالوري في اليوم ..

عقب ان شااء الله بحطيلكم لستة للأكلات البديلة اللي تقدرين تاكلينها اذا ما عيبتج أكله من هاي الموجودة ..


ربي لا هانكم :wink:

أريش العين;5321532:
هلا الماسه
يالله وياج ان شا الله بنبدا
بس ممممممممممممم الشابوره مب ليكويد .. يالله مب مشكله اهم شي اني احبها خخخ
والله اذا هالريجيم بينزلني 5 كيلو ف اسبوعين وااايد زيين :)
خلاص من بااجر بنبدا ان شا الله

وكل يوم بنيي نقول يومياتنا هنيه

هيه حبيبتي هي مب ليكويد .. بس تقدرين تخلينها ليكويد يعني مثلا شرات الهريس فاهمتني ؟ << أمحق مثال :tongue:

يعني تحطين شوية شابورة وتزيدين الحليب بحيث يستوي ليكويد .. ههههههه ان شاء الله فهمتيني ..

وترا بعد في الشوربة نفس الشي الدياي .. طبعا لازم يكون صدر دياي .. والخضرة يوم تاكلينها امضغيها عدل مدل خليها تنهررررس عقب ابلعيها فاهمتني ؟
وتقدرين بدلها تسوين شوربة الدياي اللي تكون الياي مفتتة فيها ؟ ههههه ما اعرف شو يسمونها إن شااء الله فهمتني ..

وهيه .. ان شااء الله كل يوم بنقول لبعض شو كلنا شو من تمارين سوينا وجي .. وان شااء الله تنوفق ..

تسلمين حبيبتي عالتوااصل .. ربي أكرمج لا هانج ^^

فرحتي فيكم يا عرايس ما تنوصف لاني نفس حالتكم
ووالله لازمني تشجيع كيف انتو لازمكن تشجيع
كتير فرحت بردود الموجوده بتحسي في مين حاسس بمشكلتك وعارفها
مممممم وخصوصي انو كل اقاربي هياكل عضميه من كتر الضعف
يعني تخيلو بمشي مع بنت عمي هيي كانها رقم واحد وانا حدها متل الصفر مضغوطه على قولتك
هههههههههه والله شي يضحك وبيقهر يالله الله يعيننا

هلا عمري رح يصير 18
ووزني 78 هيك شي
وطولي 156 تقريبا

وحابه اني انزل وزني ل 55 او اقل
لنهايه شهر 6 بتمنى اني اوصل لهاد الوزن
اوللا المناسبات الصيفيه تدرون افراح وغيرها
وتاني شي خطيبي يجي بصيفيه وبعد سنة غياب حلو يجي يلاقيني عاملتله سربرايز حلوه هيك
اكيد رح يفررح كتير


انا من مبارح بديت ما اكل بعد الساعه 6 وان اكلت اكل شي قليل مش كتير
وقللت كميه اكلي يعني بكتر من الصلطات والخضراوات والماء وبقلل من الخبر والحلويات والبيبسي
والشيبس وغيرو
وبكرا رح ابدا كمان امشي نص ساعه يوميا اذا قدرت وعجبتني كتير فكرت اني اجيب تياب مقاسها اصغر من مقاسي ورح اجربها

يالله يا بنات خلينا نشجع بعض لانو ما حدا حاسس بنفسيتنا غير بعض
ونشالله بنوصل للوزن الي نريده كلنا
وشكرا كتير علموضوع كان بدي بس موضوع علشان افجر مواهبي ونشالله كل يوم نتواصل سوا ونخبر بعض شو يصير معنا